WWW.TUNGZANGNEWS.COM

 
Picture
Tulam Ciang
[ZOMI Eimi te ka muh dan]
Tuma kum 20 lai sangin, tuni tuhun i Lungsim picin zia leh ngeina tualkhuak puak zia te leh, deihdan utdan te tampi tak nakpi in kilamdang toto hangh....  

@ Makai te khat leh khat panmun leh zaneihna ong ki tel siam te eh ey.
@ Mipil te in, angsung bek sangin, Ninam aading deihsakna ong lian deuhdeuh ta ey.
@ Kipawlna khat a makai khat in, a dang kipawlna khat a om makai khat ong panpin zawdeuh ta ey.

Minamdang te' lak ah, ei le ei ki zumpih ngam piang/ ki maingal pih ngam ta hangh ey. Bukim khantoh na ding tawh, panmun letmun sepdan tuamtuam tek tawh ma ki pangh khawm thei ta ey. Itna leh sum leh pai tawh, khat leh khat ma ki dawn in, ki huh nuam zaw deuh ta ey.  Khat leh khat ki leh hek, minam lehhek in angsung ding bek te nusia in, a huaipi in ki sawm zawh deuh ta ey. Khuatual lungsim puak pan in, vannuai huampi lungsim-puakdan neih zaw deuh ta hangh ey. Kimawhsak leh ki hawmthawh, ki  nuai net sangin, ki pahtawi ki lamto kihilh in tha kipiak tam zaw gik zaw ta ey.  Pawlpi leh biakna, hia pawl hi pawl cih te sangin, "I vek in" cih tawh ma ki suan hithit ta ey. Khat leh nih bek tawh ki hih khuankhuan in masuan te sang in, mipi leh mikim tawh itna hawmkhawm thei ta hangh ey. Gualzawhna bek lungtup sangin, sepkhopna leh nopsak khopna ah, i lungsim te ngah zaw ta hangh ey.  Mimal leh minam ong nei Topa' min phat khawm in ong  piangsak pa leh ong nei ong kem, lam ong pi biak Pasian liansak in, lungdam khawm  ni!!! Eite ong huai, minam ong nei ZOMI te' Pasian liansak ni!!!

 


Comments


Your comment will be posted after it is approved.


Leave a Reply

    Tungzang News

    All