<![CDATA[TUNGZANG NEWS - Tedim]]>Thu, 28 Dec 2017 09:42:23 -0800Weebly<![CDATA[Zolai simbu tawh kisai]]>Tue, 17 Apr 2012 23:02:00 GMThttp://tzltt.com/tedim/zolai-simbu-tawh-kisai
Ngin Khan Khual

18-2-2010 ni-in Tedim Township Education Officer (TEO) dingin nasep ka kipan a, a sawt loin

Tedim khua sung pawlpi tuamtuam pan Pasian nasemte le NGO makaite samin Zolai laisimbu bawl nading Revolving Fund neihhuai cih thu ka kuppih leh "Zolai pen sin ding thupi hi" cih sim loh  ngaihsutpihna hong nei lo uh hi.

Tua ciangin thu tampi kan man nawn loin ka tapa Thang Tawi Kim Khai (Zo-lun Computer) tawh kopin Tedim, Tonzang, Cikha sung tan 4 leh anuaisiah sangnaupang phazah zui-in Tanlang Zolai

simbu 3500, Tan khat bu 3500, Tan 2 bu 3500, a sumin K.2,285,000 man abat in 2010 sangkhak

sungin ka bawl bibu hi. Tedim, Tonzang le Cikha uk Zogam sang teng ah sin dingin ka hanciam hi. Ko pata in K.2,285,000 man Zolai simbu abatin ka bawl uh H Gin En Cin,DD in hong in hong theih ciangin "Kei theih teng athei ding na hi ve vua" ci-in hong lunghihmawhpih ahih manin huhna hong zonpih leh Ciimnuai Boarder neipa Sia Kung Za Mungte innkuan in K.250,000/- hong pia ahih manin Tan 2 Zolai Simbu 850 amawkna'n kihawmkhia zo pah hi. Laibu la napi a sin lo sang tampi mah om hi. 2010-2011 laisin kum lap dinga Tonzang ka puak toh teng bang a ipip nangawn kiphel vet lo, ci hi.

2010 kum pawlin U Chit Htwe, (IS,Hakha) in Cikha sangpi va sit a, siaten Zolai ahilhna a Diaryte uh sungah a muh teh " Hih bang hiam" ci-in dong hi. Siaten "Zolai hi" acih uh ciangin zadah mahmah hi. Sang sitin a zinna peuhah tua mah etcik pah ahih manin Tonzang le Cikhaten Zolai sin ding patau phadiak uh hi.

Tedim Sangpi-ah Sayama Niang Ngaih Lun in deihsakna tawh Zopauin a hilhcian leh Chief Minister tung kitunpah a, tungsiah pan thum vei tak thu sit hi. A thum veina U Kyi Toe in 16-7-2011 ni-in sit a, ko gawpgawp hi.

15-9-2-11 ni-in Dr Ba Maung in Hakha ah TEO te kikhopna ah tua thu mah pulak lai hi. "Kawlpau, Kawllai i theih loh manin Zomite'n tan 10 ong zo lo hi hang" ci hi. I theih loh taktak pen Kawllai hi loin Manglai hi zaw hi. 2011 kum tan 10 laivuanna ah Tedim pan 201 in zo a, 114 in manglai mat 40 bek ngah uh hi. Kawllai bel kizo mahmah lel hi.

Sittwe University le Kyaukphyu Education College ah zong Rakhine pau zang uh hi. Kawlte a kah lo hi lo hi. Mon, Shan, Karen cihten a lai uh suakta takin sin veve uh hi. 2010-11 Tedimah tan 10 laivuanna en a hong pai, BEMS Aibur Siapi Kachin Siapa tawh laivai ka kikup  uh leh Kachin zanggamah minam tuamtuam om ahih manin sangkhak sungin Kachin lai kasin uh a, mualtung gamah tuni dong ka hilh uh, hong ci hi. Sangah tan 2 ciang Zolai sin theih nading phalna om gige hi. UNICEF in zong "I suahpihpau pen thupi hi, laihilh nadingin hoih hi" ci hi.

TZN: Ngin Khan Khual

]]>
<![CDATA[Tedim District ngahna ding hanciam]]>Thu, 29 Mar 2012 05:02:10 GMThttp://tzltt.com/tedim/tedim-district-ngahna-ding-hanciam
TZN: I theihsa mah bangin Zogam (Chin State) sungah District 2, omin Zogam leitaw lamah Mindat District le leilu lam ah Falam District ahi hi. Tua kawm kalah Pu H. Vung Nang ( President of ZRDP) makaihna tawh Tedim kampaute' sungah Tedim Dictrict i ngah behna ding lunggulhna tawh nung Nipikal sungin Tedim khuanu khuapate tawh holimna le akisam laite etkhopna nei thei cih kiza hi.

Tua banah Tonzang le Cikha khuapite zongah akisam mipite' thukimpihna le lai thupite etcianna nei beh lai-in, tua laite etdik khit ciangin Kawlpi lam ciah sukin Kawlgam kumpi zumpi Nyipydaw President U Thein Sein tungah laite puak khin ta cih kiza hi. Kawlpi le Nyipydaw kikal Pu H. Vum Nang' khualzinna ciah le kuan sumbei teng Vangteh khuami Dr. Thuam Khan Suan (Kalay DC Superintendent Dental ), in minam itna tawh piakhia ci hi. Tedim District thak khat i ngahna ding Zomi akua maciat in thungetna tawh mapang khawm ding hi hang.
 
TZN: Source: Tongsan.org

]]>
<![CDATA[Zogam Rural Development Program (ZRDP) makaipi pa Pu. H. Vum Za Nang in lamzikpi sialding cih tangko gelna nei ]]>Sun, 04 Mar 2012 03:15:41 GMThttp://tzltt.com/tedim/zogam-rural-development-program-zrdp-makaipi-pa-pu-h-vum-za-nang-in-lamzikpi-sialding-cih-tangko-gelna-nei Picture
Zogam Rural Development Program (ZRDP) in "Lennupa" mawtaw lamsial ding gelna
Zogam sung ah mual hoih mahmah a min thang a hi “Lennunpa” cih mualmin thangpen nam dang mite hi tah leh Zomite in paitheihna ding leh tuntheihna ding in Zogam Rural Development Program(ZRDP) makaipi Pu. H. Vum Za Nang in a sawtlo in ah lamsial ding cih tangko khiatna nei hi. 

Nam dangte genloh Zomite zong hih mualhoih a mukha nai lo mi tampi ki om ding aa, mi a mu nuamkhem peuh in oltak leh baihtak in tuntheihna ding in (ZRDP) makaipi Pu. H. Vum Za Nang in ma pankhop ding cih deihsakna takpi tawh zaksakna nei khia hi.

                                                  H. Vum Za Nang Zaksakna


Zomi akuamapeuh ih zaksa leh ihtheihsa om mah bangin Chinstate ( N ) sungah mun thu p[i mahmah nih om a khat pen Rih Falam gam hi'n Tedim pan naipen hi. A nihna mual hoih mahmah khat ahi Thang Mual sang amuhnop huaizaw leh amin thang vangvang Lennupa kici pen apaisa sungah khua khat leh khua khat kogam hi kici in kituh in thu kinei ngei a ahi zongin tukum tak ciangin kuama a hilo in Tedim gam hi cih tawh thukimna kinei thei ta hi.

Hih Lennupa pen lampi omnai lo a A sawt lo in Lampi tawh kipan nuam hihang gamdang mi te hitakei leh zong Zomi leh kawlmi te mahmah zong lampi omlo in paina ding hamsatna hangin kuamah kim kitungzonailo suak hi. Tua ahih manin tun lampi tawh kipan nuam ta ih hih ciang a lunglut
ten na omna na uh pan thu kiza in pang khawm ciat ni cih hih lai tawh kong zawn hi.

Lennupa tawh kisai hi ta leh ZRDP nasepna khat pepeuhah na omna gamgam Zomi Innkuan leh Zomi kipawlna khat pepeuh te tung tawnin kizopna kibawl thei ding hi.

Lungdamna nalianpi leh lametna tawh nomau tawh mapang khawm
H- Vum Za Nang
President
ZRDP


]]>
<![CDATA[Zomi Innkuan USA (ZIUSA) in Tedim Youth Fellowship te ading mawtaw leisak]]>Thu, 01 Mar 2012 04:07:00 GMThttp://tzltt.com/tedim/zomi-innkuan-usa-ziusa-in-tedim-youth-fellowship-te-ading-mawtaw-leisak Picture
Zomi Innkuan USA (ZIUSA) in Tedim Youth Fellowship te ading mawtaw leisak
USA gamsung a om Zomi kipawlna a hi  Zomi Innkuan USA (ZIUSA) in USA gamsung a om Zomi mipi tung ah Tedim Youth Fellowship (TYF) te mawtaw leina ding huhna makai te in donsak in kawlgam sum tang lian in ah Ks. 4,017,000 kingah hi cih Tongsan News gen hi. Hih sum pen kawlgam Yangong khua pi ah Pa Mangpu tungtawn in kikhak ci hi. TYF makai pi pa Pu. Nung Sian Tuang le ZNC General Secretary makai Gin Kam Lian te in thohthei uh ci hi. Tua ban ah kawlgam ah a zin Rev. Thawng Khan Cin Board member of ZIUSA, in Pasian tung ah apna neihsak hi. 
Mawtaw hoihmahmah Mandalay pan in Suft Hilux namte leikhin zo ci hi. Mawtaw tawh makai pi pa Pu. Nung Sian Tuang lungdam tak in ah Tedim zuan in lungdam ko ding in ciah kik to khin mawtawh ci hi. TYF in ZIUSA tung ah lungdam bek tawh lungkim lo in lungdam na kician in koh pha laiding ci hi. 

                                       USA in TYF tung huhna ngetna tawh ki sai thu tawm 

TYF in USA tung hih bang in huhna ngetna tungtawn in ah ZIUSA kipawlna tuamtuam te thukimna tawh ki thukim in ki huh aa, hih sung ah USA, Zomi Innkuan kipawlna tuamtuam te: pawl khat te huhna piak a tampia deuh bang ah Zomi Innkuan Missouri in Ks. 2,228,000 tawh piakkhiatna piakhia ci hi. Huhna piakhia mimal kim pello in in limtak in ah suahsak zaksak kik ding thupi masa in ki nei lai hi.

]]>
<![CDATA[MINAM MIN VAI]]>Sat, 25 Feb 2012 03:42:22 GMThttp://tzltt.com/tedim/minam-min-vai
Minam Min vai

Kei mimal tuahkhak (experience) le muhna ah Zomi deihlo, Chin deihlo kuamah omlo hi. Ahi zong tua min khat peuh zanga vai kihawmna ah dialect group khat peuh in hong valhtum kilau ciat tek na hi mawk hi.
Manipur a Kuki- Zomi buaina pen Kuki ah paite tuitum kisa lo a, tua mah bangin Zomi ah Kuki tuitum ngaplo uh ahihman abuai na hi zaw uh hi. Chin State ah ZBC sungah Tedim kampaute banghang paikhia hiam ZBC pen Zomi mah cileng ci a i kan khiat ciang tuitum kisak le kisakloh tungah tampi tak kinga mawk hi.

Tua mah bangin Miziram ah Mizo/ Zomi ah dialect dang zangte tuitum kisalo in Autonomous atuam Minam min zang in ngen uh hi. Gentehna in Mar, Lai le adangteng phial Mizo cih nuai utnawnlo in hi thei hi leh State tuam banga inntuan khia nuam uh ahihi. Atunga teng en leng Min vai hilo a Zosuan bup santheih Political structure khat kisam zaw ahi , ci in mimal in ka um tinten hi.
Anai pen enleng ZBC phel nih kisuah khit aphel khat a om Tedim kampau ciatciat Convention nih a kikhen i hih ciangin, i buaina bulpi pen Nomenclature hilo cih siang tak kimu thei hi. Gentehna khat leuleu ah Roman catholic sungah zong Zomi Catholic ciatciat Diocease nih a kikhen vaihawmnopna movement pen nung deuh pan honghat mahmah cih i thei ciat hi.

I lungsim sungtawng tek a lakipawlnuam , lah kikhenuam cih complex ki nei tek sa ing.
Tua lungsim pen Federal Struture hoih khat tawh ki damsak zo bek ding hi. Tua banglo in bel kikhen neu suksuk lel dingin atawpna ah kii akno lawhkhuh ding cihloh adang om lo mawk hi. Hih pen khangthak Zosuan bup tunga Pasian hong piak Mawhpuak le Changlenge lian pen khat ahih manin Zomite hanlung ciam in khut kilen a, nasep hun ta hi.



By- Zokhup

Src: Zogamnuam
]]>
<![CDATA[Bunglung khua ah Zomi Music siamte Pasian nasepkhopna omding #2]]>Sat, 25 Feb 2012 03:11:45 GMThttp://tzltt.com/tedim/post-title-click-and-type-to-edit2 Picture
Ka mail khah a kitheikhial khat om kha in um ing.

Amasa in Miuzik siam Cinpi, Sangpi, Thawnkham, Zamnu te pen miuzik van kawm man nitak khat ai Ks. 100,000/- ta hong huh uh hi in amau hong pai ding hi lo hi.

Hih Bunglung khua ah kei, Sia Khupneu, Siama Cingcingte zanhal in ka va pai thei uh hi.

Bunglung khua sungah, Emmanuel pawlpi, Leipi pawlpi, Ag pawlpi, Presbyterian pawlpi cihbang in pawlpi na om hi. Tutung nasepna vai dingin Pawlpi khat peuhpeuh kibul phuh lo phot hi. Ahi zongin pawlpi te pan mahin vai hong hawmpih ding uh hi.

Akhua sung a biakna makai nih leh khuasung makai nih tawh ka va ki mu thei hi. A dan limtakin ka gen cian hi. Amau zong nuam mahmahin a khua sung ua music band om sung pan a om thei te hong kikai khawm samsam uh a, nitak stage bawl nading, sun hun tentan bawl na dingte a mun ding ka en kawikawi uh hi.

Lawp mahmah uh a, athasial huai het kei cih ka mu hi.

Khuanawl a kawlpawi a bawlna uh innpi zong hong etpih uh a, a kisap leh a mawknain zangin khuasung khangnote in hong lepsak hong sepsak ding uh ci hi.

Tu tung tentan pen a hih theih leh Sang huangsung ut ing ka ci hi. BAnghang hiam cih leh tentan pia dingte giah nading, music vante leh stage bawl na ding, mipi om na ding, kisil, dailen, giah nading, tentan room ding cihte lem pen ding hi ka ci hi. Tua hi a Sanginn na deih leh Sang Siapi nu tawh ki khuanu khuapa tena kimu nung hong ci uh hi.

Tu tung tentan zawh phet in Kawl pawi (tuibuah pawi) a ding kiging suak pah ding hi ung ci uh a, nong sap uh leh ko zong hong pai ding ung a, no zong Dec. kha ciangin ko tapidaw pawlpi teng kipawlin Xmas ka bawp uh ciangin la hong sa pah un ka ki ci uh hi.

Sun lam nai 3 huam sungbang vai teng vaan leh kamkupna ka neih khit uh ciangin Kawlpi lamzuan in ka ciah kik uh hi.

Music van kawmna pa Ko Thanthon ka gen ciangin tua ahih leh ken zong nitak khat a mawkna in hong kihel ning hong ci a, ni 6 hong suak to ding hi.

Hih vai hong geelkhia pen, Siama Cingcing (Dimzang - GMI) leh Siama Haukhek (Lasal siam Zamnu nau) te ahi uh hi. Amau tegel zong Topa'n nasia takin nampih nampihlo lak ah hong zatsak semsem ta hen.

Thungetna ah hong phawk ciat lai un.

--
Tuan Khan Mung
Phone: (09) 4707 3054
Email: tuamung.khan@gmail.com 

]]>
<![CDATA[H- Vum Za Nang tawmvei Nipyitaw]]>Mon, 20 Feb 2012 19:50:07 GMThttp://tzltt.com/tedim/h-vum-za-nang-tawmvei-nipyitaw
A zahtak huai Zomi u leh nau akuampeuh na omnaciat panun damtek dingin kong deihbawl hi.Ko Zogam kawlgam sunga om teng zong ki hoih tek cih ding hi. Kei zong 15th Febuary nin Yangon pan in Nipyitaw kana tung hi. 16th nin TYF pan Pa Nung Sian Tuang zong Nipyitaw ong tung in tulaitak Zom i te maban kana zomto thei uh hi.

5th Febuary nin kong mipi tunga kong thusun na om mah bangin ni sawm ( 10 ) ong cing khinta ahih manin kong nangak keikai uh hang Zomi leh Zogam laisung khawng leh Net sung khawngah ki it thei mahmah hinapi'n tuni dong Tedim khuapi ah kuamah ong ciah omlianglo ih hih manin vaikhempeuh a banban in kivai to deudeu in tuni ciang aki zosiang suak
ta hi.

Hih CNA/CNF te'n Tedim gam huam sunga zum honsawm vai tawh kisai in kawlgam pan in makai ki guang in tua khitzawh teh khua hausa te'n khuazang bup pi tangin CNF te zum honsawmna vai deih louhna hausa khua sawm giat leh khua thum ( 83 ) in letmat thuh khin ta uh hi.

Nipyitaw kapaima uh hi ta leh kapai khit uh hi ta leh kobek vaihawmna bang mah omlo in a hunzui in Zogam Tedim Township pan

1. Pu Pum Khan En Pyituhlotdaw
2. Pu Suan Do Cin Amyothalotdaw
3. Pu Kham Suan Mung Amyothalotdaw

Tonzang Township pan

1. Pu Hau Khyan Mang Pyituhlotdaw
2 Pu Neng Khan Pau Amyothalotdaw

Hih A tunga Lotdaw Kosale mi nga teng tawh thu leh la kivaihawm khawmin tunitak 9;45 PM hun in akisam teng khempeuh kimansiang khin zo ta hi.Hih vai hawmna sunga ki tangsam ahi sum leh paai abei khempeuh Zomi inkuan USA ( ZIUSA ) in ong sik uh hi. A sumbek ongsik uh hilo in thu leh la zong amau tawh kivaihawm khawm den ahih manin ih kalsuan na
khempeuh ah ka angtang mahmah uh hi.

Hih atunga thu tawh kisai in mi muhdahna cihte om hilo in apaisa hunsunga CNA tun CNF kicite Zomi leh Zogam sunga ong khut khelh na te vua kipan tuni ciang dong kithum cih thadah in amau atamzaw USA om uh hinapi uh in USA gam sunga Zomi makai te tawh ahi zongin kipawlna kician khat pepeuh tawh zong hih thu gencianna nei nuam nai lo uh a Zomi Tedim kampau sung pan pan mun deih man leh angsung kikhualna tawh aki kausiphum mi nih bek tawh tuni ciang vai hawm uh hi ta zen uh hi.

Tua ahih manin ih Zogam sungah Party nih leh thum ah omna sungah mitawm cik bek ahi CNP te nangawnin hicianga Zomi tawh nasem khawm nuamlo uh ahih leh pha mawh lo hi patau vet kei un tuni ciangciang Pasain panpihna tawh hih party vai kuamah kup pih naivetlo hing kuamah
zong panpih lo hing ahi zong in hici bang ciang a gamta ding ih hih leh mipi bangzah mailam ah ngah zolai khemzolai ding uh hiam en to lai dih ni. Laisim u leh nau tengkhempeuh zahtakna lianpi tawh Khazih leh Zogam ading nomau tawh mapangkhawm

H- Vum Za Nang tawmvei Nipyitaw


]]>
<![CDATA[Zomi Nam Ni: By-Pu Chin Sian Thang]]>Fri, 17 Feb 2012 05:42:12 GMThttp://tzltt.com/tedim/zomi-nam-ni-by-pu-chin-sian-thang Pu Chin Sian Thang
Pu Chin Sian Thang
                                            By- Pu Chin Sian Thang

Mi nam ni, akici kammal khempeuh in bang gam bang gam ah ahizongin, kua mi nam kua mi namte kiangah ahizongin, gambuppi’ vai thupi khat, tangtut ni, gualzawh ni ki-ciaptehna ni hi kim hi. Tua ahihmah bangin, Zomi Nam Ni i cih in zong, Zomi buppi’ suahtakni, Zomigam kiukna i kheel zawh ni, Zomi buppi’n democracy i ngah ni, cihnopna hi. 

Zomi Nam Ni pen 1948 kum, February 20 ni-a piang hi. Tua ma in, i Zomigam bangci hiam cih theih huai hi. Tua hun lai-in, Zomigam ki-ukna pen bang Upadi tawh ki-uk hiam cih leh Chin Hills Regulation Act akici, British Kumpi’n 1896 kuma abawl upadi tawh ki-uk hi. Tua upadi in tu-a, i Zomigam sung teng bek hilo-in, tulaitaka Mizoram akici Lushai Hills teng, Manipur gam singtang teng, tu laitaka Nagaland akici gam teng, tu-a Sagaing Division sunga kihel Sommra Hill teng leh Mizoram taw lama Cacha-chakma gamteng uk hi.  

Tua the Chin Hills Regulation Act ii deihna bulpi bang hiam cihleh feudalism akici ukpi-ngeina tawh ki-ukna hi-a, ukpi te’n amau ukna gam sung teng ah, siahtung siahphei, saliang sapa, tuktha khaltha kai hi. Hausa zong ukpi-te’n apiak peuh hausa suaka, gam bup ukna pen amasa in hausa, tua khit ciangin ukpite, vuandokte, vuandok tung ah mangpi, mangpi tungah menzi cih bangin ki-uk a tua menzi pen Zomigam ah koihlo-in Kawlgam, Magway khua ah koih hi. Tua ahih manin, hih feudalism ki-ukna Zomigam ah kiphiat hen ci-a, Magway menzi zum-a ava gen ngei Pu Suang Khaw Kam zong, tua Magway khua ah va si ngei hi.  

Tu-a i Zomi Nam Ni pen, 1948 kum, January 4, zingsang lam nai 4:20 hun in, gambup suahtakna i ngah khit ciangin, President masa pen ahi Sao Shwe Thaike Falam ah ong pai-in, ama om sung mah in Zomi Nam Buppi kikhopna kibawl a, tua kikhoppina ah Pu Thang Za Kai (Subidar) in, ” Ukpi ngeina bei hen, gambup suahtakna kingah khin a democracy tawh ki-uk ta ahih manin, Zomigam ah zong, democracy ngeina tawh ki-uk ni “ cih thu sung a, mipi’n thukimpih maw thukimpihlo cih thu, tu-le-ding in khentat uhi. Akikhawm mi buppi 5000 val pha sung pa’n, atamzaw thamin thukimpih in, mi 17 in thukimpih lo bek hi.  

Tua ahih manin, 1948, February 20 in pen Zomi buppi gualzawh ni, Zomi buppi suahtak ni, Zomi buppi democracy ngah ni, ahih manin, ZOMI NAM NI akici hi. Lam khat ah ukpi ngeina apiangsak The Chin Hills Regulation Act asih ni ahi hi. Hi bangin mipi’ deihna tawh The Chin Hills Regulation Act kiphiat khia-a, mipi deihna democracy tawh ki-uk theihna dingin, Chin Special Division Act kibawla, tua upadi tawh i Zomigam ki-uk i hih manin, siahtung siahphei om nawnlo, tuktha khaltha om nawnlo, saliang sapa om nawnlo–in, hausa upa zong, mipi teelte bek in hausa sem thei hi. Khua nga khua guk bang kigawm in khawk khat in kiseha, tua khawk sunga hausateng in khawk-uk ding teel leuleu uhi.

Tua ahih manin, ZOMI NAM NI apian’ khit ciangin, i gam sung ki-uk dan pen, khua hausa khua-sung mipi’n teel hi; tua mipi teel hausatengin khawk-uk teel leuleu uhi.Tua khawk-uk khit ciangin, vuandok, vuandok khit ciangin mangpi, mangpi khit ciangin, menzi hi-a, tua Zomigam uk menzipa pen Magway ah om nawnlo-in, tua hun lai-a Zomigam khuapi ahi Falam ah om hi. Zomigam Zumpi pen Zangkongah kikoih hi. Hi banga mipi’ deihna tawh akiphiat lohna gam, India gam bangah tu lai taka, Manipur State sunga om, Behiangzang, Tonglawn khua cihte, tuni dongin, tua The Chin Hills Regulation Act om lai ahih manin, hausate’n akhua, atui tungah siahkai lai-a, agam leitang tungah zong tuni dong thunei lai hi. Zomigam ah Zomi Nam Ni apian’na dinga avaihawm party in KSVP akici (Khamtung Suahtak Vaihawm Pawlpi) hi-a, amakaite inMaha Thray Sithu Capt. Mang Tung Nung leh Pu Thang Khaw Kai ahi uhi.

Mi Nam Ni i gen ciangin, ani thu bek ngaihsun lo-in i mi nam zong ngaihsut ding kisam hi. TV sunga ka thugenna ah, tang tawng pek pan a, ki-pan in, Zomi i kici hi, ci zo ing. Chin kici nam min pen Mikang Kumpi ong piak hi-a, sal hihna pana kingah min hi ka ci hi, min man hilo ka ci hi. Banghang hiam cih leh ei phuah hilo, ei theihloh kal a ong kipia min ahih manin, i theihloh kal in Chin-te ci-in lai ong kigelh san san a, ahi zongin e’n phawklo-in om san san hanga, khua i phawk zawk deuh, lai i gelh theih zawk deuh ciangin, i biak Pasian bulphuh in i minam min ding Tedim gam, Khuasak khua ah 1953 kum in i phuak hi. Tua hun pen Khuasak Golden Jubilee kici-a, Pu Thuam Hang leh Pu Pau Suan te tapidaw suah zawh kum sawmnga acin kum cihna hi.

Tua khawmpi-ah, i gambupa tui-phum teng kikhopna hi-a, i minam buppi tuiphum kipawlna ding ahih manin, i lawm tuiphum dangte, Kachin, Karen cih te mah bangin ei zong minam min tamsak dingin min kiphuaka, tua lai-ah Rev. Sang Fen in ” Mun khempeuh ah Zo cih kammal om kawikawi hi; Tedim ah om hi, Falam ah om hi, Halkha ah om hi; Matupi, Kanpetlet, Mindat leh Paletwa te ah zong om hi, Asho zong Zo cihna mah hi; tua tham lo-in Yaw cih zong Zo cihna mah hi; tua ahih manin i minam min dingin ZOMI ci ni; i kipawlna pen ZOMI BAPTIST CONVENTION ci ni,” ci-in thusunga, anial om loin avekpi thukim in kikipsak hi: kikipsak bek hilo-in, tua hun laitaka BBC, GS asem Dr. Sowards in hih ZOMI min pen i biak Pasian tungah, akiptawntungna ding, Pasian in azat min ahih na ding apna thu ongngetsak in, thupha ong piaksak hi. 

Ei minam min ding a i biak Pasian tunga ki-ap min dang om lo hi; tua ahih mah bangin, ZOMI min tawh nasepna khempeuh Pasian in ong ompih hi. Tua ahih main, i minam ni zong ZOMI NATIONAL DAY cih ding hi zaw hi.

Hih ZOMI NAM NI (ZOMI NATIONAL DAY) pen amasa in, Pu Zahre Lian in ama suah ni tawh laih nuam a, laihzo lo hi. General Ne Win in zong Pyine (_ynfe,f) lakni tawh laih nuam a, mipi’n saangzo lo hi; tu’n zong SPDC in Pyine (_ynfe,f) Ni ding mah in, hih den a, ahih hang mipi’n saangzo lo hi hang. Bang hang hiam cih leh ZOMI cih min pen akip, akho dinga Pasian tunga i ap sa min, eima phauhsa min ahih hang hi. 

Upate’n,

“ La in ah thu hi: thu in ah la hi,” acih mah bangin atunga i thugenteng la-in sa ni:

(a) February kha ni sawmnih ni, ZOMI NAM NI aw, ni lunmang ni , ni neelkaai ni aw ee.

(b) Ni lunmang ni , ni neelkaai ni aw, nunnop lamtaang i kaihni aw ee.

(a) Lia-le taang tem bang kitawi un, ZOMI NAM NI lam bang pak le’ng, lam bang pak le’ng ee.

(b) ZOMI NAM NI lam bang pak le’ng, Zomi buppi’ angtan’na hi-a, bang i thasial na diam lawm aw, na diam lawm ee.


]]>
<![CDATA[Kawlgam/Yangon,Tedim Association te tung ah,'Genzawhloh lungdam thu'theihsak kikna]]>Thu, 16 Feb 2012 06:24:55 GMThttp://tzltt.com/tedim/kawlgamyangontedim-association-te-tung-ahgenzawhloh-lungdam-thutheihsak-kikna Picture
Kawlgam/Yangon,Tedim Association te tung ah,'Genzawhloh lungdam thu'theihsak kikna
                                   PAHTAWINA LAIPI HONGPIA
KAWLGAM LEH YANGON KHUAPI SUNG AA OM TEDIM ASSOCIATION TE TUNG AH LUNGDAM KOHNA
Pasian hong panpihna thupha khat hang tawh,kilametna omlo napi'n 2011,November  khasung , Yangon khuapi aa kibawl Tedim Association te khuado Pawikhamna pan,hong kipia Pahtawina Laipi kangah theihna hang in,amasa pen in,Ihbiak Topa Pasian tung ah,lungdam kakoh nuam hi.Praise the Lord! Hallelujah!Amen.

Ih Minam te sung ah,LST Pasian kammal(I Timothy 5:18)sung agenna leh Mikang te'n zong,Pahtawi ding aa kilawmte ihpahtawi theih nading,(Honour to whom honour is due)acihna uh tawh kizui-in Kawlgam Leh Yangon khuapi sung aa om TEDIM ASSOCIATION kipawlna te'n ih Minam sung aa,apahtawi ding uh,Mite lakah hong koih/hong ciamteh in, anuai aa,Pahtawina Laipi hong pia khia uh ahihman,ngaihsutna apia, avaihawm,Chairman,Secretary,leh Committee te tung ah,genzawhloh in,kalungdam nathu leitungbup aom ihmipihte'n zong nongtheihpih ding uh deih in,lungdam thu 
kong taangko khia hi.Tedim Association kipawlna Topa'n thupha hongpiahsak semsem henla,Thupikhual,in ih Minam te khantoh theih nading te ah,zingvai ahawmsiam leh alamkaih ding in,JEHOVAH PASIAN in,hong khansausak ta hen!

Ih Minampih te sung ah,Pahtawi ding aa kilawm Mite kimangngilh bawllo aa,ki Pahtawi theihna in,Pasian deihna ahih genthamloh ihpahtawi Mite alungdam ban ah,Minam aa ding sepnopna leh kipumpiahna,lungsimte guan in,thalawpsak ahihman ih Minam khantona lam ah,athapia khat zong kisuak ahi hi.

Kawlgam level aa,Pahtawina hong kipia kangahna athumveina ahi aa,akhatveihna Chin National Day,Golden Jubilee Commemorative(1948-1998)hi'n anihna Momno Tin Anniversary Celebration,Yangon,2003,hi'n tu aa tawh,athumveina Tedim Association te'n zong ihMite sung ah,kawlgam level aa ding ci,laimal gelh tangtang aa,nong thupibawlna te hang un kakisuan tha suak in,hong Pahtawi den ihmipih te khempeuh tung ah,zong kalungdam bek thamlo,mailam ah ih Mi
te aa ding kasep/kabawltheih na kangaihsut theihna leh makapan theihna,khat peuh ah,asem khia ding in,hilai mun pan ihmite tung ah lungdam kongthuk kik nuam uh hi.Topa thupha tawh'

Pa Kham Khan Suan(Artist Kyaw Kyaw Oo) 

]]>
<![CDATA[Tu ni kawlpi thuthang]]>Wed, 15 Feb 2012 01:08:22 GMThttp://tzltt.com/tedim/tu-ni-kawlpi-thuthang
Tu ni kipan in kawlpi ah Motor sap a zah khat khang maw khang mawk hi. Tai ( 9 ) sanglamte pen zan ni ciangciang a hih leh pai lam ks.100 ciah lam ks.100 ciah leh kuan ks.200 ta a bei hi. Tuni aa kipan in a
zah khat khang a hih manin pai toh ks.200 ciah suk ks.200 ta bei hi. Ni khat in ciah leh kuan ks.400 ta bang bei mawk lehkua tengteng sang kah zo mawk ding hiam? Sang naupangte aa ding in zongngaih sut huai sa mahmah mawk ing cih thu JTSHAU Shia Shan genkhiatna tungtawn in  ah ki za hi.

]]>