WWW.TUNGZANGNEWS.COM

 
Kawlgam kumpi in abeisa, tulaitak le mai lam hun ading sumbul 'Budget' geelna nei uh a, abeisa hun a galkap luite akipan kumpi nasem khempeuh khasum, thaman leh pahtawina kipiate akipan khasum khansakna ding vai thusunna nam (6) pen February 7,2012 ni a kibawl (Pyituh Hluttaw ) kikhopna ah Pyituh Hluttaw Chairman Thura U Shwe Man in thusunna(Agenda) khatin pulakkhia cih kiza hi.

Thura U Shwe Man i athusunna ah, " abeisa le tuni ciangciang kumpi Zum nasepna (Department) tuamtuam ah gam leh minam a ding kumpi nasemte in a khasum kham lo ahih manin, paulap tuamtuam zongin Niangtui man, laidal laikung man ding cihte akipan sumdon theihna lampi tuamtuam zongin, thumanlo a golhguk kipiaknate le a sim tham gamtat hoih lote kumpi nasemte sungah a om nawn lohna dingin, khasum akilawm khom khat piak ding kisam ahihna thu Pyituh Hluttaw Chairman Thura Shwe Man in gen hi.

Tua banah tha Sangsia/Siama te'n angah sun uh ahunval te ah laihilh(Tuition), Siavuan(Doctor),Siama(Nurse) te'n zong sun leh zan thuah in asep uh hang akhasum le athaman te akhamlohna hangin, a tawpna ah gamdang apai tampi mah om hi. Gamdang ah na a vasep uh hangin amau pilna,siamna tawh kituaklo aniamzaw mun (Post) nasepte bek sem veve uh ahihna thute pulakkhia hi.

Tua ahih manin, Kumpi nasepna (Department) tuamtuam pan nasem mite'n asepna mun ciat ah khasum khamin lungkim leh athangah theih nading uh ngaihsut huai hi. Tua mah bangin sangnaupang te'n asangkahna uh ah nop asaktheih nading, Galkap te'n zong galkap sungah thalawp takin gam le nam ading citaktak asepzawhna dingin khasum kician piak ding kisam cih thugen hi. Thaman le khasum, MO cihte akipan akilawmkhom piakna hangin in nasem te lawpsak leh thangahsak ahih manin, Khasum tawh kisai limtak ngaihsut sak pelmawh ding kisam ahihna thute gen khia hi. Pyituh Hluttaw Chairman Thura Shwe Man i thusunna thute Pyituh Hluttaw General Secretary U Saw Hla Tun leh Pyituh Hluttaw Judicial Committee member Daw Nan War te'n thukimpih pah uh ahih manin, Pyituh Hluttaw palai (Delegates) khempeuh in zong vekpi thukimpih pah uh hi. Tua ahih manin, Kawlgam kumpi nasem khempeuh khasum kikhangsak dingin Parliament ah kipsakna kinei ta cih thu kiza hi.

Translated: Pa Kham Khan Suan ( Tongsan Translator)
 


Comments




Leave a Reply

    Tungzang News

    All