WWW.TUNGZANGNEWS.COM

 
Kawlgam sungah Zogam (Chin State) pen a zawng penin akiciamtehna tawh kizui in, Kawl kumpi thakte hong kah zawh akipan India kumpi le Kawl kumpi hanciampihna tawh khantohna tuamtuam kipankhia ta cih kiza hi. Tuate sungah kizopna lampi tawh kisai kipanta in, tulaitak Tin Win Thut Company te tanu sepna tawh Zogam, Tedim gam Sozang-Sapan ken gei Thuammual le Kawlpi kikal Tin Win Thut Company te tanu semin, Falam gamah Myatnuthu Company te in tanu sem uh a, lamto setpite zangin tulaitak lampi kilimbawl san mahmah ci-in, ZRDP makaipi Pu Vum Nang tung pan kiza hi.

Nidang U Ne Win hun lai in Sagaing leh Zogam kikal antang puaksakna ding vai kibuai ngei khin hi. Tuhun kumpite tua hun bang ih tuak khak lohna dingin ih Zogam singtang leh zanggam kizopna ding lampi i bawl kholhkholh huai hi. Hih pen zawn leh ngau abeitheihna dinga kumpi te in tavuan apiak U Win Thut in ong hanciampihna tawh kisem hi a, tua lampi kizo le Kawlpi pan Zogam ah buhtang puak ding ong kiphal kei phial zongin Zozang pan kipua thei ta ding hi ci in ZRDP makai Pu Vum Nang in gen hi.

Tua danin ih zop suak zawh leh kum tampi bei loin khua khat leh khua khat kizopna te hong nuam mahmah dinga, khantohna zong hong manlang mahmah dingin kilamen hi ci in gen hi. Hih pen thu um mite thungetna mah hi a, kumpi te pen ih gengen hang Pasian koih te bek mah in asem thei hi. Abeisa ciangciang galkap kumpi mah tawh i kituak thapaina zong Pasian in geelna khat mah om hi mai diam ? A hih hang ong sauvei pian teh mipite kigim le kigenthei mahmah sam hi. Tua nangawn kipil zo nailo in, adiakdiakin Zomite kithutak zo nai mahmah loin, thu tatak gen kimlai ahi lolo mi gen loh theihtheih thu gina lo agengen ki om lai veve ci in Pu Vum Nang in gen hi.

Source : H- Vum Za Nang
 


Comments




Leave a Reply

    Tungzang News

    All