WWW.TUNGZANGNEWS.COM

 
Dear Zomi U leh Nau


Zomite pen mipil misiam zong ki omta in, lungdam huai mahmah ka sa a, zong ka nuam mahmah hi. Ahi zongin ki pumkhat thei lo sese 

ih hih manin mite muh na leh i din munah ka khasiat suak mahmah hi. Namdangte mipilte in ki pum khat nading leh Gam Suahtaak nading in

nasem uh a, Zomi mipilte in Pawlpi sung buai sakin Gam ading apan sawmte thapia lo-in bangma lo lamet beite cih dongin lungkia sak lailai uh

hi. Tua sungpan asep nuamlulu a kinei ten lah amau angsung leh amindeih man bekin kuku in aomsa te panpih lo-in, party tuam hong ki pan zel

in  i om lai takin Zogam Zoleitang akisailo namdangte khut sungah hong tung hi. 



Nidangin Kawl kumpi in hong liaktum in, i neih sateng hong gaihsak khin ciangun aom lai sunsun teng CNF/A ten hong ne to leuleu in, tudong

hong ne suak ding zah dongin na innsung ah hong tung ta uh hi. Kawl mangin na tak lampan in hong nei ding a, Laimiten na vei lampan in hong

liak ding hi. na neih sa aom sunsun hong bei ciangin nang mahmah hong ne lai ding uh hi.

A sawt lo-in, Laimite khut sung na tung ding a, Chin cih nangawn hong laih in Lairam hong ci ding uh a, Zogam aki citeng  koi-ah om

that ding ahih kei leh thongkhum ding hong ci lai ding uh hi.  Laphuakten Lairam aw ken hong taisan kei ning hong ci vaivai ding uh hi. Tun 

CNF/A ten Tax lak hong kipan kik ding uh a,( Gentehna)  Vangteh ah inn zanih aom, Malaysia ah mimal za-le-sawm-nga, Austrilia ah mimal sawmnih, US

ah za om uh ahih ciangin tukha ai dingin Ks. 10,000,000 nong piak kei uh leh na khua uh hal ding, Va pia leng lah ei hong kap nading vua Thau hoih

pen te leh atang hoih pen te na lei lel ding uh in, akum hong cin kik ciang a, tukum aiding Ks. 15,000,000 hong pia hong ci kik zel dingin alai uh 

aana a hong sinsak ding uh a, na kamtam leh thukhen sa, hi teng pen hong piang thei ding thute ahi hi. Hong pian ma-in na kidal kholh nop leh Uital

kumpi tawh aki pawl Zomite ahih kei leh Uitalte amai-et Zomite kipawl na khat limlim a, aki pilsak makaite muanin nei kha kei in, na muan leh 

amau mahmah in nang hong bawl sia ding uh hi.

Lai nat na tawh

Sunmangpu. 

-- 

 


Comments




Leave a Reply

    Tungzang News

    All