WWW.TUNGZANGNEWS.COM

 
Leitung Khristian biakna sungah Pasian khat bek mah kibia hi na pi'n, tua Pasian i biak zia le upzia le sanzia tuamtuam om hi. A sawt lua nai lo hun khat lai akipan India, Manipur State sung a om Zomite sung pan Satan biakna pawlpi (Satanic) cih khat hong kiphuankhia hi. Hun khat lai a i zakzak Satan pawlpi i cih pen Zomite sungnawng ah kizel hi ta mawk ahih manin, leitung in siatna lam manawh ci ding maw? LST a tangtung ta ci zaw ding hong suak hi ta hi. Hih Satan pawlpite in Lamka khuapi Rengkai hanmual ah zankim laitak in kimuhtuahna nei in, thukikupna (Meeting) limtak bawl masa uh cih thu kiza hi. A hih zongin akiim-apaam a teeng mite in akikankan ciangin lahkhiat theih ding paulap kician om thei lo zel cih om ahih manin, upmawhna tawh thukiza hi lel dingin kingaihsun in thu veeng suak ta hi

Tua zawh a sawt lo khat ciangin Pastor Lallianmawi makaihna tawh abeisa Nov 21-22,2011 sung Lower Lamka, Bethel Counselling Centre mun aa ah Satan biate khawmpi cih hong bawl ciangun nial theih loh ding hong suak taktak ta hi. Tua khawmpi ah Satan biakpiakna ah zatdan,ngeinate leh 'Dawigilo te i nasep theihna ziate bulphuh in kikupna nei uh hi. Akimuh kik theihna ah nidang hun upmawh thu akigente khempeuh thuman ahih manin ei Zomi te sungah adahhuai mahmah thu khat hong suak hi.

Pastor Lallienmawi pen Rengkai khuami hi in, abeisa tawl khat sung teng,New Delhi khuapi kim nai tengah,Pasian mizat mahmah khat zong hi ngei hi. Ahih hangin ama pianna mun Churachanpur lamah Pasian sapna angahna hangin a mipihte kiangah Bethel Counselling Cetre hong pankhia hi. Tua Conference thukikupna sungah Satan bia pawl i nasepnate Churachanpur sungah a minthan mahmahna tawh kisai pawlpi makaite in pulakna nei ciatin thukikuppi in nei uh ci hi. Satanic Conference a thukikupna le thukhensatna tungtawn in a nuai a thute hong suahkhia uh hi.

A muan huai thukizakna mun khat pan akigenna ah,Satan pawlpi mite atawm pen Mi 500-700 kikaal peuh mah ngah zawhna ding hanciam sawm uh a, tua sungah a tawm pen numei 180 kihel ding ci hi. Tua banah hih Satanic pawlpi pen Churachanpur khuapite ah kizelsak in, a thahat le akhangto mahmah kipawlna suaksak ding ci hi. Tua Satan pawlte adiakdiak in mi 3 in makaih uh a tuate sungah Paite mikhat,Hmar mikhat leh Vaiphei mi khat ahi uh hi. Pawlpi mi (Member)sungah Pastor pa tapa zong kihel in, tua pa'n Internet panin " Zeisu Khrist ih cih pen ataktak hilo in ,akiphuaktawm tangthu khat hi " ci'n laigelh in khahkhia hi. Tua thu azakna pan athangah mahmah nitumna gam lam a om Mikaang Satanic pawl te in lungdampihna US$ 5,000 khak pah hi. Tua sum pen Satan pawlpi upna le pawlpi akiphuh kawikawina dingin huhna a piak uh ahi hi.

Tua kikupna khawmpi pan asuahsak beh uh thukhat ah Satanic pawlte in,Mualvaiphei khua tawh akigamlat lohna mun Cherep
Tlang mual sang tungah, kha sim Khalik (Full Moon) ni zan sialin,Satan biakpiakna neih dingin,thukimna le khensatna nei uh hi. Tua hang mahin
khasim khalik (Full Moon)ni zan kim laitak pello in Satan biahpiakna hun bawl tawntung ci hi. Biakpiakna hun sung khempeuh in, munli a om Keel lutang 4 te tungah khuaimeivak vakin , ganhing sisan te tatin, Satan kiangah biakpiakna nei uh hi. Tua bang hun laitak biakpiakna sungah akihel khat peuhin,apuan silh khempeuhte uh suahkhia in apum guak (Naked) in akibem liliai in om uh hi. Tua banah guithei khamtheih zatui (Drugs), Denrite akici namte leh nu le pa kikal kizang hukna& lanna zatuite a zat khit uh ciangin , numei le pasal mawhna bawl khawm ngeingai in, ut leh dah in gamta uh hi. Tua bang danin Satan biakpiakna bawl uh hi. Khat veivei Pasian biakinn siangtho sung nangawn ah hih bangdan mawhna bawlna tawh Zeisu lang pan uh hi.

Satan pawlpi pan kikhelthak kikna angah khat i genna ah, "Satan in mihing sisan tawh biak ding hong ngen hi " ci'n gen hi. Bang hang hiam cih leh Satan in ganhing sisan tawh biakpiakna ah lungkim zo nawnlo ahihna hang hi ci hi. Tua banah Satan in agenna ah, " tua bangin na bawl leh nang tungah 'Vangliatnate kong pia ding hi " ci'n gen ci hi. Tua bek tham loin a ma genbehna ah, " ka ngaihsutna sung a hong suak thukhat hangin ke'n mi that kha leng ka tung ah alian mahmah thukhenna ka thuak ding banah, tua bang si leh nai luang a mithah ding cih pen ka mulkim / ka cizek lua mahmah in ,en ngamlo ka hih manin Satan pawl pan hong pusuahkhia in hong kikhel kik ka hi hi" ci'n gen hi.

A diakdiak in khangnote bang hangin Satan pawlpi ah baih lamtak leh thalawp takin pawllut ziauziau thei uh ahiam ? cih leh a tamzaw in bang hunhun in sum zat ding kisam ngeilo uh ahihman hi dingin gen hi. Khangnote in sum akisap uh ciangin, lam lianpi tungah va ding ziau uh leh Sum pua a hongpai mi khat peuhin asum bawm/ sum-ip te akimuhtheihna munte ah hong kiatsuah thei uh a, tua pan sum kimawkngah ahihna hangin Khangnote baihtak in Satan pawlpi lut ziauziau uh ci hi. Tua bang a na lamdang a pian theihna pen Satan vangliatna/ Satan nasepna hi ci uh hi. Thudang khat leuleu ah Satan pawlpi mi khangno khatin a lawm ngaih numei khat pen haksatna om het loin, olno takin a ngah theih banah a ut bang bangin bawl thei sem thei lai ci in gen uh hi.

Satan pawlpi mite in hih thute a iimcip/aselcip sawm uh hangin Satan pawlpi pan a khawlkik/ akilehkik khangno khatin, ama thute leh hih thusim teng khempeuh Conference khat ah phuangkhia/genkhia ziahziah hi. A ma genkhiatna ah, "Ka neulai in ka nu le ka pa akikhen khit cian'g,ka pa'n zithak hong nei kik in,a zikik tawh anih un sun leh zan ci loin, zu leh sa tawh hong buai uh cian'g ka dahluat man leh belh ding dang omlo ahihman in, cihna ding ka theih nawn loh ciangin abeisa 2005 kumin Satan pawlpi ah pawllutna ka nei hi " ci in gen hi.

Tua banah a genzomna panin " Satan abia nuamte dingin, kibiathei takpi bek tham loin, nungta takpi ahihna thute,Satan abia mikhat in kithei takpi ci-in gen hi. Satan abia mite tungah Satan kiang pan angah uh vangliatna (Power) te zong nei takpi uh ci hi. Mite kiang pan adeih uh vante a laksak/ asuh uh hangin mite'n thei zolo in khatveivei akisapna dan zui-in mihonpi te kiang pan gelmang/ taimang or mang ziau theihna vangliatna (Power) khat zong nei takpi ahihna thute gen hi.

Satanic te i a muitupna le angimna bulpi pen tuailai khangthak momno te mah bulphuh pi in nei uh ci hi. Satan pawlpite genna uh akibang mahmah thukhat ah, " Zeisu khrist i a min a manthan theihna dingin ka hanciam mahmah ciat hang un, kiphiatkhia zo ngeil mahmah lo hi " ci in gen uh hi. A hi zongin a khangno, khangthak naupang lamte haksa lualo a , ka zolthawh zawhna na'uh hang in mailam khang kizom(Next Generation) hunthak ah,'Min manpha Zeisu Min pen hi khua pan kimangthang sak nuam ahi hi ci uh hi. Tua teng hang mah tawh thaneih teng khempeuh san a,tua bangin nasem ahi uh hi " ci in gen hi.

Tua ahih manin a nungta Pasian bia Zeisu sungah it leh ngaih teng aw,hih thute in eite khempeuh i mailam hong khaktan a lauhuai thupiang te ahi hi. Eite in Zeisu nungzui 'Tapidaw te' (Christian) i kici nuam bek tham loin, Pawlpi (Church) lianpipi le a hoih nono nei in, Nipi(Sunday) ni ciangin LST bu (Bible)te tawi-in zumna om loin, Pasian phatna leh biakpiakna te ih nei hi. Tua bang hun sung mahin, ih galpa Satan kitulmawh pha mahmah in, mitampi takte,zuau khem sawmna tawh Sum(Dangka), numei & pasal mawhna, guihtheih/khamtheih ci leh sa deihgawhna tuamtuamte khempeuh tawh hong zolin,siatna / khialhna, lungsim pumpi le i kha dong akisiatcipna ding ciang ih tunna ding hong bawl sawm ahihnate i theih tawntung ding thupi hi. Hun nunung sungah LST genkholhnate a tangtung hi ta ahih manin, Pasian kiagah thungen in Kha siangtho vangliatna tawh Kha galdo tawntung ding hun ta hi. Pasian galhiam khempeuh i silh tawntung ding i kihansuah h

Translated by: Pa Kham Khan Suan(Artist Kyaw Kyaw O & Jeremiah Kham Sian Khai

 


Comments




Leave a Reply

    Tungzang News

    All