WWW.TUNGZANGNEWS.COM

 


National League For Democracy(NLD) te in Kawlgam sung minam tuamtuamte Union Ethnic Groups tengah pilna khantohna lam a huhna ding (Fund) sumte pan huhna sum piakna pen June 12, 2012 ni-in, Tedim khuapi ah aneihtheina thute ahi hi. NLD te Pilna lamsaite taangin Former Zomi National Congress pan General Secretary Pu Gin Kam Lian in piakna neihin,Tedim Youth Association pan President Nung Sian Tuang in sanna neih ahihna thu kiza ahi hi.

Huhna sum Ks.1000,000 (Tengsawm) pen Zomi (Chin) laisimbu (Zolai) tanlang pan tan nihte ciang i laisimbu hawm sawnna ding ahih zongin, laigelhloh bu 125 Dorzens le laikung, ballpen, khedante Private Middle School tengah zong hawm khiat asawmna thute zong gen uh ahi hi. Kawlgam ah Zolai sinna pen Tanli Primary School a asintheina ding Textbook te om ahi hi. Zogam (Chin State) sung tengah bel amun agam zui-in hunkhat lai Mualtung mite laite kumpi sangte ah Officially in tanli sang ciang sintheihna thu a om ngei hangin, Galkap Kumpi (Nah-Ah-Phah) hun akipan hong kisuhsiatsak / phiatsak kik pan ahi hi. 2008 kum Kawlgam mailam ki-ukna ding thumeilet ahi Constitution ah bel Ethnic Groups te i laite amau mun ciatah, sinsak theina ding thu a om hangin, tuhun ciang dong mah Ministry of Education Department panin a om thu tawh kizui a bangmah Practical a sepsakna cihte kimuthei tuan nai loin a om nate zong kiza ahi hi.

Tedim Myone a Zomi laihilhna, laisimbu bawl nading le hawmkhiatna ding vai tawh kisai Tedim khangno kipawlnate i kipiahkhiatna (Volunteer) nasepna tawh apatkhiat a asep uh ahi hi. Tua NLDte i huhna piakna in Zogam (Chin State) sungah pilna lam huhna apiakna uh anih veina hita a, amasa akhatveina apiak hun lai in, Zogam (Chin State) Mindat Myone sung a Buddhist Phungyite i laihilhna sangte a apiakkhiat uh ahih nate zong kiza ahi hi.

Source : Chin World Media
Translated : Kham Khan Suan (Tongsan Translator)

 


Comments




Leave a Reply