WWW.TUNGZANGNEWS.COM

 
ZomiDaily :: Ih Zogam khuapi ahi Tedim ah Solar Warning Light 4 ki koihkhinta cih TRLC (Tedim Religious Leaders Council) pan President Nang Lian Kap in ong tangkokhia ahih manin ih angtang mahmah hi. Hih Solar Warning Light in ih Tedim khuapi ong etlawmsak banah, lampi Accident tuamtuam paninzong tampi ongdaltuam dingin ki lamen hi. Solar tawh kithuah, kizompah ahih mahbangin sunlezan 24 Hours atangdending ahihi.

Hih Yellow Light Warning tepen khamtunggam ah tawmmahmahlai a, Chin State ii khuapi ahi Hakha ahzong khatbekbek om cihi. Falam ahzong nihbek om ci a, Tedim ah tulaitak 4 anei ihhih manin, atamneipen hipah hihang. Hih 4 ihneihte zongpen maikhatbek (Single-face) hi a, alanglam ah thuahbehding adang 4 mah kisamlai hi.
 
Tuaban ah Lamzang lamka ahzong khat thuahding kigellai ahih manin, avek in Unit 5 bang kisapbeh laiding cihzong Sia Kap in ong tangkokhia hi.

Hih Solar Warning Light tepen Unit khatciang Ks.175000 ta man ahih manin, adang Unit 5 leithuah nading Kawlgam sum Ks.875,000 bang kisamlai dinghi. Tedim khuapi a etlawmsak leh Accident tuamtuam panin adaltuamding ahih manin, ahuhzo peuhin minam leh ih Zogam khuapi puahna in piakkhiat huai mahmah hi.

Hih Solar Warning Light te banah hih anuai a Convex Mirrors akici lamkiukawi ah akithuah limlangh golpipi tezong ih neihzawh nading hanciamhuai mahmah hi.

Adiakdiak in Kawlpi leh Tedim kikal, Tedim leh Tonzang kikal aom lamkiukawi tengah thuahzoleng Motor Accident tampi phatuam khatheiding hi. ZomiDaily

 


Comments




Leave a Reply