WWW.TUNGZANGNEWS.COM

 
Zogam (Chin State) ah District thak ngah behna ding vai leh CNF te in Tedim khuapi ah zumkhen ( Liaison Office) honna ding vai tawh kisai Hlutdaw meeting pen abeisa June 1, 2012 ni-in Hakha khuapi ah kinei a, tua laiah Tedim kampau minsiter sung pan Mee (Vote 5) bek kingah in, tua lo Zogam khanglam Minister pawlte in Mee (Vote- 11) tawh zo uh hi.

Tedim gam sung a om Zomite kithukim lo ahih manin, hih thu hang mah tawh Chin State- Prime Minister Pu Hung Ngai le ulian pawl khat June 8,2012 ni/in Tedim khuapi le Tonzang khuapi ah khualzin a, Tedim khuapi ah mipi in lungkimlohna/ lungphona lahna in vanzuanna sai (Bazar) 800 val khakcip in, thungetna tawh daitak lungphona kinei hi. Tua bek tham loin, Motor le Motor Cycle cihte zong innpua lampi gei ah koih loin, khua sungah kua mah kivakkhia lo hi. Tua banah " Tedim in District ngahlona hangin Lungnuam lopipi mahinkong muak uh hi " cih laimal kigelh (Poster) te lampi gei Suangpi tungte ah kisuang zihziah hi.

Zogam Chief Minister U Hung Ngai zong Tedim tung petpet a, Tedim khuapi (Kam Hau Hall) ah Tedim khua nu khuapa honkhat tawh le Zum lam thunei uliante tawh June 8,2012 ni (3:00-3:30 PM) sung kimuhkhopna nei cih kiza hi. Tua munah akihel khat i genna ah, " Chief Minister Pu Hung Ngai in thugenna tuamtuam a neih hangin, Mipi lam pan kua mahmah kamkek le thugen om peuh mah loin, dai khipkhep in om uh ahih manin, Tedim mite' lungkimlohna thu theikhia pah hi " ci-in Meeting sungah kikhel khatin gen hi. Pu Hung Ngai in a thugenna ah, " District vai buaina hang tawh kisai mipite na lungkim kei uh le Zogam Chief Minister pan khawl ding hong kicih le zong ka khawl mah kul ding hi " ci-in pulakkhia cih kiza hi.

Hakha le Thantlang in District angahna tawh kisai Vote piakna ah Kyant Khaing Yee Party (USDP) le Minsiter te in a kisapna tawh kizui-in mun le mualte en loin, kideihsak gaawpna le Tedim mite khua le tui tawh hong kituambawlnate kilangh lua mahmah ahih manin, hih bangin Tedim khuapi ah lungsim deihna kilakkhia ahi hi ci-in, Tedim State High School Sangsia lui khat ahi Pu Kam Lian Thang in gen hi. Tua bek tham loin, CNF te in Tedim khua sungah Zum (Liaison Office) hong koih sawmna uh zong mipi in kideihlo/ kithukimlo lua ahih manin, Kumpi tungah laipiaknate zong hong thusimsak lo uh ahihna thute le khawltuan loin ka ngah madong uh kingen lai veve ding hi cih thu zong genbeh hi.

Tua bek tham loin, Tedim Township sung a om Kyant Khaing Yee Party Committee (USDC) makaai teng khempeuh zong ka panmun ciat uh pan ka khawlsan ta ding uh hi " ci-in USDC Committee khat ahi Pa Hang Khan Khai in genkhia cih kiza hi. CM Pu Hung Ngai le alawmte in Thuamvum giahbuk (Thuamvum Evenue) ah zan khat tawlnga in, a zingciang mahin Tonzang khuapi le Cikha khua te ah khualzin zom suak cih kiza hi.

CM Pu Hung Ngai le a lawmte in June 9,2012 sun hunin Tongzang ah Tedim,Tonzang le Cikha pan khangnote, khuanu khuapate le USDC member te tawh kimuhkhopna nei hi. Tonzang le Cikha khuate zongah Tedim khuapi mah bangin Sumbuk (Bazar) te kikhakcip banah laisuan (Poster)te nasiatak kisuang ahihna thute Tedim pan a pai Tedim Youth makai khat in gen hi. Tonzang le Cikha khuapite zongah gamdai lungphonate le laisuante akipan nasiatak neih dingin Cikha lam a khangno kipawlna ( Youth) te in gen uh cih thu Chin World pan kizasawn hi.

Source: Chin World Media
Translated; Kham Khan Suan(TS,Translator)

 


Comments

barbie
04/18/2017 02:54

I feel so beautiful

Reply
04/19/2017 10:43

Big thanks to the website translator for I was able to understand the whole article. By the way, many countries have been suffering from this kind of problem. Though various government officials are really making an effort to solve this problem, it seems like all the efforts are all not enough. Honestly, I'm also running out of ideas on how to help solve this one. I'll pray to God that it'll be solved one day.

Reply
06/10/2017 03:29

I feel so excellent, I could comprehend the entire article. Coincidentally, numerous nations have been experiencing this sort of issue.

Reply
06/10/2017 03:34

I could grasp the whole article. Circumstantially, various countries have been encountering this kind of issue. I feel so wonderful.

Reply

Out of many irritating problems, the most occurring errors are this copy of windows is not genuine, is the one of the most irritating and vast one

Reply



Leave a Reply