WWW.TUNGZANGNEWS.COM

 
U Thein Sein kumpi tawh kilemna/thukimna abawl (Cease-fire agreement) Chin National Front (CNF) in Zogam mun pawlkhat ah kizopna (Liaison Office) ahon sawmna uh tawh kisai-in, Matupi Township le Thantlang Township te zum honna nei dingin CNF makaite June19,2012 ni-in India lam pan Kawlgam sung lutin Rih khuadar khua tungta cih kiza hi. Tua lai panin Tedim, Falam, Hakha khuapite ah zong June 20,2012 ni-in pai suak uh a, Lentaang Camp kiang a tun uh ciangin, a tuanna Motor kisia ahih manin, Tedim khuapi (12:00AM ) hunin tung pan uh ci hi.

Tua ni mahin Tedim pan Falam khuapi paisuak uh a, nitak lam (7:50Pm) hun pawlin Falam tungin, Hakha khuapi zuanin pai suaksuak cih kiza hi. CNF makaite paina Tedim Township sung lampi tung ziat le vei mun tampi ah CNF Paikhia "Get Out CNF"cih laimal Singza (Enamel Paint) tawh kigelh zihziah cih kiza hi. CNF te in Matupi khuapi ah kizopna zumpi (Liaison Office) pen June 23,2012 ni in honna neih ding geel uh a, June 29,2012 ni in Thantlang khuapi ah abanban hong leuleu ding ci hi.

Central Committee member khat le Central Judiciary Department ah member khat ahi Pu Thang Yen in tua Liaison zumte ah makai /Zum ngak sem dingaa, Tedim khuapi (Liaison Office) ah Central Committee member khat mah ahi Pu Hau Kang (Tonzang) sem ding ci hi. A hi zongin thu tuamtuam hang tawh Pu Hau Kang in Tedim (Liaison Office) zumpi ah sem nawn loin, Thantlang lamah gawm khawmin sepsak sawm cih kiza hi. Tedim ah CNF zum honna ding vai tawh kisai-in, Tedim kampau Zomite sungah mipi in kideih lo lua ahihna tawh tuni dong zum hon ding vai kicianzo nai lo cih kiza hi.

Source: Chin World Media
Translated:Kham Khan Suan (Tongsan Translated)

 


Comments

07/01/2017 05:11

With the recent developments, it is easily possible to download and install the play store for PC and enjoy the apps

Reply



Leave a Reply