WWW.TUNGZANGNEWS.COM

 
Lawmte,
Zan October 5 ni pen 3rd World Zomi Convention ding tawh kisai ni thupi khat hi. Bang hang in maw?

1.Zingsangin 3rd World Zomi Convention Makipi tengin Manipur gambup sunga mediate tawh holimkhopna hun Zomi Council  Office, Lamka ah nei uh hi. Tua tawh kisai tuni English leh Zopau  Daily te ;eh Local Cable news te ah suak zihziah hi. Media te in zong nakpi in hong huh uh ahih manin thalawpna ong uangsak tetek hi.

2. Zing nai 11 in SYO, Simvengah 'Lead Up Event' ci in nasia takin Lamka lam pau leh Convention Cheplawkna hun kizang hi. Tua hunah Rev. Lamkhogin Khaute, Executive Secretary/Director, EOC in hona nei a, Convenor Pu Dr R Sanga in vaidawna thugen in Pu LB Sona, Chairman, Zomi Council in thugenna nei hi. Tua zawh in Programme Cordinator Pu K Vungzamawi in #rd WZC ding tawh kisai -Inauguration Function, Woship Service Programme, Seminar Programme detail, Valedictory Programme te highlight hong nei hi. Tua banah October 24 nitak nai 2 pan Dorcas Jubilee Hall, New Lamka ah 'Prelude to the Convention' ci in 'Role of Community in maintaining Peace and Security,' cih thupi zangin ZomiGovt Officials,  Leaders leh Intellectuals te tawh hunzatna om ding hi. Tua hunah Shri Sambhu Singh, Jt Secretary, Ministry of Home Affairs (North East I/c) leh Shri Leban Serto, PhD te zong hong kihel ding ci hi. Lead Up Event Main Speaker Rev V Thangkhangin, Director of Inst., EBCC in 'Be a Blessed Nation cih zang in hansuahna hun zang a, kitai paikhawmte kitai mahmah hi. Zomi Artist tuamtuamin lasakna nei uh a, Event cheplawkna pen nasia mahmah hi. Vote of thanks Pu KG Tungnung in gen a, tau zawhin phetin Dr Neng Lian in thungetna tawh hunkhak hi.
- Zomi Convention adingin minam tuamtuamin Halleluijah Chorus sin ngengngang uh.
-ZYA makaihin singtanggam teng nungkalin mobilization in hawh uh a, singtang lamte zong nasiatakin hong hawh ding uh.
-Worship Service Lamka khua sung biakinn/Hall 10 ah kinei ding a, lapawl kisa ding 50 valte kiling litlit ta uh.
-Lamka a kipan singtang leh Imphal dongin gari leh mun poimawh tengah Poster, Sticker, pum dim ta.
-Hospitality sai ZEPADA leh ZMA te kiging panpan ta, munpi in Rayburn College kizang ding ci uh.
-Lamka Public Ground a Platform leh hut/cottage lam ding zia Architec leh Engineer te amun velvel ta uh.

Nawngkai om lo a Convention a kizattheihna dingin thungetna ah phawk ciat  ni.


Dr Neng Ngaih Lian
Chairman, Worship Deptt.

 


Comments




Leave a Reply