WWW.TUNGZANGNEWS.COM

 
Picture
A Nihvei Na GZA Makai Khawmpi Hunding Kipsakna leh Taangko Na
Leitungbup Zomi te Kipawlna GZA maban te a zom toto theiding aa hong makaih ih Pasian tungah lungdam ko masa hang.


"A Nihvei na GZA Makai Khawmpi" tawh kisai in a munding Tedim khuapi hi aa, a hunding tawh kisai in Tedim khua sung aa biakna pawlpi tuamtuam pan makai pite a hi GZA Tedim Local Committee te tawh kikum khawm in November 14-17, 2013 sung neihding in ki kipsat hi.


November 14 (Thursday) Zintun
November 15-16 (Friday & Saturday) Sunsung Thu Kikupna leh Nitak Mipi tawh Biakpiak na hun
November 17 (Sunday) Nitak mipi biakpiak kikhopna tawh khawmpi hun kiman ding hi.


Hih khawmpi sungah, GZA Committee 15 sung aa member teng, a kisam mimal tuamtuam leh Tedim, Tonzang, Cikha township sung aa khua hausa khempeuh hong paizo ding in ki lamen hi.


GZA Tedim Local Committee te makaih na tawh khuasung pan pawlpi tuamtuam te kipawl in zindo ding hong hanciam sawm uh a hih man in lungdam mahmah hang.


Hibang aa minambup tawh kisai vaipi ih neih ciangin sum leh pai tampi mah kisam a hih man in gamsung gampua aa om Zomi a kua mahpeuh in mimal leh kipawl na tuamtuam pan piakkhiatna tawh ma ih pankhop ciat nading in Central Committee pan kong zawn uh hi.


Hih khawmpi aa ding sum leh pai tawh hong panpih dingte in Yangon ah Pa Tuangpi (GZA Sumkem Pipa - Phone: 095116182) ah nana khak un. Gamdang aa om ten keitung ah nongkhak nop vua leh (U.S.Phone 918-409-3963) ah hong theisak masa le uh cin sumkhak nading Bank Account number kongpia ding hi.


Ih khawmpi nuamtak leh lawhcing tak aa ih neih theih nading in thungetna tawh mapang ciat ni.


"A teltuam Israel mite ah ompih bangin vanglian Pasian in Zomi te hong ompih hong makaih den ta hen!"


-- 
Chin Do Kham, D.Min., Ph.D.
General Secretary
Global Zomi Alliance 


 


Comments

Don Khan Khup
04/14/2015 15:03

Ka ngaklah mahmah Hong Tung ta hi ..GZA

Reply



Leave a Reply