WWW.TUNGZANGNEWS.COM

 
Zogam, Singgial khuami Pa Nang Go Suum le Nu Zo Khan Nuam (Anlangh)te' tapa Upen Pa Thang Sian Mang (Kum-20) in a teenna Canada gam nitumna lam Saskechuan khuapi ah September 30,2013 (Monday)ni zan lam akhuallak vakna pan midangte' khutlum tawh tuahsia in, leitung nusia cih thu Rev. Mang Khan Khup, (Secretary of Zomi Community Canada) tungtawn in kizasawn ahih manin, anusiat nu le pa, sanggamte tawh kibangin Tongsan International Media Group pan dahpihna i pulak hi.

Pa Nang Go Suumte pen Kawlpi ah ateen zawh uh sawt simta ahih manin, a tate zong Kawlpi pan akhangkhia vive uh ahi hi. Canada gam a tunzawh uh zong sawt tuak nailo banah, amau teenna khuapi ah Zomi inn nih bek omin,Canada gam Zomite' teenna khuapi dangte tawh Tai 1000-3000 kikal bangin kigamla sawnsawn ci hi. Zomi tawmno khat omna Canada gamah hih bang tuahsiatna le sihna hangin, adiakdiak a nusiat Innkuante thanem lua ding uh ahih manin, Zomi a kuama ciatin thungetna tawh panpih ciat ni.

Sanggampa Pa Thang Sian Mang i luanghawm pen Police te'n kem lai uh a, October 1,2013 ni ciangin Zato pan ki-enthei pan ding ci hi. Sihvui hungeelna akipan vai khempeuh bangmah kigenthei nailo ahih manin, ahun zui-in, ZCC makaite in hong pulak toto ding cih kizasawn hi. Adah akap Pa Sumte inn sungah Pasian Kha Siangtho in alamdang hehnepna bucing na tungsak hen. 

 Rev. Mang Khan Khup (GS/ Zomi Community Canada)
 


Comments




Leave a Reply