WWW.TUNGZANGNEWS.COM

 
Regd. TBC 1654; MBC 34/1950-1951

Rev Dr Cin Do Kham' hong Nusiatna hang-aa

Dahpihna Lai

Leitung khuahun kiheekzia i et ciangin ni sim nai simin thu lamdang le na lamdang vive i za aa, i tuakkha hi. Ahizongin Khristiante adingin bangbang piang taleh i Lai Siangtho sungah i biak Pasian' hong gensa ahih manin thuak siam leh puak siam ding thupi mahmah in i kingaihsun hi.

Zomite Khristian ihihna-in kum zakhat (100) kiim khawng hipan aa, tua sungah makai mipil tampi-in hong nusia khin uh-aa, tampi mah nungta lai-in mailam ah tampi mah hong piang lai dingin lamen hang.

Ahizongin, mailam Zomi Khristiante' nuntak khuasakzia ding thu le la nasia takin geelna hawmna nei-in hong makaih, makaipi guk sung-aa kihel Rev Dr Cin Do Kham in pianpih u le nau, innkuanpih zi le ta, naseppih lawm le gual, leh a mipihte hong nusia in ana a sep sak i Topa Pasian' kiangah hong ciahsatna hangin; "Pasian in Zomite' makai ding khat-aa hongpiak mipil misiam khat hong laksak ta ei", ci-in pammaih sakna leh khasiatna tawh pangpa i kisa mahmah hi.

Dr Do Kham peen I biak Pasian in ahun cingta sa-in honglaksak hi-aa, amah hong kileh nawnlo ding-aa eite ama' paina lam a manawh ding ihi hi. Bangzah in pammaih sa-in a iplah hangin kila thei nawnlo ahihman, a tanau abeh aphung, a-u anau, azi atate leh a lungzuang khuangai khempeuh I biak Pasian in hong hehnep sak ta hen!

Dr Do Kham ka muhna uh leh ka khenlahna uh thu tampite sungpanin:-
* A Pawlpi AG ahih hangin Pawl lungsim a neilo phadiak Khristian cingtaak mi thupi khat,
* Thuhilhna a neih ciangin pawl le gual thu sangin Pasian' deihna bangin thu ahilh ciatciat Pasian' thuhilh siam khat,
* Vai khatpeuh a din ciangin innkuan vai le pawl vaite masaklo-aa mitampi phattuam nading aci tangtang thukhual makai hoih khat, 
* Leitungbup suah le tum, leilu leitaw-a om Zosuan tate i ki pumkhat nadingin hong vaanin, hong huai phadiak makai kizen khat hi, ci-in ka mu uhhi.

Gam Cin teng a nawkzo Pasian' nasempa,
Gentheihna Do zo-aa a kipumpiak Pasian' sawltakpa, 
Mitampi adingaa a ki Kham Pasian' taangmipa, ngilh ni omlo ding!

Anusiat pianpih u le nau, zi le ta, beh le phung tawh a thuakkhawm 
Tedim Baptist Convention.


Rev Thang Go Khup
General Secretary

 


Comments




Leave a Reply