WWW.TUNGZANGNEWS.COM

 
Ka Sih Khit Ciang!


·         Ka sih khit ciangin kaluang hawm om na ding taihbuuk nong  bawlsak uh sangin,

                        Ka nuntak lai-in ka khe ngak na’ng singpeek no khat hongpia zaw le uh cin ut zaw ingh.




·         Ka sih ciangin sileng dim in paakkual tawh nong khak uh sangin,

Ka nuntak lai-in ka innsung ah kasuan ding lingpaak kung khat hong pia zaw le uh cin ut zaw ingh.

·         Ka sih khit ciangin kei nong phawk na-un mualsuang na phut uh sangin,

Ka nuntak lai-in kabelh theih ding sawlbuuk no khat hong lamsak le uh cin ut zaw ingh.

·         Ka sih  ciangin khanken kua-sah kengin nong khak uh sangin,

Ka nuntak lai-in ka nek ding anteh sipkhat hong pia zaw le uh cin ut zaw ingh.

·         Ka sih khit ciangin kei hangin hun, sum leh paai tampi nong suplawh uh sangin,

Ka nuntak lai-in kazat ding dangka tang tang khat hong pia le uh cin ut zaw ingh.

·         Ka sih ciangin mite mai ah hong phat in nong pahtawi uh sangin,

Ka nuntak lai-in kazak kik ding phatna kammal khat gen le uh cin zaw ut ingh.

·         Ka sih khit ciangin kei hangin sun leh zan ih mu lo-in  nong zanhak lawh uh sangin,

Ka nuntak lai-in ka kiang hongpai in tuibuuk muantam tan beek hong khawl zaw le uh cin ut zaw  ingh.

·         Ka sih khit ciangin kei mah itna la phuak in nong awih uh sangin,

Ka nuntak lai-in ka kiang hongpai in nong it, nong ngaihna thu kamkhat hong gen le uh cin ut zaw ingh.

 bY,

Pau Khan Kap

9 September 2011




Hite pawl hi ei kazak nop. Khantoh vai leh pilvai mahmah in hite pawl hong lim gelh dih vo. Pau Kap nang koi ah om na hiam oo! 

Hibangdan aa thu hoih nono suahsak na ding in ih internet te zangsiam ding in Zomi te Topan thupha hong pia semsem hen!

Dr. Do Kham
USA




Note:  Hih lai pen September 9, 2011 ni a, Zonet, Tongsan leh Leitung Khua Group pan ka khah hi in Dr. Do Kham in feedback hong piak kik na hi.

Kammal khat zong laih kik lo hi ing!




Zomite tawh adah khawm,

Pau Kap

Columbus, USA.

October 15, 2013
 


Comments




Leave a Reply