WWW.TUNGZANGNEWS.COM

 
Dah lua ing ei,Ka Pasian aw...!!! Na salua ing ei,Ka lungzai aw!..!!!


Thu kizak te amanlo leh a ki uanggen, a ki patauh gen om theizel ci in upnoploh luat manin mi tampi ka dot leh a taktak mah a gen uh na hi mawk ve uh e le...,


"Sia Do Kham in hong nusia" ki ci tek mawk...Nu aw..!!! Pa aw..!!! 
It leh ngaihten hong nutsiat cianga a luang ngeina khitui bang ahilo lungsim kilokgawpin, patauh linglawngna tawh kigawm dahna, manpha sak mana itna leh thupi sak mana zahtak piaknate pan a hong phulkhia khitui taak kham zo pak kei mawk ing ei....,


Kei khek theih hi leh nang taangin kei kiphal zaw sing e maw U aw..!!!
Theikhol thei hi leeng nong vaikhak nop tam ngel ding hi ven maw... U aw...!!!
Nong totnop leh nong hilhnop te ken koipan za nawn ding ka hia... U aw...!!!
Nang maban hong zom zo pak kei si nung e maw U aw...!!!
Nang hong suun mi tampi hong piankhiat nading a kituh khaici hong hi beek aw maw U aw...!!!


Nang hong nusiat hangin nang tungpan ka ngah uh;
@ Thusia pen thuhoih tawh na zawhna
@ Na thuakzawhna leh na cihtakna
@ Mi na puahnopna leh na pattahnopna
@ Mi na deihsakna leh na laptohna
@ Mi na huai zawhna leh mi na itkim zawhna tein nang nungah na lianpi tampi sem lai ding hi.


Zomite in minam dangte ih batzawhna ding kal tampi takin kisam lai a, Zomi in nang bang makai hoih kong neih khak uh, leilu leitaw ah mangvom mangkang milian misiam tampite maiah Zomi bup ii maitang ZOMI AKSI, nangma banzal tawh a sawtlo khat ciang Zomi ih sunmang teng hong tangtung ding ih lamet hi ven mawtaw, na banzal kua in cikciang kong zom zo mah uh tam maw, ko bek ki muang nai kei si ung e maw..., 


25 September, 2013 (Wednesday) nitak nai 3 kiim pawl, ZOMI GOSPEL CONCERT USA 2013  ih man khit Town-Gospel ih paina, Tulsa - Saint Louis kikal lampi tungah mawtaw na hawl kawm a nong gen, ¨Pasian in hih ciang hong sepsak zong ka khang khat adingin lungkim ta ing....¨, na cih mah bangin, mihing khat ii septheih ding lak pan a lungkim huai mahmah in gam leh minam leh Pasian ading nalian tampi sem khin zo na hih manin nang tungtawnin Zomite mi hampha a suak thei hi ung. 


Nuntak man a nei taktak hi ciai...!!!
Nang hangin angtangin, Lungkim mahmah ung ei...




Na hoihna ciamkha ngiat a,
Dahna leh pahtawina khitui hong luan!


JK Kam
ZOMI GOSPEL CONCERT USA 2013
 


Comments




Leave a Reply