WWW.TUNGZANGNEWS.COM

 
Tuimui khua piang, Kawlpi aa teng a hi, Rev. Khup Khan Thang (Rev. Thang Pu -kum 65) in, October 10, 2013 (Thursday) zingsang lam nai 9:00am pawl in a ten na khua Kawlpi pan in Vangam Pa kiang ah ong ciahsan hi. Amah pen, sikhang leh zun khum nei aa, a hizong in, cina gim aa ong nusia hilo hi. Malaysia ah Gospel leh a tu nu (a suak thak) en ding aa Oct. 14 ni aa pai sawm, a ki thawithawi laitak in, a khua sung vak na ah tuk in, zato a kipuak  pahhang in, ki bawl zo nawnlo hi. A zi, Nu Nem Ngaih Niang tawh ta pa 3 tanu 4, leh tu 7 nei uhhi. Pasian nasem hi aa, Tuimui AG ah Senior Pastor kum 13, Tonzangh section superintendent kum 9, missions director kum 3 a sep khit ciang in, Kawlpi lal in, tu laitak Phualpi AG ah Pasian na sem khat (evangelist) a hihi. Sihvui na pen, Sunday sun nai 3:00pm in, Pawlpi AG in vuina nei ding hi. A dah a kap a zi a tate, tute leh meltheih a kua mahpeuh ta ding thunget na tawh phawk ciat ni. 

Thu zasak,


Pastor Cin Khaw Kham
Far East Mission Church
Tulsa, OK
USA

 
 


Comments




Leave a Reply