WWW.TUNGZANGNEWS.COM

 
Sagaing Divsion pan Limsuaih Siam Zotaang Zen Khan Thawn (October 2013)
Pa Dai Sian Lian le Nu Cing Khan Lun Kalaymyo te' tapa Tang Zen Khan Thawn (tan sagih) in lim suaih siam Sagaing Division panin a khatna ngah a, Kawlgam khuapi Nyipitaw ah a nu le a pa' tawnpihna tawh gambup lim suaih kidemna ah va kihel hi. Sangaing Division tangmi dingin a va pai ahi hi. Nyipitaw pan bel gambup level amau' gual pan a (5)na ah hong koih sak uh a, Yangon ah hehnepna letsong va sang suk sak hi.  Hong ciahtoh khin a, letsong pawl khat zong ngah hi. 

Nypitaw letsong piakna hunte ah Zen Khan Thawn tawh kisai thu a gen simin Kalaymyo, Chin State ci-in kigen pahpah ci hi. Kumpi nihna pa Sai Mauh Khaan in Kalaymyo pen Sagaing Tai sung hi ci-in hilh in tai hi cih a nu in ong gen hi. Cihnopna ah Kalaymyo pen Zomite' khua pi taktak na hi a, nidangin Chin Division sungah a na om ngei lua ahihna kilang hi. Mipi in zong Kalaymyo pen tuni dong mah in Chin State sung mah ah a om om lai sa hi leh kilawm hi. Kalaymyo pen Zogam mah ahi hi. Zen Khan Thawn in Zomi (or Chin) pen ong lamsang ong kithei sak zo hi a, a siamna kiukhat tawh ut ta leh ut ta kei leh Zomi te ong lamsang ahi hi.

Mai lam ah Zomi te leitung level dongah boxing, circus, bawllung suih siamna, tai hatna, taih siamna, lai gelh siamna, vangleng hawl siam, science lam pilna nei, leisung sumpiang lam pilna, sing no suan daan, paak ciin dan le gan khawi siamna cih bangin subject tuamtuam tawh Zogam Zomi lamsang ding hi hang. Subject khat bekbek ah ki zui ngetngat lo a, mi' thusim loh subject khat  en hoih takin a tawp dong na siam lehang, minthanna, nuntakpihna, hauh lawhna, pil lawhna hong piang ding hi. Ih siamna ih talent thei khia a tua ciat tawh Zogam Zomi min pua sak a, ih zuun ciat ding hih Tg. Zen Khan Thawn (B)Thawn Thawn' limsuaih siamna thupuak panin tha kong pia nuam hi.

Evan. Suang Dal
 


Comments




Leave a Reply