WWW.TUNGZANGNEWS.COM

 
Dear  U le naute teng

Om na ciat pan I damkim tek hia guaite.

Tu sungteng pawi lianpi pi ( nopna dahna )in ong nak nawk mahmah mawk
in kithu zakloh sawt sim ahih manin laikhak tawm no tawh innlam thu
pawl khat kihawmsawn nuam hang.

Tu nipi sung mahmah in hih lamah kum 200 muakna ( kawlgam khristian
tun zawh ) le kum 100 cin muakna ( Zo lai )  tawh kimanlah ciat mahmah
hi.



Kawlgam media ten lunglut bilbel

3rd WZC , Lamka pai ding vai pen ZYA te thupi takin ong vaihawm
ciangin lawp mahmah in I om laitakin Kawlpi le Tedim ah  Thura U  Shwe
Man ( chairman of  parliament ) ong zin ding cih thu ong om pak hi.
Thura U Shwe Man ong zin zenzenleh Gullu vai deihna le muhkhiatnate
khempeuh ama kiangah puak zawh ding lunggulhna kinei hi. Ama tunga
piak dingin laimai 17 apha laibu neu khat kibawl samsam hi. Ahi zongin
ulianpa ong zinlo kik mawk hi
.
Tua laibu neu pen U Shwe Man ong pai theihloh hangin Union gov,
Sagiang Division gov, Chin state gov le MP te tungah piak veve dingin
kigel leuleu hi. Gullu pawl in Thura u Shwe Man tawh kimuh ding gelna
le laibu bawlna thute media te in ong theih uh ciangin nak lunglut
mahmah bilbel uh hi. Tua hi a tu sung teng bang media te tawh
interview bawl in na manlah zezen ung. Lamka pawipi ah ZYA makaipite
siamsinte le mipi 200 kim bang va kihel thei ahih manin nakpi takin
lungdam hang. Ahi zongin kei mahmah ka kihel khak loh pen kei le kei
hamsia kisa lua ing. Kua tung cih a hih loh hang ka heh suak peuhmah
pong mawk

Kihelna nengneng

Tu ni pi sung ( 28 – 30 Oct ) Mandalay khuapi a kibawl “  EthnicsYouth
Seminar ” ah eite tangin Tg Biamung ( Siamsin ) le Tg Pautawi (
Siamsin ) te va kihel thei uh a, thu tampi va sung ding uh hi. Tua ban
ah Thai gam Chaing Mai khuapi ah November 18 – 19  sunga kibawl ding “
Climate Change and Development” workshop ah zong I nua siamsinte sung
pan I kihel sak zawh ding lunggulhna nei hang. Tu ni pi sunga ( 29.
Oct – 2 Nov ) Hakha khuapi a kibawl Green Myanma te  in “ Land and
Nutural Resources management” cih thusinna khat nei uh a, tua lai ah
thusin ding le Gullu vai mapan ziate thusung ding / hawmsawn dingin
ong sam uh hi. Ahi zongin ei lam panin manlahna tawmtawm hang tawh a
kipai zo lo suak hi

Suang kizuak

Thu le la a om bangbang I tangko tawntung ahih hangin tu tunga I kizak
sak ding thu pen ut lo pipi a kitangko khia ta hi mai hang. Abeisa in
I tha neihzah zah tawh company in tu le tu a nasep ong kipat loh
nadingin phut cihtakin I phu hi. Tua pen kilawh cing bilbel hi mah
tase leh nung kha a kipan sumbawl pawl khat in gullu mual suang pawl
khat a tawi in ong lei mawk uh hi. Suang a san ( aksin mel ) le a
puang ( aalu hawng mel ) suang nam te pen tawi khat 3000 ks ( tul thum
) pawl khat , 5000 ks pawl khat, 10,000 ks cih bangin nam thum phasak
in la mawk hi

Suangtum pen tawi cing baih mahmah ahih manin nitha tung mahmah ci hi.
Nektawm ding a kizong ahih manin ong nawngkai sak kei tapeuh un ci in
khuamite in ong thum bawl kik hel zen uh hi. Amasa lai in a tawm pen
5,000Ks tawh kilei hi a, I mipite mah na thusiam lailai in 3000 tawh
ken ong puah zo ning ci in amau le amau in aniamkhiat uh hi lai hi. Tu
laitak mahmah in zong mual dawn ah mi 40 ta bang suangzong in om den
hi. Sumbawlte gen na ah suangte pen numei kizepna in kizang hi ci hi.

 Ei le ei vive hi mawk ahih manin lungsim om bangin kigamtang theilo
zawsop hi. Ngongh tat / gaamtat ni cih a hih pah sam loh hangin hi ci
khoih khong ding pen hun sawtpi ading apammaih pi khat ahih khak ding
lung himawh pong ing. Khuamite kiangah suang na zuak veve uh leh a tam
man thei pen bekin na zuak zawh dingin hanciam bek ni ka cih leh “
Nitha 3,000 ks nangawn tawh sum thapai a zon sawm nangawn om hi ven ,
tuate I zol zawh masak ding thupi pen in teh ” ong cih san hi.

Hih vai pen vai thak khat ong hi mawk in ka cihna ding thei pak het
kei mawk ing. Koi ci bangin ma I pang diam , guai te aw

lungdam ei

liantuag
kawlpi ( 09400511757 )
 


Comments




Leave a Reply