WWW.TUNGZANGNEWS.COM

 
Mihing pen kicinna neilo ciat i hihi. I theih khempeuh zong kigen khin theilo,I utna khempeuh ah zong kipai khin theilo, i deih khempeuh zong kinei khin theilo aa, kipawl khawm ding, semkhawm ding, hawmkhawm ding, puakhawm ding, thuak khawmding hanga, tua hileh i deihna kizui zo pan ding hi. Idea piak baih aa, sep tatak haksa hi. A galpan en lehang oltuak mahmah aa, vasui tatak lehang baih khollo hi.


A kuamah peuh a kimawh sak hizaw lo in a sunga a sem, a kimawl tatak te groupmail khawng pan leh a pua lam pan in vangik suansuan takei lehang a mau a khop ding, invai, lovai, minam vai, gamvai leh nisim nek le dawn silh le ten vai ah mihing hihna tawh haksatna tampi tak omding hi. Tuate kawmkal ah Zomite ading hih ciang na asem gamsung gampua ah om Zomi makaite hawm thawh niloh lo in a kicin lohna te uh en seppih lehang. Gensia masa lo in seppih, panpih masa in tua teh a kisapna te ah puah phat nading gel pih lehang. Khat veivei i galet aa, kilawmlo khat pen a sungah a kimulo hilo aa, a piangtheilo zong hithei, sum le pai kisam, mimal kicinlahna ahi aa, vai haksa khat pepeuh hang hithei hi. Ei mahmah va kipawl va kihel phophot lehang hoih ding hi. Tua pen inn kuan nasep hia, khantoh lam manawh hi.


Sia Lang Kap laigelh thupi leh lungsim hong khoihkha kasa mahmah hi.Bang hangin tuni dong ZCD makaite panpihni cih pen gengen kul lai i hiam? Deih lohpen in omlohna khat nei le uh Dr. Do Kham hun mah bang in thupisakna leh thapiakna, lai kigelh ngeingai kha ding hi. Tua ahih man in tulai tak a lungkiat huai mahmah hun, zing le vak a kitel dektak hun a hihi. Tha pia ding hang aa, hong lungkia kei un, mipi te nanung uh ah om hi ung. Mun tuamtuam a om Zomi te in thungetna leh hih theih tawp in hong panpih ding hi ung. Hong thadah kei un, na kisap nate uh hong gen un, Zomi khempeuh Mission ahi Minam leh Pasian ading in kipum khat in sem khawm ding hihang, cih ding hi lo maw, mate? Tua hi leh a mau zong a tha uh hongsan ding, hi ve aw..


A kisam khat omlai hi, Politic lam ah ZCD le Zomi Council, Kihun kikepna ZRA leh ZIA, Biakna lam ah GZA, nei hanga, Khangno lam ah ZYA nei hanga, sangnaupang lam ah Siamsin om aa, lailam ah ZCLS, Ngeina lam ah ZOCUS/ZOLUS, kimawlna lam ah ZOFA om, music lam ah ZOMUS om, Thuthak leh thu kizakna lam ah tampi om Tongsan, Zomi Daily leh a tuamtuam Zonet, groupmail cih te. Hih teng hong kipawl khawm in hong ki gum, hong kipanpih, hong pangkhawm le uh, Zomite bel lawng khat in ging tatak ding aa, ginlian mahmah ding a tangpi tawh zawhlah neilo ding hi. Tua khit teh, NGOs, Movies Industries, Radio stations leh a tuamtuam gamgi adang tampi genzawh loh in kisem zoding hi.


Na khempeuh a semthei Pasian a nei mi in lungneu kei ta hen.
(He who trusts in the Lord shall not be disappointed).

Philipkhaipu

 


Comments




Leave a Reply