WWW.TUNGZANGNEWS.COM

 
Lai thupitna kitel mahmah tek a, Laitawh gamkeekna zong mazang mahmah ahihlam kitel tek hi. Zogam ah laisinzia ding tawh kipawlin amunmun tek ki hanciam tek ahihi.Zomi sung laisinzia ding leh minamlai diktak neih ding in thupi tak in kingaihsun tek a, ahihtheih top in kihan ciam tek ahihi.


Zogam ( Chin state) sung ah khuapi 9 leh khuapi laihawl 3 kinei hi a, hih sung ah laisin ding in lawngkhat in akipai theinailo ahih lam kimu thei ahihi. Banghiam cih leh Mara Literature and Culture Committee, Yangon (MLCCY) in zong apianpih kammal leh pau kem nuam in mapan na nei ta a, Mara khua 55 bang omna mun te ah tanlang pan tanli ciang sin ding laibu 1000 kim bang bawl khia ta uh ahi cih thu Mara Literature and Culture Committee Dr LB Siama gen khia zo ahihi. Asepzia dingte Dr Bamaung tungah zong vaikhakna nei zo ahihi cih tukum 2013 March 25 in sem khia zo ahihlam khunumthung pan phuang khia ahihi.

Hakha in laizo asinzong, Zomi in zolai ihsin zong, Mara in mara lai asinzong avek in ABC laimal ding vive hi a, Hih ABC laimal Zogam sung kizang dingveve pen kammal khat in laisinzia apai kei leh minam sung lungsim kielpuakna hong om ding ahihi. Bang hiamcih leh Zogam sungah zumkhatsung ah zat theihding lai hongsuak ngeilo ahihi. Kumpi nasem ding khangthak Zomi te Mara khua ah kumpi na sem ding a, Mara te Zomi telak kumpi nasem kiom ding a tua sung asawtsawt te kawlpau mah kizang veve in kawllai mah tawh zumvaihawmna pai veve ding suak ahihi.Kawlai zangloding cihna hituanlo hi.

Hih mun i et kik tak ciang in minamlai kician taktak aneilo ihih lam leh neina pi iphuah loh isin noplohna ei leh ei gutui kidawnsak te ihihi. Tua man in Laimi, Khumi, Mara, Zotung tesang in imadawk zawk na ding in eite in minamlai kician tak neihna dung zui in akinte in sinsakna mahonsak kul ahihi. Eite hunah minamlai kisin manlo kihilh manlo ihih man in leh Laitawh gamkeekna huangsung ah kikhumbulh cip lai man in pau kilamdangsak a, minam kikhenna leh kitel khilhna piangsak ahihi.

Tuta dih in Gampua om peuhman in Cope laibawl pen limsin mahmah ding hang a, naupangte in Zomi pau atelna ding in kihilh mahmah ding ahihi. Gamsung Zogam om leuleu te ading in asang zawdeuh in kah toh kul leuleu a, Laimi, Mara, Khumi tesang madawk zawh nading in Zominamlai hoihtak in sin ziahziah ding hun ahihi. Tua hileh amau tesang in minamlian ihihna kilangzaw a, thuvai hawmna khat peuhpeuh a, Zomi in minamlai neihna tawh gualtung tuangzaw ding ahihi.Banghiam cih leh amaute laitheih pen eite in kisimsak thei lel a, eite laitheih pen amau in sim thei hetlo lel ahihi.

Zumvai mingelh bekna Sign na munah minamlai gelh kekkek bek leng zong' hong phat na kammal izak kikloh hang in, alungsim tawng ah hongzahtak sim gige ding ahihi. Tua man in amau te laisinna in minam kikhenna suak ding a, Ei lai nei minam te hang in minam kigawmna hunkhat teh piangding ahihi.

Hau Thang

 


Comments




Leave a Reply