WWW.TUNGZANGNEWS.COM

 
Tununga i kizaksak om bangin ganhing dinmun tawh a kibang linlian Zomite in Pasian khuavaak tangkha-in Zolai i neih zawh kum 100 hong cing taktak ahi ta hi. Tulaitak Kalaymyo ah ZCLS leh innteek sem ding Tahan Tuiphumte kilimgin mahmah uh a, a muntek ah buai si tham uh hi.

Thugenpi ding pen Revd Dr JM. Ngul Khan Pau (D.Miss) leh a zi hong tungkhin uh a, tuni'n Reve Khoi Lam Thang (BSM) Yangon panin hong tung leuleu ta hi. wed.ni teh Dr.Hau Za Cin ong tung lai ding hi. Kalaymyo panin Bishop Felix Lian Khen Thang (Ph.D), Tedim panin Revd Dr Thuam Khan Thang (D.Min) leh Revd Khai Khan Suan (D.D) te zong hong kihel ding uh hi.

Oct.30, 2013 nitak lam 5:30 hunin Jubilee pawipi hongna kinei ding a, Revd Tuang Khan Kap in mualsuang honna hong nei ding hi. Tua lo a thukicingin bulletin a kibawlsak laitak ahih manin hong kizasak lai ding hi. Sun thusinna leh nitaksim cialpi kinei ding a, limlahna tuamtuam zong om ding hi.

Ngeina lam tuamtuamte zong kilaksak ding a, a nitak nunung pen ZOMUS Kalay te' makaihna tawh Concert pi neih dingin zong geelna om cih kiza hi. Fashion Show (or) Model show zong thuging a om nai loh hangin a nei zo hong om ing kilunggulh ahih manin ka na vaan lai ding uh hi.

Tua hunsungin khuaimel vaak 100 leh thau om lo ahih manin Zam tumna cihte zong om ding a, a limkhaphuai/zaktakbaangtakin kizang nuam hi hi. Tua a mapang dingtezong pawlpi tuamtuam panin sehtan kipia khin a, rehearsal zong bawllai ding uh ahi hi.

Khuahunte hong hoih a, vaisia dang om het lo a, lungkimhuai leh i minam ading thupha ngahna pawipi hong hi dingin thungetna tawh hong panpih ciat ta un, ci'n i kicial phapha hi. Sum-le-pai tawh hong mapang sate' tungah zong lungdam hong ko tangtang uh hi. Hong pia lai dingte zong a hun bei cih bang om lo hi, ci-in ZCLS Pu in gen hi. Niak pen mipi khempeuh a kisam hi a, mun za lua lo ahih manin thungai nuam taktakte pen tun baih ding hong thupi kha ding ahi hi.

Ei khangsungah Zomi level in kum 100 cin muak ding hong om pak nawn lo ding hi. Nang bang tawh na kihel nuam hiam, Zomi leh khangsawnte'n tuubang a cin dingin bang tawh nong lakkhia nuam hiam, na ngaihsun pha mahmah lai dih vuau sanggamte. Topa'n thupha hong pia ciat ta hen.

Thupuak,

Peter Khampu.
Media Dept. (Zolai kum 100 Jubilee pawipi)
Tahan, Kalaymyo



 


Comments




Leave a Reply