WWW.TUNGZANGNEWS.COM

 
THE YEAR OF AD. 2013 the Year of Zolai International & Rev. Dr. J.H. Cope. 

Before 2000 years ago, God sent His Son Jesus to the World and saves the world for those who are called the believers … as like the present! Before 100 years ago, God sent J.H. Cope’s couple to ZOLAND who were not only for the Gospel but also for the “Complete Blessing” of the Zomis in special Global Outreach People Group. Why the Zomi people were spreading and leveling International standard within only 1 century?

1. Because Jesus Lives, We can face tomorrow.

2. Because of the Missionaries & Zolai is more useful for Total Education in all generations.

3. Because of Education, Health, Music ...etc.

Ih Siapipa Revd Dr. Joseph Herbert Cope in hong sihsanbaihluatna in Zomite supna lian mahmah khat ahihi. Kum 38 hunsung-in Zomite khantohna ding na tampi semzo man zen hi. Kum 30 sung hong pattah pen Zomite Leitung Level in kitaaizo ahihteh Kum 50 bang hong pantah manlai hi zen leh Zomite pen tuma Kum 38 lai pek in Leitung Level in Leengthei ta ding hi hang cih kimu thei pah hi. Hihbang na lamdang tampite pen Pasian’ piak Itna & Pilna Thupha tungtawn in hong luang Thumanpha “Zomite Gou” asuak hi. Gtn: Mizoram/Aizawl khantohna Thusim zong Missionary tampite in apuahpuah uh hi-a, tua dungzui-in Pasian’ laptohna hun ah India gam ki-ukna hoih tawh Thauvaihaal a-bang uhi. Durtlang Hospital in Cidamna lam khantohna & Standard Nurses tampi piangkhia sak den uhi.

Zomite pen kihamsiadeuh ihci mai diam? Missionary hong pai sunsunte, Carson & Cope in a lutang uh hong phuum baih lua uh ahih man un a sepding uh na hoih tampi kitaan aa, amau’ bel ei aa taktak ahidiak uhi. Ei zong amau’ leh Topa’ aa mah ihihi. Akuama peuh in Zahtaakna piak huai hi. Tuni in Dr. Cope in Zomite bang tan tungta hiam cih hong en ciieciai den ding hi. Kum 100 cing khinta, Tedim Sangmang huang ah hong hawhkikthei hileh bangteng hong gen tam? A tatak in Cope pen Hakha sang in Tedim khua mah ah omnuam ding in um ing. Kum 30 val sung teendeen in a nasepna phualpi ah utzawlo ding hiam? Hakha pen atuncilna ahihzenzen hang, Carson sihkhit tawh akituah khak man in Laura Carson nasep ahuhphot hibek aa, Cope & Elizerbeth pen Tedim Mission nasepna phualpi hongkhia ding leh Zomi Tedim kampaute aa’ding in kipumpiak ngiat in hongpai uh ahihi. Tua man in Tedimte hong suak uhi. Tedim pau siam mahmah kici hi.

Rev. Dr. J.H. Cope pen Zolai hong bawl sak ih Siapipa hi. Lai Siangtho Bu (NT) hong bawlsak man hi. Pu Pau Cin Hau in amah kipia lai na phallokik ahihman in Roman Alphabet bulphuh-in ih “ZOLAI” hong bawlthak akizat-kimtheihman- in Zomite khantohna lianpisuak hi. Hoih mahmah ka sa hi. Pau Cin Hau’ lai khawng tawh siamlopi-in laigelh sang in zong baihlam zaw hi. Mikim in simthei pahpah uhi. Laipianpa in a Vantunglai phal hileh Laibu hizahtak bang ki gelhzo nailo kha maiding hi. Nei mah leng ei’ bek in simthei-in kisimthei kimlo lai ding hi. Tuhun in Pau Cin Hau’ Lai pen Computer sung ah Laimal bulpite kiguangkhin mah leh ih-simthei naikei laimawk hi. Tuabang ahihteh namdangte in asimtheihding uh haksa ding hi. Linguistics lamsang pilna neite, uukna/kivakna anei mitawm bek in theizo ding uhi. Lai thupi hi.

Pu PauCinHau’ Lai zong ama’ mun ah Thupi mahmah hi. Ahizong in LST khetna ding in aphallohkik, ahazat zenzen pen Zomite khantohna ding lampi kihonna khat na hizaw gige cih phawk-huai zawmahlai ding hi. GFA ah M. Div (1st yr) ka sinkhoppih Laipil mahmah Pe Aye min nei Paletwate khat tawh lupna kinai pen in Kum 1 sung ka kithuah uh-a, Zolai & Zo Pau hong sin zelzel hi. Hun khat ciang in, No pau zong hong hilh ve ka cih leh Kopau khawng sin kul kei, Mitampi in oltak in atheihbaih ‘Nampi Pau’ sin ding hi bek hi hong cihsan ziau ciang in ama’ hong gen thu-thuk khat in Ka Lungsim hong phawng lek hi.

Ih Sanggam Paletwa pa in Tedim Pau pen Zogam ah asinnop Nampi Pau ci-a, Zopau+Zolai thei takpi leh mailam ah kizang thei mahmah ding cih ama’ lungsimpuak ka phawk kha hi. Ama’n USA Gam Tangthu Laibu Translation bawlzel hi. Zomi Sanggamte aw, Zogam/Chin State ah Pau & Lai lamsang midangte hongmuhna ah theihtaakcing, akitelbaihdeuh asindanzong a-oldiak akitentuah ciang-in Tedim Pau + Lai (Zolai & Zopau) pen zat-ol in a theih baih mahmah khat in hongkiciapteh sak cih phawk ni.

Bangalore:  TBBC ah Th.M(2009-2010) kasinlai-in Vaite & Lawmdangte in ka pa’ hong e-mail khakte simthei mangkhin pahpah uh a, akhiatna atheihloh bek hi’n a awsuahna leng maantak in simthei uhi. Naga & Kachin Sangkahpihte’nzong oltak in simtheipak ziauziau lel uhi. Hih khempeuh pen Rev. Dr. J.H. Cope hong guat Zomite: Ih hamphatna vive ahihlam ka phawk a, lungdam kipaak tak in Cope Centenary Jubilee Hun Thupi ah kihel ding in Bangalore pan Tedim ah kong ciahvengveng hi. Ih Zogam ah Pasian’ Khuavak hong puak Missionary tampi lak pan J.H. Cope & Elizabeth Cope in Zomi Tedim kampau azanghte a’din hong bawl sak ZOLAI tawh E-Dictionary hong kihawmkhiatciangin kilungdamlua in “Aw! Dr. Cope in hong muhpih thei hizen leh bangzahtak-in hong lungdampih zen tam ? Sangmangpa kici Zosuante Siapipa’ J.H. Cope khekhap azui Siamsinte hanciamna thupilua ahihmanin Lungdamna khitui mualtuang sak hi.

Sanggam, Ngaihsunpha dih ve! Sangmangpa’ hong bawlsak Zolai pen Kum 100 sung nungta khin a, CCJC khawmpi hun in Leikiu 4 pan akikaikhawm Zosuan khempeuh mai ah aapna hunpi akibawlkhitphet in Leitungbup mah ah akihawmkhiaziahziah hipah hi. Leitung bup ah Pilna thupisak, mipilte in E-book/Zolai-dictionary pan ut hunhun in Ih ZOLAI sinziahziah thei ta ding uh ahihman-in ZOLAI INTERNATIONAL LANGUAGE sung ah alutzo hitakpita hi. Tuahun ma in zong Leitungbup Minampite’ Lai bek tawh akikhetkhiatsak masa Full Life Study Bible zong Rev. Dr. Do Kham tungtawn in Tedim kampau Zomite’ zatkhop ih Sangmangpa Rev. Dr. J.H. Cope hong bawlsak “ih Zolai” mah tawh ihtawitheih pen Kawlgam leh India gam sung aa Bible Society in zong lamdang asak uh thukhat hi. Zomite zah 100 in atam Minampi pawlkhat in tuzawh kum 100 huam sung in Full Life Study Bible pen amau lai ciat in aneihzawh na ding un Meeting atutkul lai khathei ding uh hi. Zomi Makaipite hanciamna, agim atawlnate uh dungzui-in Minam Thupha hong pia ih Biak Pasian aminthangden ta hen.

Pasian in Zomi & Zolai nungta sak hi. Media tampi sung ah Zolai tawh kibawl Dictionary pen Advertisements mukawikawi hihang. Chin World Magazine ah zong kimu ahihmanin tua laihawm athapia ih Sanggamte khempeuh in hong eeng om in, hong lungdampih om uh-a, hong deihgawhte in E-dictioanary leipah in asimzelzel zong om takpi ta hi, kici hi. Mokok Suangkhuk lam aa omcipta, ka Sangkahpih Paletwa gam pan Laisiampa Pe Aye bang in muzenleh Zolai atheihnop pen olno tak in sinthei ta ding kacihteh bangzah tak in lungdamhuai takpi ta hiam? Ih Lungdam thei takpi mah hiam? Nute-Pate aw, Tate pilna ding in Dictionary na leinopte Zolai, Zolai-English, Zolai-Burmese, English-Zolai, … leikhat in Bu 5 bang pen Zolai E-Dictionary leisak lecin, Tan 10 nuaisiah Laisimte’ a’ding-in kicing mahmah ta hi. Lungdamhuai lua hi ven maw, …!

Willsol + www.biblephone.net hanciamna leh adangdangte hanciamna tawh Mobile Lai Siangtho neikhin hang a, mailam ah ih ZOLAI zong Mobile Handset tawh Dictionary zatnop hunhun in zattheih hun hong tun dong Siamsin Momnote mah in hong hanciam toto ding in lam en hi hang. Zolai tawh kibawl Zolai Grammar, Zolai Composition, Zolai to English, English to Zolai word balancing zong Google Translation tawh kizom in nasep hanciam zong om kawmkawm ta hi hang.

Pasian in Zomi Siamsinte pilna hong pia takpi ding a, Zolaukha paalluun sak ding hi.

Pasian in Zomi Sumbawlte Thupha hong pia takpi ding a, Zogam ki hau mahmah ta ding hi.

Pasian in Zomi Sepna bawlna lam ah siamna neite zangkik in Zogam ah Company nasep hong om ding hi.

Pasian in Zomi Speaker tampi piangsak khin a, Leitungbup in hong sapsak Speaker tampi omsak lai ding hi.

Pasian in Zomi Siate/Siamahte pen Zogam pan Kawlgam ah Leimongdong in zangh semsem ding hi.

Pasian in Zomi Siavuante beh lap ding aa, Kawlgam pan Gamdang dong ah Siavuan hong kingeen ta ding hi.

Pasian in Zomite’ khitui ciapteh sak ahihman-in Singlamteh phuukteng mah aphutding in azatkik hun om ding hi.

Pasian in Zomi Maikaite ompih ahihman-in ihmutheilo liang in angaihsut uh Zogam & Zomi Thupha pia ding hi.

Pasian in Zomi kipawlna pen Ama’ deihna tawh kituak in picingtak in ih zat ding deih in Thupha pia nuam hi.

Pasian in Zomite Pasian hi-a, Tagah Inn pan Kumpi Inn dong ah alaamtothei a nungta Pasian ahihi.

Pasian in Zomibup pen Minampite bek in aneih “Nampi Lungsim” nei ding mah in hong deihzaw gige hi.

Pasian’ khutzat J.H.Cope nuntakna & Sia-masate, tunidong Siamsinte in Zolai International puahpha den uh hi.

Pasian’ thusinna ban ah Leitung pilna sin na ding & degree piak na ding in Zolai kilimzat mahmah hun om ding hi.

Pasian in Zomi & Zolai tawh Leitung bup ah nasepna picing tak in akisepzihziahtheihhun hong tungsak takpi ding hi.

Pasian’ in Thupha apiak Zo Lai Siangtho & Zolai hoih tak in asinnuam namdangte in ZOLAI sinkikthei ta ding uh hi.

Pasian in Zomite bangzah tak in hong ITNA THU BU LAI SIANGTHO gelh na ding in ZOLAI BAWL MASA hi.

Pasian in Zomite hong it mahmah ahihman-in Zolai it mahmah a, INTERNATIONAL ah ZOLAI Thupha pia hi.

Pasian in Zolai pen English, Burmese, Chinese, Hindi, Korea, Japan, …te’ lai tawh akiletsak ziau hun hong omding hi.

Pasian in Cope tawh hong piakkhop Zolai NT pan Dr. Kam Khua Thang zanghkik in Lai Siangtho Bu hongpia hi.

Pasian in Zomite a’ding-in Zolai hong pia a, Zo Lai Siangtho Bu & Zolai tawh anungta Zomite Pilna hong pia hi.

Pasian in Cope topa tawh hong piakkhop ZOLAI & Lai Siangtho Bu zang in Leitungbup kiimveel tawntung hi.

Pasian in Zolai hong piak pen Lai tawh Pilna namcin sinna dingin phaltak in hong zangsakzihziah hi. Lungdam hang.

Khazih & Zomi sungah na sanggam uh,

Joshua Thang, Th. M

Source: Zomi Research & Media Vol. I, Issue No. 7, July-December, 2013, p.1

 


Comments




Leave a Reply