WWW.TUNGZANGNEWS.COM

 
Picture
ZOLAI KUM 100 CIN PAWI AA DING ZAKSAKNA
ZOLAI KUM 100 CIN PAWI AA DING ZAKSAKNA

Tuma lam a i kizaksak om bangin Zomite in ZOLAI i neih zawh kum 100
hong cing taktak ding hi ta hi. Pasian' tungah lungdamkohna tawh pawi
licitakin kibawlsawm ahih manin ih omna ciat panin thungetna leh
panpihna tuamtuam kisam hi, ci-in i kizasak kik nuam hi.

Oct.30-Nov.3, 2013 teng hi ding hi. Attachment ah na na en le uh teh
Hun nei dingte a kipan tomkimin geelnate om hi. Eima khang sungah Zomi
bup level tawh kum za pawi bawl ding om pha nawn lo hi leh kilawm hi.
Angtanhuai leh pibawl huai mahmah ahih manin i pan theihna tek pan
mapang khawm ni, ci-in ZCLS lunggulhna i kipulak hi.

Hih hunah Media tawh kisai panmun hong pia uh ahih manin ahun hunin i
kizasak toto ding a; ahun ciangin zong ahun lap thei pen dingin
thu-le-la a kipan a photo cih bangin kong na hanciam ding uh hi. Cidam
a vaipuak limtak a ka zawh nading zong hong phawk pih ta un.

Tutunga i pawi neih ding pen mipi tampi kisam zo lo (sum-le-pai
hamsatna tawh) hi ta leh a muibun leh a cik vilvel a bawl ding, hun
zat toh dinga kigel hi a, vai nei ding i siapite zong thangah huai
thei mahmah uh hi. Hun hong thupi mahmah ding ahih manin nitak hun
peuhmah a kihel nuam peuhpeuh kihel theih ahi hi, cih zong a kizasak
pah i hi hi.

(Sun thusinna hun pen a kisam tuam teng bek mah hi ding hi. A hang pen
sum-le-pai leh mun-le-mual te'n hong cin lo ahi hi). Tuabang kawmkal
ah Zomi Pawlpi tuamtuam panin taangmi ding Association, Section level
in sehtan guanin sam uh a, tuaban ah deihsak saptuam pawlkhat zong om
tuak lai ahih manin a huamkim mahmah ding hong suak hi.



SUM LE PAAI TAWH KISAI:-

Hih khawmpi aading sum tawh hong mapang zong hon khat mah om khin a,
tampi mah kisam lai ahih manin Pasian' i hong piak thupha sang diakte
leh a kihelnuamte in ahunlap a nong kihel na dingun zong lametna leh
lunggulhna lianpi kinei ahi hi.

Tua bangte in ZCLS zum ahi a, a lemtangna mimal muanhuai khat peuh
tungah ahizongin kizom thei hi. ZCLS Office Ph.073-22643 leh
Thuzeekpi, Revd Lian Khen Pau Ph.09-421038810 tungah thu kizasak thei
hi. Topa'n lawhcin matutna hong piaksak ta hen.

Thupuak,

Peter Khampu
Media Dept., Zolai Kum 100 cin Pawi.
Kalaymyo.

CMedia, Kalay

 


Comments




Leave a Reply