WWW.TUNGZANGNEWS.COM

 
"A ngiam mite lamsangin, a gualzo mite kipahtawi ding" ci-in, Rev. Dr. Chin Do Kham in thuhilhna ah gen zelzel hi. Pawi simna sangin Sihgalna hoihzaw a, Sihgalna sangin Natvehna hoihzaw hi. Na khitteh kiveh sangin Dam siusiau lai in iduh ideih kipia in, kipahtawi a kilungkim sak ding thupi zaw lai hi. Tua banah i nat ciangin kiveh ding hanga, isih ciangin kigal in, a dahte dahpih in, i lungdamte lungdampih theih ding kisam gige hi.




Ei Zomite' sungah pilna nei Minam nasemte' sungpa'n ong paisan khin ahi, Pu Dr. Vum Son ( Suantak ) leh Rev. Dr. Chin Do Kham ( Haat Langh ) te zahtakna kapia masa hi. Amau ong nusiatna hangin Zomi Nampi in lawhsapna lianpi amun mun, akiukiu panin iphulkha ta hi. Pu Dr. Vum Son in a dam sungin Zomi Refugee te' adingin USA Kumpi tungah nakpitak in ong phuutsak in, Chin State bup panin, Zomi tampi in suahtakna nangah uhi.



"A pil si, a pil piang" cih paunak aom mah bangin, Dr. Vum Son ong sih tak ciangin, Dr. Do Kham in Leitungbup Zomite' zingvai ong hawmpih in, Gam khempeuh ah Zomite' haksatna UN vai, Kumpi vai, Minam vai leh Biakna vaite ong van toto a, Leitungbup huam a, Minam sungah gamtang siam ahihna hangin, a sihtak ciangin Leitungbup in ki lainat pah a, ki khasiat pah hi. Hipen ama' itna tungtawn a mipite' thuhkikna Khitui ongsuak hi.



Tulaitak International Level Pilna nei Minam itte:



Hong nusia khinte:

1. Dr. Vum Son ( Suantak )
2. Rev. Dr. Chin Do Kham



Hong dampih laite:

Secular Lamah Mipilte:

Pu Chin Sian Thang, ( Zomi Party ~ Lion King )
Dr. C. Thang Za Tuan, ( Ph.D )
Dr. Hau Za Cin, ( Ph.D )
Dr. H Kham Khan Suan, Ph.D ( Politics Science )



Lamlak Aksipite:

Rev. Dr. S. Pau Khan En
Biship Felix Lian Khen Thang
Rev. Dr. Do Suan Mung
Rev. Dr. Gin Khan Khual
Rev. Dr. JM Ngul Khan Pau



Letungbup ah Kipawlna tuamtuam panin Makaite in hih atunga Mithupite vang piasiam in, khut kilen a mapankhop ding hoihtak ong geel un.

Dal Sian Hung
Zomi Foundation Home Mission
Kuala Lumpur, Malaysia.

 


Comments




Leave a Reply