WWW.TUNGZANGNEWS.COM

 

 To.
 
   
                   Topa Thupha hang in Zomi gamdang tung kitam mahmah ta aa, Mawtaw hoih nono nei in, Mangkang te nangawn a tuan zawh loh Mawtaw te zongh leizo/neizo ta  ih hih ban ah, Mang gam ah Inn hoih nono a nei zongh tampi ih om man in angtang mahmah hang. Tuni ciang hong kalsuan pih ih Biak Pasian in minthanna leh Vangliatna  tang tawntung ta hen...
 
                    Gamdang tung ZOMI teng in kha khat in 1$ bekbek tawh Zogam a it hi zen le hang mimal tulsawm nih val  bang kipha ding ahih teh . Kha khat in kawlgam sum in  tein za nih( $200'000'000/-) bang kingah ding hi aa, a manpha tampi kisem zo ding hi. . NGO a tuamtuam leh, huhna pia nuam a tuamtuam te tawh kizop beh lai le hang a ni a nai nangawn in ih Zogam khangto ding hi
 
                    Hi mah ta se leh bang ding in tuni dong Ih Zogam kilam dang sak zo nai lo ih hiam?
 
                   A beisa in Zogam ah Guah tam in Mawtaw lampi teng mencim in antang man khang in a haksat mahmah lai tak in, Nang koi ah om na hi hiam?  Mang innnuam sungah Mang an ne in,  Zu le sa tawh nuamsa lel na hi hiam?
 
                     Khat vei na shopping pai zah zongh a hilo kawlgam sum Tein2 bek tawh CNF te-in huhna khat vei  a piak bek  pen nuam tuam nasa lua mahmah uh aa, Khut dawh ngen bangin CNF te tung  a hong Tokaai pah liang zah dongin ci mawh tak aa na mipih te na om sak pen   Pasian in zongh hong awi ding a hi hiam?
 
                   Samson zongh a mipih tading in Pasian in Hatna tha pia hi ta leh a ma aituam  nopsak na lel in a hong zat teh mitaw in, haksatna,gimna a thuakna ih sim kha ngei hiam?
Samson zongh a mit a ki kheikhap khit teh Khua hong  mupan hi.  
 
                   Zo Minamni leh Khuado pawi ih bawl ciang pen ih ngeina hi in, Zomi it taktak ki ci thei nai lo hi. Zomi kipawlna khat ah makai hihna ciang pen Zomi taktak ki ci thei nai lo hi.
Ih lungtang sungah ZOMI itna leh lainatna  a dim in om aa, zangh khia nai lo hi hang.
 Ki thutuahna,kilem ih lunggulh tek hi.
 kipawl khopna leh sepkhop hanta naakpi ih kisam hi.
 
                   ZOMI te Kipum khat theih nading in TOPA ZEISU mah lian bel sak ni. Khazih sungah Zomi te ki pum khat ni. Gupna a hong pialo, Pawlpi leh kipawlna tuamtuam te, beh leh phung, Khua le tui leh Kampau peuh tawh kikhenkhen nawnlo kei ni.
 
                  Zogam in nang teekteek  hong ngak hi. Zogam leh Zomi a ding mawhpuak nang tung ah om hi. Dr Do Kham mawhpuak bek hi zenzen lo hi. A mah bang in vei in ih hih theih na mun tek pan  ih sepkhiat ding hi zaw hi. A min bek tawh a buaibuai pong hi nawn kei ni.
A sem khia sunsun te Gensiat, langpan sang in, Panpih nalam hanciam tek zaw ni.
 
 
 
Gen khialh gelh khial a om leh hong mai sak un.
Lungdam
 
muhna keu khat pan
 
Paupu



__._,_.___
 


Comments




Leave a Reply