WWW.TUNGZANGNEWS.COM

 
Picture
Ciltang nih te bangtek ni
Mihing te pen ka ngaih sun zel a kei leh kei zong ka ki en kik zel ciang in bangbang hi ta leh ei leh ei mah mi ki sa dik a ki sa pha diak te hi hang cih pen mi hing lung sim khat a hih lam kei ma lung sim sung pan ka theithei hi.tua khit ciang in phat na leh pah tawi ding zong mi hing lung sim pan in a ki za nuam mahmah khat leh a ki lung gulh veve khat a hih lam zong ki tel semsem hi. a hi zong in nang ma gam tak khelhna leh nang lung sim tawh a ki tuak lo khat hong ki ci kha leh na om munpan in mit gau sa leh hagawi sa in om tek ding cih pen kei muh na hi.


ni khat ka sang kah lai in ah ka manglai sia pan inn lai bawlding ko classroom teng hong pia a ko zong a bawl tawh a bawl lo tawh ka om vua a zing ciang sia pa hun hong cinciang in ka sia pa uh hong lut a khat khit khat in a gual ma sa pen te pan in sam khia in a mai ah hong sim sak aa lawmte zong a bawl tawh abawl lo tawh hi mawk ai ciang a laibu pi mah tawh a sim leh a ma bawl na a sim zong om in tua dan teng tawh kei hun hong cin ciang in kei zong a mai ah pai in ka sim a ka sang sia pa uh hong heh mawk in ah na bawl na e ci in hong dot ciang in ken bawl man lo sia ka cih leh ciah in hong cipah hi. sia pan hong muh na pan leh kei ma thu manlowh man mah zong hi veve hi. na khat hong pian ding ciang in sangnau pangte thu manlowh gitnak lowh na zong om lua baan leh sia te hong hilh ding te mahmah zong mi hing mah a hih uh ciang in khalthei uh hi . tua ciang in ka ciah ciang in sia pan zong midang te lah a mah bang a ci sam lo in aa bang ci dan a lee ci in a ki ngaih sut kik ciang khalki sa mahmah veve ai ciang in tua sun ma hun sung teng ka lawm te lah helhbeh tuan lo ka lawmteng lah a pau om nawn lo a hang lung sim tomngaih sut luat man leh a pai sa hun leh hong tung ding hun et kak siam lowh man hi aa,sia pa sang naupang teng in sup lawh mahmah ni khat a hun uh sup lawh hi. miman ma kai bang hi kha leh minam bup a sup lawh ding cih ka ngaih sut ciang a na mahmah thu na hi mawk hi.

tua bang teng khit ciang in ka sia khat leuleu pa un lai ngah ding hong pia ngah hun tawh ngah lowh hun tawh om zel a ka ngah lowh uh ciang in nak pipi in hong sat giapgiap mawk aa lai ka hahkat nop na sang un sia pa lau a ka sang tai sim nop na uh hong khang mahmah aa sang tai sim zel in lai zo lo tektek in kum 2,3,bang sang sia pa sep sung teng ka tawp uh aa ka lem lawh uh in bang hiam hai na leh mi batzawh lowh na hi mawk hi. tua mah bang ham sat na na thuah leh zong lungkia lo tak in thuak in tua hi leh nang na ma vang ding a na sia pan min ngah ding hi. tua lai a ka sia pa un zong bang lem lawh hiam cih leh a mah zong tua dan a vei tam ciang in tung siah pan in lei tang mah ki zepnakik aa ka ngah uh a ki bang hi lel hi.

a zing kik ciang in ken zong bang leh bang leh sang kah kik veve ding sia pan bang hong cilai tam maw ci in sang ka kuan a sia pa hong lut ding bang ka lau pian leh sia pa hong lut taktak ciang in kei lau na sang hong nuam zaw pek hi ei mi hing te pen dik i ki sak mahmah uh hang in a gen banglo khat bek om lo cih pen mipil te muh na pan bang en kik leng pasal te bang zummawh thu gen ciltang nih hi na pin a ziat lam leh vei lam ki kim lo ci lai uh hi tua a hih ciang in bangbang hi leh pen makai ding in na ki thawi leh a dik a gam ta hong om mah bang in a sia a gam ta zong hong om ding a tua bang teng in zong nang hong pil sak tuam mahmah ding hi cih kei muh na hi.

tua mahbang in gam leh min man mai kai khat peuh gilo sa leh khawmthawh na tawhna tawp san aa na lam pial san leh nang mahmah zong a lam pial a lam bing na hi ding a na lemlawh uh a ki bang hong hi mawk lel ding a tua bek a hi lo na minam buppi in leitang ki zep na ding hi hang mihing te pen ki kim linlian cih pen om thei ngei lo ding a hih nam in ciltang nih mah bang in ki kim ta kei leng ki tawng tawng ki ngial ngial lo in kai kawm tonkawm in ma pang kawm leng a kung  hong lian in a teh hong pah in a tui in hong han suah ding aa hamphawt na ih ngah pan ding uh aa tua khit ciang in zomi te ci in minam lian in ih ding zoding uh hi.

laimal aizong a thu a zong a dik lo leh lungsim tawh ki tuak lo a om leh

ngaihdam bawng ah maw guai .....

DK Khai


 


Comments




Leave a Reply