WWW.TUNGZANGNEWS.COM

 
Dahpihna, Pi Cing Ngaih Ciang (Kum 91)

Laaitui khua pan sumbawl minthang masa Pau Suan, Yangon Gualnam beh kipawlna a lai-atpi Pa Kham Suan Mung(Khamleng, Khamno), Sumbawl minthang leh Laaitui Emmanuel Pawlpi Founder and Pastor, Rev En Khup, leh Yangon a Pasian nasem Sya En Go, Kawlpi Sekkantha veng a thunget hat mahmah a hi Rev. Zam Ciin, Yangon a Conference lian pipi a bawl thei Rev. Kampi te’ pianna nu ahi Pi Cing Ngaih Ciang in 5/11/2013( 1:30PM) pawlin a it a tu a tate leh khuapih tuipih te nusia in vangam hong zuat san ta hi.

A luanghawm tawh a tawpna hun bawlna leh suhvuina pen 8.11.2013(Friday) ni in Laaitui Khua ah ki zang ding a, Pa Pau Suan in anu luang puakna ding ngiat in a leithak 4_4 Surf Pajero tawh han mual zaun ding cih thu kiza hi.

(Pu Ngul Khaw Thang(Gualnam) leh Pi Cing Ngaih Ciang) te sungpan a piang tate:

1. Pa,Thang Khua Khai (Hong nusia khin)
2. Rev. En Go Chin ( Laaitui Emanuel pastor)
3. Pa Pau Za Suan (Yangon ah om laitak a, Laaitui khua EBC & FEA
founder in ki hel hi)
4. Nu Cing Lam Kim ( Laaitui)
5. Pa Dal Pau (Kawlpi ah tengin hong nusia khin)
6. Rev. En Za Khup (Laaitui Emanuel pawlpi makaipi)
7. Rev. Zam Ciin (Kawlpi Emanuel pastor)
8. Pa Kham Suan Mung (Yangopn Gualnam Beh kipawlna makai leh Word of
Faith Church ah assistant pastor )
9. Nu. Don Saan Cing + Rev Cin Khen Mang (Ni dang Lawibual lamka ah
store sai neite hi in tu laitak Malaysia ah om)
10. Rev.Cing Za Kam (Yangon).

Pi Ciangin leitung ah a khan sungin tanu hoih tapa pha tampi tawi bek thamlo in na pan tah siam mahmah ahih manin ko Laaitui Khua a dingin ka suan ka muan vive uh a hih manin dahpihna kong phulaak uh hi.

I biak Topa Pasian in a dah, a kap te khempeuh tungah hehnepna hong tungsak ta hen!!!!

Suumpi
Laaitui Thupuak Taangin

Ref: Tungpi(Malaysia)

 


Comments




Leave a Reply