WWW.TUNGZANGNEWS.COM

 
Lung kiat theihna ding leh thanem theihna dingin hong langpan ding mi pawl khat omden hi cih ih phawk ding kisam hi. Ei maan kisa mahmah dingin hidan in hih leng hoih ding hi ci'n gengen in ih om phial zongin hong nuam pih khawllo hong panpih khawllo, tha hongpia khawllo mi na om sese hi.

Ih sep ih bawlna khempeuh ah ih lungkiat theihna ding hong om nuam mahmah se hi. Sangkah bang ih hih leh sang ih zawh lohna ding hong lungkia sak ding om sese hi. Ih ngaih sut dingin ei gualzawhna ding mi thapiak khawng ih lunggulh leh gualzo ngeilo ding hihang. A gualzote' nuntakna ih et ciangin baihsa deklo uh hi. Ph.D ngah/zo khatin asang kahna thu honggen leh baihsa vetlo uh hi. Lungkiat theihna ding, thanem theihna ding tampi om mah leh  thuakteitei, kah tantan, sim tantan, sin tantan in a om uh ciang gualzawhna lunkhu asang/angah thei pan ahi uhi. Zomite zong kipum khat theihna dingin ih lungkiat hetloh ding thupi mahmah hi. Hong kipum khat sak theilo ding, hong nawngkai sak ding, hong kikhensak ding cih bangin mipawl khat hong om ding hi. Zomi hong cih pih nuamlo, Zomi ih hihna tha piak dingsang Chinmin hihna ding thapia nuamzaw in ih lang pangpang ding honkhat hong om limlim ding hi. Tuate hangin lungkia, thanem in  ih om leh gual zawhna ih mungei kei ding hi.

Minam vai, ih sepna ih bawlna khempeuh ah mite' thapiak lohna maimai tawh lungkiat ding khawng ih ngaihsut khak hetloh ding thupi hi. Hih bang a minam ading lai ih gelhna bek nangawn zong tha hongpia a omtei hang ih mawhna ih khialhna ding a zongzong a hong gensia, hong langpan den hon khat om den hi. Tuate hangin thanem, lungkia a ih om leh ih lungtup mual ih tungzo ngei kei ding hi. Gen siatna, elna, kona, tha piak lohnate pan lungkia lo in "mainawt teitei" a ih om leh ih lunggulhna, ih lungdeihna, ih lung tupna ih muzo/tungzo pan ding hi.

Zomi ka hi hi.
Suanno
Malaysia
HP:017-6402338
http://semkhawm.blogspot.com/
    
         Nothing is impossible

 


Comments




Leave a Reply