WWW.TUNGZANGNEWS.COM

 
Meitei  Gun

Meitei gun pen Talui khuataw Ukhrul  District Manipur State,  North East India panin hong kipan khia hi. 620 Km bang hong luan khiat ciangin Sihaung Ashe leh Yangyi Aung khua kikal ah hong luangsuk in Myittha gunpi tawh Kalemyonee Sagiang Division, Myanmar ah kigawm uh hi. Meitei gun pen Meitei gam pan hong kipan ahih manin Meitei gun ki ci hi.

Meitei gunin Manipur State Khuapi Imphal khua nisuah nalam-ah Luinei khat bang lel in luang hi. Anak pan in Imphal khuapi ciang 103 Km ciang pha a, 7 Km bang pen Imphal khuapi in huam kha hi. Anak pan in India-Myanmar gamgi ciang pen 290 Km bang gamla hi. India-Myanmar  gamgi pan Zogam sung hong nawk sukin Tonzang-Tedim gamgi ciang 115 Km luangin Tedim gam sung tengah 65 Km  bang asau hi. Tedim-Falam gamgi panin Falam gam sung tengah 104 Km bang mah luangin Falam-Khalkha gamgi dung panin 20 Km ah Kalemyonee Sagaing Division sungah lutin Chin State leh Sagiang Division gamgi panin  26 Km  luang sukin Myittha gunpi tawh hong kigawm hi.

Meitei Gun Tawh Akigawm Luipite

A.  India gam sung pan

India- Myanmar gamgi kiang Lamka District Lentang  mualnuai pan hong luangkhia Tuitha luipi pen Lamka khuanawl ah luangin Bishnupur District sung tawnin Kumbi  khuataw ah 128 Km bang a sau khit ciangin Meitei gun tawh ki gawm hi.

Tengnoupal khua taw pan hong luang Chakpi lui, Khangbarol  khua kiang pan hong kipa  Tuirim leh Hengsi khua nuai pan hong phul khia Tuizangte Chakpi Karong khua ah kigawmin luang sukin Serou khua kiangah 53 Km  bang sauin Meitei gunah kigawm hi.

Chandel District sung panin Aisi khua nawlah Kana Luipi 30 Km  sau khat zong Metei gun tawh kangbung khuataw ah ki gawm hi.

B. Kawlgam sung pan

India-Myanmar gamgi ah Zangdung luipi 15 Km asau khat gamgi dung zui a,luang sukin Meitei gun tawh ki zom hi.

Suanghoih  gam panin Kali lui leh Sialmei khuataw panin Sialsi lui 20 Km bang lung sukin Meitei gunah ki gawm uh hi.

Annlun gam panin Simhawl luipi luang sukin 12 Km pawlah Meitei gun tawh kigawm hi.

Gelmual gam leh Khuamun gam pan Tuizual, Phaitu gam leh Khamzang gam pan Tuisawm luite hong luangin Nakzang khuanawl tuakah 12 Km  tuak tawh Meitei gun ah ki gawm uh hi.

Seitual gam panin Kaphi lui ki pan a, 18 Km  bang aluan khit ciangin Meitei  gun taw ki gawm hi.

Sezang leh Valvum khuataw pan hong luang Zalui pen Ngennung khua taw panin Haicin lui leh Bumzang gam pan Beltang luite Lailui khua taw ah  Zalui in hong luangsuk a, Khuadai  gam leh Tualzang gamgi dung tawnin Leezang  Leisak  lianah 13 Km suain Meitei gun tawh kigawm hi.

Lalta gam pan hong luangsuk Phil leh Suangsang  gam pan Citui lui pen Tuithang khuataw ah kigawmin Muallum gam pan hong kiluang Tuimi tawh ki gawmin Phil in hong luangsuk a, 20 Km pawl ciangin Tuithang lei khangah Meitei gun tawh ki gawm hi.

Thumvum pan hong kipan khia Sialtang pen Limkhai gam pan hong luang Luipi leh Zung gam pan hong ki pan Tuan Lui tawh Sialtang lui-ah kigawmin Meitei gun hong tun suk ciangin 18 Km pha hi.

Falam leh Khalkha gamgi lui pen Falam gam Thlanrawn khua Vei leh Tak panin hong kipan khia in 50 Km bang hong luan khiat ciangin Meitei gun tawh ki gawm hi.

Kimniang Khua nitum na lamah Samnim lui pen Meitei gun tawh aki mat ciangin 35 Km pha hi.

Meitei gun pen lui tampi tawh aki gawm hangin tua a hong ki suaksak luite pen 10 Km sang  asauzawte bek ahi hi. Meitei gun pen gun dang tawh ki bat lotna pen adangte sangin Taang zaw hi.

Meitei Gunah Sik Leite

Kalemyo pan Gangaw Meileng lam om in, Setaw khuataw Chin State gamgi leh Sagiang Division ah Meileng lampi in Meitei gun tung tawn hi. Hi meileng lampi pen 1993-1995 sungin aki bawl hi.

Kalemyo pan leh Tedim Zogam pan Falam zuat na ah Var Khua panin Nainganyi hun lain Kawl kumpi bawl sak Falam ( Var) Lei in Meitei gun tungah ki dawh hi.

Tedim pan Laitui leh Mizogam zuat na Lamzang khuataw ah Mansuang Lei sik lei khat 2000-2002 kum sungin General Khyan Nuan in bwl sak hi.

Tedim Road pen Kawlpi pan hong kipan a, Imphal khuapi Manipur State, India dong ki zop na lampi in Tonzang gam Nakzang ah Nakzang lei Sikleipi Meitei gun tungah kidawh hi. Hi lei pen 1975-1978 sung akibawl ahi hi.

Manipur State sungah Meitei gun lian lua nailo ahih manin Leilian pipi kibawl lo-in Imphal khuapi sungah mun Li bang motor in atot theih nading Bellatmy leh Sik lei ki bawl hi.

Tuilii tawh kisai tamlua in lawki lai, Aki bia tuilii pawl khat zong omin alipkhap huai tuilii kivei zong pawl khat mah om hi. Meitei gun pen Zomiten tuni ciang dong bang mah in kizang thei lo a, Zogam hong khantot  theih nadingin Zomiten Zat sawm Ni………………………………

Tangthu kan. Suanpu ( Sunmangpu)

 


Comments

09/15/2015 02:00

just read the post and impressed by the thought of the writer. We just need to keep these things in our mind while using guns.

Reply
09/03/2016 05:05

I seen many pages for collecting the best knowledge and information so for this purpose i visit this page and collect the many precious points and also a good quality of this page is that the posts is very easy which is easily understand.

Reply
12/30/2016 06:30

Gun law are going to be strict again and again due to violation of rules in different country. These rules must be implemented to avoid further violation and control hunting season.

Reply



Leave a Reply