WWW.TUNGZANGNEWS.COM

 
Zogam leh Zomi adingin ih sepsa zong tampi om naven ih sep laiding tam mahmah hi. Ih Zogam ah Zomiten thu ih neih zawhna ding pen a kilunggulh tek ahi hi. Galkap leh palikte simmawhnate pan suah takna ding cihte a kipan ih lunggulh thu tampi takte a tangtunna dingin ih pankhawp a kul ahihi. CNF/CNA te tawh pan khawp ding Zomite a lunggulh tampi tak ih omlam ih muh ciangin ka khasiat bang suak ngaungau hi. Minam vai gennai kei o, biakna vai mahmah ah zong amau deihna bek mah thupisa uh hi.


Zomi pawlkhat leuleu in kipum khatna ding ahih nak leh Chin ih ci zong phamawh kasa kei hi khawng cilailai Jesu a lehhek pa tawh na kibat lam na phawk bek hiam o ci-ing. Zomi hi gige sumlepaai deih luatman khawng,za leh min deihluat man khawng a Chin ih kici zong phamawh kei acici lai Zomi ih om leh tumahmahin na lungsim na khel ta peuhin,na mai zumin na ki guiawk ding lau huai kasa hi. Nang bek hilo in nasuan leh khakte dongin maizumna thuak ding uh hi. A sawtlo in Zogam hong paallun ding a min leh za,sumlepaai deih mana Zomi a utlote na ngawn hong thuum hun uh hongtung dingin ka lamen hi. A kuama tekin thuumlo taulo takin ngak ngiungeu ni ih Zogam pallun hunding hong sawt nawnlo ding hi.

Ih lunggulhnate a tangtun dingkal haibang a ki ngak ngiungeu ahi hi. Makaite hong kihawm thoh cih hilo zaw in nong vai hawm mengmeng dinguh lunggulh man hizaw hi cih hong phawk sak ta un. Sepkhawp theih pankhawp theih lam ahih nak leh kozong ka hih zawhzahzah un pangkhawm nuam hi ung. Ih pau ih hamte,ihawsuah dante kilam dang mah leh tuate tawh buailoh ding a thupi mahmah hi. Ih kitel theihna dingin hanciam ding hanga ih kitel theihna pau tawh dam takin thugen/kiho ding hihang. Puakkhawp~zang, Nekkhawp~lim, Sepkhawp~liau a cih mah bangin ih sep ih bawlna khempeuh ah puakhawm,semkhawm diamdiam in hileng ih lungtup mual ih suah taktak ding hi. Deih sak luat mana gelh khialh at khialh a om leh kithei siamtek ni maw.

Zomi ka hi hi.
Suanno
Malay
HP:017-6402338
http://semkhawm.blogspot.com/

Nothing is impossible

 


Comments




Leave a Reply