WWW.TUNGZANGNEWS.COM

 
Dear

Netters

Bia Suan Muang leh Khan Sian Mung vai tawh kisai ngaihsut huai.

Hihte thu tawh kisai-in, Khalkha u liante kiangah laipi ding leh
lungphona a nei ding ahi zongin Naypyi ah lai puak ding ahi zongin
Topa in hong kipsak in hong tangun sakna dingin thu a kigen hi ta hi.
A kuama ciat thungetna pang ni.

Zomite in phawk ka sak thu ah: Pasian in minam pen thupi sim in, tua
bang dingin zong hong pan khia hi. A mipite sungah a hunhunin makai
ding pia hi. Biakna lamah Levi mite seh a, mipi makai dingin kumpi pia
hi.

Tu hun ciangin pawl khat politics pen ultul liang in gen uh a, tua
sungah leitung mihing te vai khempeuh kitun hi ci-in ngaihsutna a nei
ki-om hi. Hih ngaihsutna pen a man het lo Pasian geelna tawh a kituak
lo ahih lam Khristian kehmpeuh in theih huai hi.

Tu hun ciangin politics i cih pen Pasian in seh maw seh lo cih hi loin
party in kiding neingai a, tua pen ankuang zonna hi lel hi. Tua bang a
sepna a nei in galkapte aana pian mah zang den lai uh a, mipi haksatna
pen ngaihsutin nei lo uh hi.

Tua ahih manin ei Zomite Khristian i hihna tawh kituakin a khatna ah
Pasian koih ding hi a, a nihna ah minam hi ding a, a thumna ah makai
nuamte in party phuan a sep ding cih pen kalsuan zia ding lam man ahi
hi.

Minam thusim lopi-in makai mipite kimakai theilo ding a, mipite tungah
haksatna a tun i suak kha thei ding hi.

Tua ahih manin Jesu in makai suak nuamte in sila suak masa hen a cih
bang mahin kuamah deidan loin i mipi i sa pih ahih nak pen bang ngah
ding cih sangin ka si le sa hi ci-in haksatna a tuak kaht peuh huhna
in Khristian mantakte sep dingin a kilawm thu ahi hi.

Ei tawh bang kisai dia? A khuapih tui pih om hi lo maw? cih kammalte i
zat lai siah minam a thupitna akitel nai lo ahi hi. I mipihte
haksatna don lo pi-in nainganzi ka sem hi cih pen an kam khat lametna
tawh kibang lel hi.

Tua ahih manin i mi le sa ahi hih khangote geel U Hong Ngai leh U
Myint Aungte in tawpsak vat a, a mau tangin khalkhal nungak no nih a
guan uh pen a that suak hi ci-in kiciamteh thei hi.

Tua banah a mi olopi-in a kisit ciangin zu dawn uh hi cih zong mi
imlop[i a, zu dawn hi cih a sit tel thei a nei pen leitung bup ah Hong
Ngai leh Myint Aung bek om hi.

Bangbang ahi zongin hi mi nihte vai pen amau bel zaneu lel uh hi. a
kiat uh hangin a nuai tung suk pah ding uh hi. A hih hangin Hong Ngai
leh Myint Aung pen za kia le uh a kiatuh sang mahmah ding ahih manin a
taw uh tatcip suak thei ding hi.

Tak Kheh!

Minam ading

Sia Khen



__._,_.___
 


Comments




Leave a Reply