WWW.TUNGZANGNEWS.COM

 
Mite'n hong bangci muh cih sangin,Pasian in,hong bangci muh,cih thupi zaw!

Ken,mi bangci muh cih sangin,mite'n kei, hong bangci muh,cih thupi zaw!

Bang zah nei cih sangin,bangzah pia khia cih thupi zaw!

Kua tengin hong huh,hong panpih cih sangin,ken kua teng huh in,panpih cih thupi zaw!

Jesu Khris,i theih ding sangin,Jesu Khris i neih ding thupi zaw!

Ka kaamphat man hi,ka pil,ka siam man hi,cih sangin,Topa' hoihna hi,Topa' hong kepna hang bek hi,cih thupi zaw!

Sum leh paai a ut bang bangin,zangh in,a duhduh ne-in,dawn ahih manin,hampha mahmah hi hong kicih ding sangin,Pasian zahtak in,Pasian' ompihna ngah ahih manin,mi hampha pa/nu hi,hong kicih ding thupi zaw!

Bang zah gen khia-in,bang zah gelh khia, cih sangin,bang zah nuntakpih cih thupi zaw!

Zogam leh Zomite thu a gengen,a gelhgelhte thupi sam na ve'n,ahi zongin tuate sangin, Zogam leh Zomi adingin tha leh ngal leh neihsa lamhsa tawh a sem khiate thupi zaw!

A nuai-ah va tusuk in,hong kicih ding sangin,a tungah hong tu to in,hong kicih ding thupi zaw!

Pasian' thu lah lawp mahmah lo,a ut bangbangin om in,a ut bang bangin,gamta napi'n lawhcing,daupai-in,nuamsa veve,hong kicih sangin,Pasian zahtakin,Pasian' mai zongzong napi'n lawhcing/daupai thei kei hong kicih ding thupi zaw!

Tam vei khial lua hong kicih cih leh phamawh kei,tam veipi a khialh hangin lungkia tuan kei hong kicih ding thupi zaw!

Thu-um mite adingin,lem in cia,cih sangin,Topa hoih hi,cih thupi zaw!

Thuman lo tawh olno tak a,hauh pakna sangin,thuman,kuhkal takin dam takin,mainawt hiathiatna thupi zaw!

Leitung thu leh late sangin,Pasian' thu leh late mah thupi zaw!

Khan khat nuntak nading sangin,khangtawn nuntak nading thupi zaw!

……………………David Tuang……………………

 


Comments




Leave a Reply