WWW.TUNGZANGNEWS.COM

 
(30/11/2013) Tuni zingsang nai 10 hunin St. Joseph Biakinnpi, sentul vengah ZEC sya teng leh sangnaupang khempeuh in Graduation day bawl ding uh hi. Hih hun sungah sangnaupang laisiam tengin letsong ngah ding uh a, gamtat hoihpen aa kitel numei pasalte'n zong a limci mahmah letsong sang ding uh hi.


Sya teng khempeuh tungah zong lungdamna leh pahtawina laipi kipia ding hi. Hih hun thupi sungah sang naupang teng in a nulepa apai thei teng hong tonpih ding uh ahihman in mipi 700 pan 800 kikaal khawng ki lamen hi. Sun-an pen John Cin in hong vaak ding hi. malaysia gam sunga Zomi Sangnaupang khempeuh hibanga a kikaihkhop uh a khatveina hi a, nasia takin kibawl ding hi.

ZEC pen Zomi Education Centre cihna hi a, ZEC nuaiah sang 10 vaal om in, Malaysia gambup ah kithehthaang hi. Hih Zomi saangte ah Itna tawh lai hong hilhsak sangsia te lakah ei Zomi tampen uh a, laihilh syate lakah 5/10 pen mangkangte, sente, Malay te leh Kala kigawm khawm ahi uh hi. deihsakna leh Itna tawh ih Zomi naupangte lai hong hilhsak mi namdang te tungah Zomibup ki lungdam pha mahmah hi.



affiliate_link
 


Comments




Leave a Reply