WWW.TUNGZANGNEWS.COM

 
Zomi sung ah Mi lamdang mahmah Khat

 

Na ngaih sun kha ngei hiam  ? Mang in naman kha ngei hiam ? Bang thu hiding in na lam en hiam? Mi namdang te adiak in sanggam khalkha, leh adang minam tuamtuam te in aneih ngei naailoh uhleh tuzawh kum 100 ciang nangawn ah aneihpaklohding uh, Mipil misiam milamdang mahmah khat Zomi te in ineihkhaak man in I angtang mahmah a, Pasian min phatkawm sa in Hih bang mipil milamdang ahi Dr Hau Za Cin Suante pahtawi na ipia hi.

Dr Hau Za CIn @Dr Cinpu peen Doctor ngahna peen lamkiang a kizuakte pawl maimai hilo in minam kim in akinei pakpak theilo Scientist Doctor hi a Zopau in Van nuai na kheempeuh suulkan zopa cihna ahihi. Lam khat pan genkik hile hang ineu laai a isangsia ten Leitung mipilte acihcih te uh ahihi.  Tuabek thamlo in Tukum 2013 sung mah in Social work tawh Master Lukhu neelkaai  Singapore pan ongngah leuleu hi. Leitung piancil pan kipan Zomi sung ah anam kibanglo a Degree athuap masa peen hiding in kalam en hi.  Asawtlo in Social work tawh zong PhD ongngah laai ding  in ilam en hi.

Dr Cinpu pianzai tawmkhat enleeng, Mipil mahmah khat hinapi kiniam khiat mahmah in kathei ci masa ngeiselo hi. U Lian , Nau pang aneu alian tawh kikhawlsiam in ciannui thei hi. Akam pau cing lei a kiading te Paulo zaw in mite nuntaaktheih pihding tengbek paukhia sese hi.

Tuaban ah athupi peenpeen ah Mi Scientist atamzaw te in pillua uh ahihman in Pasian nangawn omkei ci in MIhing bang zawng pan  ongpiang cih zahdong in Pasian khasia sak himah  leh Dr Cinpu in  abawlpa Pasian um mahmah in lungkimsak hi. Tuabek hilo keitawh kituak omkei ee cise lo  Minam a it man Zomi sung ah tual ongniamsuk in Zozi mah neingiat hi.

Athupi zawlaai ah Dr Cinpu in thu naak  muh mahmah ahihman In Asia laaizang, Mihau gam, akhangto gam ahi Singapore teen  nading  in natumpah in nateengpah hi. Akoikoipan khualzinte ading in laaizang mahmah leh lemtaang a, Malaysia a om Zomi 20,000 gaaltaai tengzong vaanthei ding cihkhawng geelna tampi tak nei hi.

Topan Dr CInpu khansauna cidamna ongpiaksak henla, Vondeih zatam tawiding Sian in ongsiam sak ta hen.



-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)

 


Comments




Leave a Reply