WWW.TUNGZANGNEWS.COM

 

Sawmtawng,

Pu Lengtong Kam Khen tawh mann na kilakte uh nong khahkhiat lungdam.
Amah ka hopihnop sawt, ka kanzia ding thei lo-a a hici om hi'ng. Tu'n ka gennop, nang'n nong gensak thei tam. Tedim/Yangon pan Sia Mangno na ci lecin sangkhial kei lel inteh.

US hong zin khit a thugenna tuamtuamte Youtube ah vekpi ahikei zongin tam simsim
na en/ngai ing. Thulela lampan ka genbeh ding om kei. A vekin hoihsa ing. Zong ka lungdam. 

Kampau (language) vai khat lian bek a gen nuam hi'ng. Amah Zopau Zolai a siam penpen khat kimlai a thugenna ah Kawlpau (Kawlpau cih sangin Kawlpau kammal cizaw ni in, tua) tam hong hel lua kha sese hi. A thugen (a gennop thu) tawh kizui-a Kawl la a sak hun, Kawl paunak, Kawl thuciin, Kawl kammal a zat hun, ahihkeileh zong a kitelzawk nadinga Kawlpau tawh a genbeh hun cihte thukhat (tuate ahiding mah hi, tua lo), a dangte ei' pau ciik sinsen (eimi Kawlpau zongsang te'n "sit" a cih pen uh) tawh kigen thei lua ahih manin na gensawn dih in. 

Mipi mai ah thugen hun a  ngah munzaw deuh Pasian' thugente leh Pu Lengtong Kam Khen dan-a eimi bup ii theih mi minthangte in ei' pau tawh thu a gen ciangun ei' pau mah hong ciiksak (=sitsak) tangtang le-uh tua pen i pau i lai kepcingna leh khansakna lianpi khat hi pah ci-in pom ka hih man-a hong gen hi'ng. Tua i cih ciangin namdang pau (minam tuamtuamte' pau) langpanna hilo hi. Ei' pau tawh kigen thei thute ei' pau ciik tak (citak=sit) mah tawh gen ding, namdang pau a kisapna mun ah namdang pau a tuamtuam tawh genbeh ding cihlam kalsuan lehang cih a kihanthawn nuam hizaw hang.

(Tua ahihleh Kawlpau ah-nar, a-sin-pye, khan-sar, par-win, cihte pawl ei' pau ah bang hiding cih khawng a lunglut i om mawkmawk leh kithuzaza lai ding hihang).

Vekpi tungah Topa' thupha!
PLMangno
 


Comments




Leave a Reply