WWW.TUNGZANGNEWS.COM

 
Zomi sungah Laigelhsiam le Laibu hoih tuamtuam tampi abawl khiazo, Pasian' sathaunilh Rev. Nang Khaw Thawng (Sia Job Thawngno) pen nungdeuh in pumpi damlohna (Akal ah Suang om) tawh Yangon Khuapi ah Zato lumin vatungsuk hi.


Zomibup in kilung hihmawh pihin kipatau mahmah hi.

Pasian' mizat khat ahihna le minam it mahmah khat ahihna tawh Zogam Tulpi khat ahi, Pu Dr. C. Thang Za Tuan in ama' inn-ah kingasak in vai kisambang hawmpih, gelpih cih zong Sia Peter Khampu (Christian Media, Kalaymyo) in hong tangko khia a, tu-in Zato pa'n cidam takin hongtuak khiata ahih manin, Zomite' mapankhopzia, Sia Thawngno & 2013 Christmas etlawm in ngaihbang kasa hi.

Siapa tawh kisai amaban omlai khempeuh ah Pasian' hoihna le Zomite' kipumkhatzia tel semsem bek hilo in, Laibu hoih tuamtuam hongbawl khiat tohtoh laiding inzong ka ngetbeh nuam hi. Ama' hih zawh tantan in thasial hetlo a Minam sungah agamtang Rev. Job Thawngno cidam tak-a Zato pa'n hongtuak khia ahih manin, Lungdam pihna thu kahong tangko khia hi.

Dal Sian Hung
Kuala Lumpur, Malaysia.

 


Comments




Leave a Reply