WWW.TUNGZANGNEWS.COM

 
Zomi te  ih om om na ah tawmlua hang, tha hat kei hang ci in mawk om leng bangmah ki sem zo lo ding hi. Tua a hih manin dinkip ding leh ki pawl khop ding thu pi hi. Nidang in ZNC hun lai pek pan in tu a ZCD dong hong om pih ih biak Pasian tung leh makai tetung ah ih lung dam hi. Zomi te in ZCD in meekuang a lui thei ding a  hih nak leh ZCD vote  piak hamtang pel mawh ding a hihi. ZCD (Zomi) pen ih sihpih ngam kul a, ih nuntak pih ngam kul hi. Nau pang hang cih na om lo a, Zomi ih hih nak leh ki pawl khop theih ding, Zomi a din pih ih hih na angtang huai hi. ZCD pen pawlcing ding in ih thahat ding ka deih hi. Gamdang tungsa Zomi te in sum bek ci lo a ih gam a ding cih ngim na ih neih kholh kul hi. Kawlgam a om Zomi te in nuntak khuasak haksa lua in  Politics lam pen kua mah in ki thei lo in ki sem zo lo hi. Tu in tawmtawm bek ki theikiau kiau kha pan hi.
Bangbang  ahi zong in Kawlgam ah ZCD in kiteel na lutthei ding a hih nungsang, Zomi te in panpih kei mawk leng  Zomi ih hih na bang hi mawk dinghiam?Kawlgam ah Zomi ki pawl na   min tawh kiteel na alut  thei kua om hiam? Ki pawl tuam tuam tam pitak te in  bang mah sem zo lo uh hi. Tu lai tak a ZCD  pen Kawlkumpi in meekuang luikhuan hong piak nungsang tu a hunhoih pen khahsuah loh ding thu pi hi. Mailam hun ah zong ZCD hong om den ding maw ki thei lo hi. Gamdang a om Zomi tampi tak te in vote pia thei lo hi, a hi zong in ih gam a om khat in vote a piak theih na ding in midang te ih tawsawn thei lua hi. Vote tangkhat ih cih pen man pha hi. Vote tangkhat hang in gamkhat kilam dang zo hi. Zomi ih veina, gamleh minam ih it taktak na tawh nasep ding kisam hi. Zomi a ding in  mai zum lo ding  hi hang. ZCD pen pan pih taak hi.Sumtawh ih huh zawh keiphial leh zong  vote tangkhat ih pia thei hi. Ei tektek in vote Ih piak theih kei leh zong midang te ih hanthawn sawn thei hi. A zenzen in bangmah lah huh nuam lo in na om leh gensia kei beek in.Ki pawl khop ding leh ki thanem sak lohding thu pi hi. 
Zomi khem peuh in ZCD vote ih piak theih na dingin han ciam ni. Vote ih piak hang in ih sup na om lo hi. Bangmah sup na om kil kel lo pen banghang in pia lo ding ih hi hiam? 2015 kum ki teelpi  na ah ZCD in a ngah na ding in Zomi khem peuh in ZCD vote pia a, ih pan pih ding thu pi hi. Tu tung a vote tangkhat na piak hang in ih Zogam suakta zo ding a,  ih supsa gam leh mun, sup na tuam tuam te ki ngah kik zo ding a,khangto in khangki lamdang zo ding hi cih phawk in. 




Lunggulhna, tupna kician nei a, a hanciam mi ading in hih leitungah a piang zolo  ding  a om kei hi.



.....Deih Tung.....

http://vunghdeihtung.blogspot.com/

 


Comments




Leave a Reply