WWW.TUNGZANGNEWS.COM

 
GZA makaihna tawh Kalaymyo sunga om pawlpi 84 teng huam in Zomi
khempeuh in Topa tungah Lungdamkohna leh Lunggulhkohna pawipi Dec 30
nitak 6:00PM panin kibawl in nuamtakin kizo thei hi. Innteek St. Mary
RC pawlpi in apaikhempeuh niangtui leh moh limmahmah tawh hong vaak
uh a kinuam mahmah hi.

Hungeelna te akicing deuh in anuai abang ahihh.

1. Chairperson - Dr. Man Hau Cing
2.Kipatna la - Pasian aminthang hen .
3. Hun ap thungen- Rev. Go Cin Laang
4. Vaimuakna leh Dr. Do Kham zahtakpiakna- Rev.Pau Khan Khai
5.Lasakna - VC Mang leh Muanpi
6.Zomi mintawh Topa tungah Lungdamkoh thugenna leh thungetna- Rev. Go Za Nang
7. Thugenna - Bishop Felix Lian Khen Thang- Zomi makai te leh
mailam kalsuan ziading.
8. Zomi mintawh Topa tungah Lunggulhkoh thugenna leh thungetna-
Rev.Pau Khan Khai
9.Thuzaksakna - Pa Kam Suan Mung
10. Tawpna la - Zogam --- Zomi cih.
11. Tawpna thungen- Rev. Sian Za Lian

Kalaymyo sunga om Zomi makai ahithei teng leh mipi te St. Mary RC
biakinn pi sung dim sitset in kitu khawm a thangah huai mahmah hi.

- Leitung gam 33 aom Zomi khempeuh te adingin thungetna zong kinei hi.
Pasian in Zomi te abeisa sangin mailam ah hong makaih denzawk
nadingin zong thu kingen hi.

Mipi khempeuh in Lungdamsa leh thangah sa in innlam kizuan diam diam ciat hi.

Hihbangin Zomi te kimuh khop zelzel ding cih mipi bup ten genpha pha uhhi.

Pasian in Zomi khempeuh tungah alamdangin thupha hoih tawh hongmakaih
den tahen,

Thupuak

Rev.Pau Khan Khai
President
GZA Kalay Committee

 


Comments




Leave a Reply