WWW.TUNGZANGNEWS.COM

 
Athu : 2014 kum 29 March pan 10 April 2014 nidong milip kisimna (Census) vai

Kongit Kawlgam leh Leitung bup aom Zomi u le nau khempeuh aw,

Ih theihsa tek mah bangin Kawlgam sungah tukum 29 March pan in 10 April dong milip kisimna (Census) om ding a, tua munah ih minam (Ethnic) lahkhiat ding kul hi cih ih theitek hi. Ahizongin ei Zo minam te adingin Kumpi te geelsa Code nambat na omlo ahih manin mitampi lung himawh in GZA makai te tungah tu le tu-in hong kidong den hi. Lung hihmawh ding mah ahihi. Hihthu tavuan nei gambup Immigration te tungah a kidot ciangin tua bang a Code nambat omlo te Code nambat 914 OTHER (adangdang) te nambat tawh kigelh thei ding cih ngaihsutna hong pia uh hi. Tua ahih manin ih thutawh kisai-in GZA panin a nuai-a bangin hih dingin kong taangko khia uhhi.

I minam pen tangtawng pek a kipan midang te hong piak hilo, eimah le eimah i kilawhna ahi, ZOMI mah cih ding aman pen leh ahoih pen ahihi. Tua ahih manin Form i gelh (Fill up) ciangin Code Nambat 914 ZOMI ci-in i at kim dingin kong zasak uhhi.  

Hih atung a, tangko khiatna (Statement) pen ZOMI khempeuh in eimah le eimah i kilawhna min ahih manin ngaihsut siam a, hi munah kithukim diamdiam in i kipumkhat nadingin itna leh zahtakna lianpi tawh hong thum ung.

Adang kong thum nopna laikhat uhah, hih vaitawh kisai-in ngaihsutna kibanglo thei ahih manin tua banga, ngaihsutna a kibanglo mite tawh kam kinialna, kitot kiselna bangmah nanei hetlo in itna leh lungduaina tawh nana kikum in minam picing ihihna nana lahkhiat nadingun GZA mintawh kong thum uhhi.

Ih Biak i paai Tung Pasian in ZOMI khempeuh ih omna tek ah thupha hongpia hen la, Ama’ adingin minam picing leh minam muanhuai hong suaksak ta hen!

Note hongit,

Rev. Dr. S. Pau Khan En

GZA Makaipi     

21 Jan, 2014  



 


Comments




Leave a Reply