WWW.TUNGZANGNEWS.COM

 
Athu: Myanmar Census ah Zomi kicih ding leh Census vai nasemte aa ding Fund zon sakna

- Ni 100 in zongh a sam nawnlo, Myanmar Census 2014 ah Zomi i hihna kiptak in i phungvuh dingin Zomi Youth Network -ZYN min tawh thukimna hih lai tungtawn panin ka pulaak uhhi. Banghanghiam cih leh, Zomi in ong kiciamteh kei zong, i phul mahmah ding kawmkal ah, hih bang hunpha i ngah pen Pasian in i thungetna hong dawnna a hihi.

- Census vai pen, Myanmar kumpi bek hilo in, gamdang tampi huhna tawh pilna leh sumtha tampi bel aa kivaikhawm khat a hihmah bangin hamphatnate leh hih theihnate i khahsuah khak hetloh ding i ki phawksak phapha hi.



- Hih Census ngiat bulphuh in,http://2014census.thezomi.com cih website khat ka na bawl uhhi. Hih website sungah, Myanmar kumpi lam pan ahizong, media tuamtuamte leh Zomite ii Census vai nasepnate a cing thei penpen ding aa kigawmtuah a hihi. Video tawh, lai tawh, lim/maan tawh tampitak om a hihi.


- Website sung ah, mipite ii lung himawh a theih huai thu tuamtuam, Census paizia cihte leh lunghiangna a neite a ding thu leh la tuamtuam hilhcianna, a kisamte Kawllai pan Zolai in a hizong, a Kawllai mahmah tawh zongh kisuak sak ahihi.



- Hih Census vai aa nasemte khutkhat tawi khekhat khai in panpih diamdiam theihna ding, website tungtawn pan, huhna/pahpihna te piak theih dingin kibawl ahihi. Hun tomno sungin olno tak aa kipia thei ahihi. A piakdan ding khempeuh zongh kician tak in, lim tawh video tawh kilak ahihi.



- Zogam leh Myanmar bup aa nasem Census vai ding aa mapang peuhmah panpih nopna lungsim ka nei uhhi. Party vai hilo, Pawlpi, Beh leh Phung, Awkaih tuam khat ii vai cihbang hi hetlo aa Zomi cih i minam bup ii vai a hihman in, kua mah ki theihmawh bawl huai hetlo hi.




Zomi Youth Network
www.zomiyouthnetwork.com

Zomi Census Fund
http://2014census.thezomi.com

Lungdam
Topa Thupha
God bless Zomi, Zogam

 


Comments




Leave a Reply