WWW.TUNGZANGNEWS.COM

 
PictureSia Pau Khai te Innkuan
Dear Zomi ulehnau,

Kumthak thupha ahi nopna in mimal kim tungah hongtung tahen. Zomi te pen ikhua itui ah iom lai in salian sapi amaan iomciangin khuanawl
ah mualsuah in hanla sa in thau ilot bangin akilungdampih phadeuhte
ihihna kimu a tuni dongin Pasianhehpihna thupha khat peuh peuh asang iom ciangin akilungdampih phadeuh te ihihi.


USA ah innkuan in sangkah dingin Jan 13,2014 ni in Southern Baptist Theological sangpi kongtung uha, khua hun akipan nuntak khuasak dan tampi bel hongkilamdangin ahizongin akilam dang hetlokhat om a, Topa hongitna leh hong makaihna kilamdang lo hi. 

Kalungdammahmahna thu khat ah:

Kum 2011 lai in Portland Oregon ah crusade kabawl a, nitak kaciah ciangin Rev.Dr. Kam Khaw Thang tapa Pa Khup leh Nu Lam tawh katonkhawm uh hi, a innmai katun uh ciangin amawtaw uh na om in, " Hih mawtaw innlam a gospel paina dingin hoihmahmah si e" kacih leh hongpia ingei tangpah o hongci in upngamlo phial in lamdang kasa
mahmah hi.

Pa Khup te nupa in Pasian nasepna mun khat peuhpeuh ah Topa aw hong kihel sak in ci a thu kangetnget laitak uh leh Pasian nasem te kisapna khat panpih nuam lua ung ci a thu kangetnget laitak uh ahihmanin Topa mintawh hihmawtaw kongpia tak tak uhhi hongci in upngam loh zahdongin Pasian hehpihna thupha kasan nitak ahihi.

Innkuan in sangkah dingin kongpai uh ciangin amawtaw amau mahmah in Portland panin gamla mahmah taleh Nashville ah hongkhak suk vingveng leuleu in Jan 16 niin Nashville a Sia Pau Lian te inn natung ta hi,. Sia Pau Lian te nupa inzong hongmusak nuam mahmah uh ahih manin Jan 17 ni in Sangkahna Louisville ah anupa un hongpuak to
pah ving veng uh a, nitan nai 6:00 PM hun in sangkah zawh ni 4 cinni in Topan US gamsung a zatding;in mawtaw hongpia himawk ahih manin kalungdamna honglian mahmah hi. 

Jan 18 ni ciangin sanghuang kim ah kahawl kawikawi a, kalungdamna khitui tampi hongluang hi, hihmawtaw pen kei lei zawh pakding hihetlo in Pasian Lungdamna ding thu vaihawm in gospel katangkoko leh Pasian in kalungdamna ding thu hongvaihawmsak himawk veh e ci in Topa tungah kalungdam hongkhang mahmah hi. 

Pa Khup leh Nu Lam te thu atom:

Pa Khup acih pen Zomi te sungah Laisiangtho Pasian kammal hong teikhiat sak Rev.Dr.Kam Khaw Thang tapa hi in TuiThang khuami ahihi.Nidang in Japan ah om uha tu in US gam Portland Oregon ah om uhhi. Nu Lam pen Sia Kingmang sanggam nu hi in anupa un Pasian ait mahmah leh Pasian nasemte veilehtak ah Aaron leh Hur bangin
apaang nuam mahmah uh hi in , amau pumpi Topa gamadingin akihel zawhloh hangin Topa piak thupha tawh Topa gam adingin amapangnuam innkuan ahi uhhi.

Pasian na kasep zawh kum 27 hongcing ta , hibang lungdamna thu te katuah ciangin kalungdam mahmah hi, Zogam leh Zomi adingin abeisa kum 27 sung luangleh ban kham in ,asuk ato azu aham thuak in Topa hongitna Lungdamna Gospel thu kataangko khak pen kalung hongdam mahmah hi.

Tutung in sangkah dingin innkuan in Louisville kongtun ciangun hongza kha Zomi te mun tuamtuam panin itna tawh hong hopihleh itna kam akipan vaimuakna tuamtuam kangah uh ciangin Zomi te hong aituam it Pasian tungah kalungdamna lian semsem hi.

Louisville pen Zomi atawm mahmahna khuapi khat na hi a, ahizongin aom sunsunteng in itna nei in kipumkhatna om a thupi kasa mahmah uhhi.Louisville khuapi pen kumpi sang zong nahoih mahmah leh khuahun akipan omdan khawldan anuam mahmah khuapi khat nahihi.

Pasian hongitna thusim pawlkhat:

1. Topa ilungdamsak leh Topan ei honglungdamsak hamtang dinghi.
2.Topa maipha izon teh icimtak pahpah a athupha isim ciangin
ihawmthawh pahpah hi.
3.Thu sia uk mahmaha thupha ngah tamlo hi.
4.Nasepna khat peuhpeuh ah Lungsim khempeuh piakna pen gualzawhna naak ahihi.
5.Topa it mahmah leng ei hongit mahmah ding Topan vaihawm zo ding hi.
6.Nasepna ah mun lian munneu om a,Topa nasepna aneu alian omlo
hi,Topa kihelna khempeuh avek in thupi leh lianhi.
7.Vision lianpi neih ding thupi a, sin pahpah ngam ding thupimahmah hi.
8.Mi gualzo leh milungdamte lungdampihna pen ei lawhcinna ding lampi
thak ahihi.
9.Lungsim siangtho te thupha apia nuam Pasian ahihi.
10. Lungdamkohna athupisak te Topan alungdamna ding vaihawmhawm ding hi.

Topan laisim mimal kim tungah thupha hongpia kim ciat tahen.

Lungdamna lianpi tawh Topa minthanna dingin,

Sia Pau Khai te innkuan
Louisville,KY
Phone- 443-757-7816


 


Comments




Leave a Reply