WWW.TUNGZANGNEWS.COM

 
I minam sungah Pasian mizat Sia Pau Khai pen American Kentucky State Louisville, Southern Baptist Theological Seminary ah Ph.D zomdingin Kalaymyo panin tuni, Tuesday, January 7, 2014 ni-in, Yangon zuanin vanleng tawh lengkhia ta hi. January 10, 2014 ni-in USA gam zuanin pilna sinbeh dingin kuankhia ding hi.

Ama' pilsin nading sang pen, Zogam sunga Christian suak masa Pu Thuam Hang, Pu Pau Suan leh Rev. Vial Nang te atuiphum Sangmang Dr. East sangmanna sang hi. Leitungbup ah library lian pen nihna nei a, a khatna Germany ah om hi. Zogam adingin Tuiphum taktakte' hong tuiphum pa Dr. East sang manna hi a, Sia Pau Khai in Zogam ah Tuiphum min gui zui-in tangthu thak khat hong satkhia suak hi. Tua banah Cope Topa pawlpi' mapan pihna zong a ngah mahmah Zomite' adingin itangmi khat ahihi. 

Zomi Pasian' nasemte' makaihna tawh kiphuan kipawlna lianpen ahi, Global Zomi Alliance ah zong Kalaymyo Central Committee ah President asep laitak hi-a, Pawlpi 84 te' lungtang khat ahihi. Zogam adingin Zosiam Ministry cih nasepna tawh damlo Zomite adingin, taksa le kha cidamna lamah nasep lianpi asemkhia khat ahihi.

Lungdam Pihna Tawh,

Dal Sian Hung
Kuala Lumpur, Malaysia.
 
 


Comments




Leave a Reply