WWW.TUNGZANGNEWS.COM

 
PictureTedim ah Pi Teek nu hong pai
All, Laisim mimal kim tuni 7/1/2014 ni-in nitak nai 4:00 pan in nitak
nai 6:00 dong Tedim Kamhau Tualpi ah mipi tul 10 kiim bangin dawn na
leh mipi tung ah thu genna hong nei hi.


Pi Teeknu hong din phet in Tedim kong paiteh a kilamdanglo thu khat om
aa, tua in naupangte a mai lam ah na koih uh dik ka sa mamah hi. Hih
dan pen ih gam a dingin naupangte thupit bawlna hong kilang ahih manin
ka nuam mahmah hi ci hi.


Kawlzang ah thu ka gen te mipite singlim nuai beel in om aa, no Zogam
ahih leh nisat na lam bel in om na hih manin kham leh zang kilam danna
hong musak pah ahih hangin gam leh minam itzia ih tup i ngimnate
kibang hi veve hi.

A ma hong pai na vai 2008 thu khunpi tawh kisai khel ding te gen tel
na mipi tung ah hong nei hi. Hih thu khunpi tawh kisai mipi tungah
genna pen Kawlgam ah Tedim a 4-veina ahi hi.

Mipi lam pan dot hun hong piak teh Sia Kam Lian Thang in 2015 kumteh
CRPP sungah kihel minam party vai dotna nei in Pi Teeknu in gambup
nasemte ka hih manun khat leh khat kikal nawngkaisak lo ding hi ung,
ci hi.


Tua meiban zom in Tg. Cin Suan Mung (GTC-Kalay) in Siamsin sang
naupangte leh kumpi zum nasemte in Politic sem thei loding cih tungah
bangci na muh hiam, ci-in a dot leh Pi Teek nu in hih bang kammal pen
Kawlgam Democracy a suaksak nuamlo te kampau ahi hi. Tua ahih manin
Kumpi nasemte khen nih om in khen khat pen nuntak zonna tawh na sep hi
aa, khenkhat pen Party a lunglut hang a ma nasep a nawngkaisak loh
ding thupi ding hi. Sang naupangte a dingin gamvai pen a seploh a
phamawh thu ahih manin sang naupangte khempeuh in gamvai hong sem
mahmah un, ci-in hong vaikhak hi.

Ei minam party neite a ding thupi cih mu ka hih manin kong suaksak hi.

Nung Sian Tuang
Tedim


 


Comments




Leave a Reply