WWW.TUNGZANGNEWS.COM

 
Minam it Zogam tangval Pu Pau Lun' tung panin, 30 December 2013 ni-in, Myanmar 2014 cencus ciangin, Zomi cih minam sungah mimuan anuai-ateng kamuh khak manin, angtang mahmah ing. Tua banah Zomi tampi te-in, atelkhialh mahmah uh, Tedim Association (Zomi cilo-a, Tedim acih sese uh) pen, Dr. C. Thang Za Tuan' makaihna tawh Yangon Khuapi' huamsung Zomi kipawlna thupipen ahihna tawh kizui-in, TA (Yangon) President ahi, Dr. C. Thang Za Tuan mahmah ngiat' genna ah, "I minam min pen Zomi mah cini" cih ngiat pen ama' kam panin, kizakhia ahih manin, Zomibup adingin, mimuan khat ahi, Dr. C. Thang Za Tuan leh TA (Yangon) pen akua mapeuh in telkhialh nawnloh ding ahihna kahong zasak hi.




Rev. Dr. S. Pau Khan En, (President of GZA)
Rev. Dr. Do Suan Mung, (GS of GZA)



Pu Cin Sian Thang, (President of ZCD)
Dr. C. Thang Za Tuan, (President of TA, Yangon)



Min Gelhzia Pawlkhat:

Rev. Kam Cin Hau: Rev Kamcinhau hilo. (Rev munah full stop, minpi sunga minmal khat le khat pen space khatta hal ding. Minpi sunga kihel minte apatna pen capital letter tawh gelh hamtang ding).



Philip Khaipu: Philipkhaipu hilo. (Philip le Khaipu kikal ah space khat hal hamtang ding).



Thawn Tuang: Thawntuang hilo-in, Thawn Tuang tawh kigelh hi. Ama' minpi pen Thang Thawn Tuang hi-a, minpi sungah malnih pen minneu in zangh ahih manin, Thawn le Tuang kikal ah space khat kihal sese hi.



Sia Thawngno: Hih munah, Thawng le no' kikal ah space halkul selo hi. Ahangpen, Thawngno' minpi sungah "no" kihello a, Nang Khaw Thawng cih ama' minmal tawpna Thawng pen "no" tawh behlap ahih manin, space khat hal selo in malkhat in kigawm ziau hi.


Noel Ta Thang: Hih munah ama' minpi pen, Gin Loh Thang himah taleh, minneu ah, "Noel le Ta" guanbeh se hi. "Thang" pen ama' minpi' sunga-omsa ahih manin, mipi' mai-ah minbehlap aomleh capital letter tawh kigelh hamtang hi. (Noeltathang hilo, Noel Tathang zong hilo).



Laimal Gualzia Pawlkhat:

Ta Thang (Tathang hilo)
Ta Tung (Tatung hilo)
Ta Lian (Talian hilo)
Ta Pau (Tapau hilo)
Tabawi (Ta Bawi hilo)
Nuboih (Nu Boih hileh akhiatna dangkhat hongsuak)
Boihtawng (Boih Tawng hilo)
Bawino (Bawi No hilo)
Thangta (Thang Ta hilo)
Pauta (Pau Ta hilo)
Cingta (Cing Ta hilo)
Ta Cing (Tacing hilo)
Kap Cin (Kapcin hilo)


Zolai & Linguistics ah,

Dal Sian Hung
Kuala Lumpur, Malaysia.

 


Comments




Leave a Reply