WWW.TUNGZANGNEWS.COM

 
Dear It le ngaih teng,

Zomi te sungah census a dingin ki buai mahmah ahih man in kei mimal mahmah in zong hih thu te ka lungngaih kawm in mailam a ding ka ngaihsut teh lampi zing neu khat om ka sa a, i lungngaih ding in kong sung nuam hi.

Tu laitak a i buai na pen tu ma kumbangzah hiam lai a i ki makaih zia leh pilna ki piakna te hanga i agah hi, ci in ka mu hi. Tua ahih man in tu ni in i kalsuan zia te nidang hun te panin i laih kei leh tu zawh kum 5-10 dong in aki khangto nai ding hiam ka ci nuam phial hi.

Tua ahih man in a thuneu pen tawh aki bathang i bul pat theih na ding in ki makaihna khat peuhpeuh, ki pawlna khat peuhpeuh (minam kipawlna ahi zong pawlpi kipawlna te ah ahi zong) human right aki cihcih mahbangin milip lungsim pulak na leh democracy kalsuan dan in kalsuan le hang mailam kum 5 ciangin ki masotna khat a om zo dingin ka lamen hi. Human right i cih te sungah khangno leh numei te dinmun ka gen nuam hi.

I kipawlna te ah nasep zia ding power nam 3 om a tua teng aki hel masiah singkung bang hi leh ki gah zo lo ding hi. Hard power, soft power, leh smart power ahi hi. Hard power cih pen a kamhang, a sem gam, penglam galkap a bang te ahi a, hih bang makai te pen Asia gam mite a ding in 60% ki sam hi. Soft power cih pen ngaih sunsun a a geelgewl te hi a, khialh na tawm hi, ahih hangin zekai ahih man in Asia gam sunga dingin 40% ciang zat ding ki sam hi. Smart power cih pen hard power leh soft power aki sap banga a a gawmtuah thei te ahi hi. Zomi te dinmun tawh ka et teh pasal te pen hard power te bangin ka na tuat a, numei te pen soft power neite bangin ka na seh hi. Smart power cihnpen NGO ten lim zat mahmah a, ahih hang in Zomi te sungah mun ki pia zo nai lo hi.

Zomi te in a beisa hun a kipan tu ni ciang dong mapatna khat peuhpeuh ah mipi i 60% 
ahi hard power teng bek in pan ki la hi. Soft power mun teng ki nusia ahih man insmart power dinmun ki tung zolo hi ding in ka um hi.

Aung San Shu Kyi in kipawlna te ah 30% numei, 30% khangno ki hel hamtang hen a cih pen Zomi tenin zong kipawlna te ah zang siam hi le hang, tu zawh kum 5 ciang in tu laitak a i gengen te tawh i thu kikup zia hong ki lamdang dingin ka um hi. Hih ki makaih na pen democracy kalsuan zia zong hi a zat ki pan le hang min tawh buai na pan in ki suakta ding hi. Tua bang in kalsuannani neih masiah lutang tampi tak in pumpi khat a makaih nuam a ki tuh luilui tawh ki bang dingin ka tuat hi.

A telsiam dingin kong lamen hi.

Note tawh,

Dr. Cing Pum Neam

 


Comments




Leave a Reply