WWW.TUNGZANGNEWS.COM

 
Siasanpih Ngaihteng,

Tutung 2014 Kawlgam Milipsimna (Census)-ah "Zomi" I' hihna maantak gelhciat lehang minam' phattuamna piang ding-in lamen ciat I-hih man-in athei-tawh atheilo-tawh kei-a kipan amunmun, aphualphual-ah maa kipang ngeingai-a, minam buppi' ading lawhtaak alian phapi hong tunkei phial zong-in Hih bekbek-penzong alungkimhuai, "minam kithei kim" ahihlam I' theihthak bekbekzong kimeet mahmah-in ka-sehhi.

Ad Info

Hih Milipsimna-tawh kizuui-in USA-a ateeng Pu Haatlangh' suan sungpan-in Laaitui Khuami ka' tupa Pa Langh Sian Khai-in, "Guun Gaal-pen abeisa hunte-ah hongki painelh zeelzeel ahihman-in bangbang hileh laai honggelh inla, akhong-in hawmkhia lehang," ci-in phuluum phuul nading hong patlet ciang-in keizong laai gelhsuk pah-in ZCD Thuzeekpi, GZA Thuzeekpi-Huh, ZIS Lutangpi (aseem khinsa) leh LZI Lutangpipa lak-in amau' muhzia ka' ngen-hi. Amaute-in hong paakta keiphial zong-in nialna leh sia sakna hong neilo ahihman-in khamuang tak-in kana kipan uhhi.

Laaihawm-pen anuai-ah kahong thuahbelh-hi.

Hih Laaihawmna-ah kipawlna min-hiam khatbeek bih/tawphah kinei lo-a, kuamahzong zawn selo-in akithuza leh amapang khawmpak anuai-ateng ahihi:
Pa Langh Sian Khai (Laaitui ~ USA): Kawlsum Tuulza 2.3
Pa Hau Baan Nang (Pa Hau, Heilei ~ AUS): AUD 100
Pa Cii-Pau (Pa Pau, Tungzaang ~ AUS): AUD: 50
Tg. Khup Lam Thang (Thangpi, Haopi/Haupi ~ AUS): AUD 60
Tg. Suan Sian Lian (Tg. Sian, Anlangh ~ AUS): AUD 50
Zokhai (akisam zahzah dimding, akizawhsiang khitteh seppihte' tung-ah pulaak ding-in hawilaai).
Hihteng aki tawphah ahihi. Tanu mun-ah hongpang Laaitui Siamsin Kipawlna pan-in mawtawsaikel-tawh mi nihta kithuah-in zinkhia khinta uhhi. Adiak-in Teizaang kual-a zinlehvaak nading-in Heilei Khua-a ZCD Upate-in zattangzaang hong guan uh-a, khutkiletkhop kipatna lim kimu thei-hi. Guun Gaal khuate khempeuh baan-ah sanggam Ngawn (Falam Township) sung-a khua 12 (aminte hong nua-khah kiikni'ng)-ahzong ahawmkhia ding-in kuankhia ta-hi.

Azenzen-in "Guun Gaal Thelnah Leeng, ko' khua-ahzong akihawm nading ???-tawh hongpang nuam-ing" aci I' omleh Tedim mahpan-a aki copy ahihman-in ahun laplaai-a, Laaitui Siansin Tanute nana leeng pahding uhhi. Hihpen minam' ading-a pantheihna omsun ci-a aki mapang hi-a, Zomi minam kipawlna-a kipan kipawlna khatpeuhpeuh demna leh kitukalhna khatbeek omlo-hi.

Thuumna: Kawllaai khet siamlo kahihman-in "kaat -ah Dah-Dwey tatding Ta-Wam-Po tawh tat" kahihman-in hongna telsiam un.

Zomi Pasian' Thupha!

Zokhai

 


Comments




Leave a Reply