WWW.TUNGZANGNEWS.COM

 
Pasian honggel saknatawh January 2, 2014 pan January 16, 2014 ciang Kawlgamsung a om Biakna te´omzia a ending in Prof Dr. Brita Gill Austin (Prof of Andover Newton) makaih natawh Boston khuapi a om Andover leh Harvard sangnau pang 12 tetawh Kawlgam sung Biakna leh Munthupi te ka vahawh uhi. Ka thubul phuh uhpen “Walking the Path of Nonviolence: Buddhist and Christian Approaches” hi.

MIT sangtung tawn in, Dr. Maung Maung Yin leh Dr. Samuel Ngun Ling tevai hawm natawh MIT Peace Study Center ah Buddhist-Christian-Muslim makai te kimuh khopna leh panel discussion ki nei hi. Tua makai te in:

1.     Dr. Hla Myint (Prof of International Buddhist Univeristy-Yangon) in “challenges of the changes in Myanmar in Theological reflection) what are the changes, challenges reflection?” pan in kamkup na nei hi. Dr. Hla Myint thusun na-ah “cikmah hun in Kawlgam Buddhist ten violence (ngongtat na) leh terrorism  Gamsung-gam pua ah sepding cihtha dah kilem lohna a omleh akilem theihnang un aki hanciam hi. Tulai tak Buddhist leh Muslim (Rakhine) buaina pen Buddhist Biakna tungtawn a Kawlgam Kumpin abawl hi a, crony lampan tawsawn uha hih bang buai na hongom hi a kidah mahmah hi” ci hi.

2.      Aye Lwin (Director of Islamic Center) in “Religion, Security and Co-existence” bulphuh in kamkup na nei hi. Atom kim in U Aye Lwin genna ah “King Min Don in Kalar/Indian Kawlgam Muslim te khawl na inn(rest house) nading in Mecca nangawn ah inn lam hi. Historical facts hidan ahihi (1) King Alaungphaya kumpi in Muslim mihing lI (4)Shwebo Khuapi ah kithat khial a site phawk na in- Mosque lianpi li (4) lam hi. King Anawratha in kumpi asep 11thcentury pan in Abbid Shah Hosseini, Gazi cih te in Kumpi na rank sangpipi sem hi. 14th century in Rakhine Kumpi pa in Arabic tawhki gelh title na nei hi. Ayeyarwaddy division khuapi Pathees kici Muslim te in dynasties 3 sung uk,a a Khuapi min Pathein ci in amau min phuah uhi. Anglo-Myanmar war lai in citak tak in Muslim tampi tak in Kawlgamading in galdo hi. 15th century in Taninthargyi division ah Muslim te kumpi sem hi. Tun abangci hiam? Ko Indian or Kalar Kawlgam a omte kapian na gam uh Kawlgam ah zin(guest) hongki tangsak hi.”

Tuaban ah tunung deuha Rakhine buaina pen Kawl kumpi in Biakna min azat (religious hijack) hi a Buddhist leh Muslim kikal buaina hang hilo, Kiteelding naikik leh ih kumpipa “lengah tui alui thawl thakzong hilolai- aluisung ah kikoih bang hi) old wine in a new bottle zong hilo – old wine in an old bottle dan hi. Tua ahih man in religious/Biakna lampan in hanciam kilemna (peace-building) hanciam kul hi.

3.     Dr. Saw Hlaing Bwa (Ph.D Germany) in “Challenges of the Change in Myanmar and New Theological Reflections” bulphuh in nasia tak in kamkupna hong neihpih a thupi thei mahmah hi ahang pen religious leh politic perspective tawh kigen khawm a zaknop mahmah hi. Prof Hlaing Bwa in thuuk gen sim hi agan ah “Tulai Kawlgam hunpai zia ih etciang globalization khentum in hong nawk hi. Amasa pen Anglo-Burma war in hongvat a 1824 pan Gamkek/colonist te hongpai akipan independent ihngahdong 1948 hi. Anihna pen Galkap ukna 1962 pan in hongvat dikdek a, 1974 in Burma Socialist Program Party inkikhel mahta leh 1988 student uprising nasia tak hong om ciang Uital te power hongkhuah semsem-2011 ciang hizen hi. Athumna democracy in hongkilaih a alam ethuai(flickers of hope) hiphial mah leh abeisa ciang2 ihet ciang kikhelna (change) in thuhoih sang thusia hongton pihzaw a tua ahih man in ih theology pen panmunthak kul (new challenge) mahmah ta hi cihi.

Myanmar & Religion

Kawlgam sung a om Biakna te ihet ciang Kawlgam pan in apiang khia (originate) Biakna khatzong omlo hi. Ahizong in hongtung masa Biakna pen Kawlgam Biakna ci in mitampin theih lawhhi. Ahangpen BC 600[i] kim in kumpi Okkalapa in Gautama samzang, Ballika leh Taphussa tungtawn in nangah a tua pen hih, Shwedagone nuai ahpawlkhat kiphum hi. Buddha samzang ngiat kiphumna ahih man in gold ton 6 leh diamond carat 75 tawh atung ahzem uha leitung a om Pagoda lah a lianpen pawlhi.

Banghang Kawlgam sung ah Pagoda/cite mualtungteng ah adim inki lamhiam? Kumsim in hih Kawlbiak na Pagoda/cite khan acih in khanghiam? Akhan mahding hi-Phongyi/Buddhist monk khat asihciang in pagoda khat ta lamto den uhi. Tulai tak Kawlgam sung ah Phongyi Lakh 5 oma, Galkap Lakh 5 om in Mihing million 55 lak ah million 1- Chinbup mimal sang tamzaw hi.

Kawlgam Christiante munthupi te

Bagan ah Painting Singlamteh Lim leh Zeisu leh a Nungzuite Annekna Lim, 11th century lai in kimukhia ahih man in Christian te Gamsung/pua pan ahizong om ngei cih kimukhin hi. Nestorian Galte cihbang, Portuguese te Siampi hongpai vua Pasian nasep na amau hihtheih zah in nei mah leh indigenous convert record nalian ki tellua lo hi.

Ihtheih samah bang in ih Pu Judson Kawlgam July 13, 1813 hongtung a, Kawlgam mite ading in khua ulluang in panmun honglak na Innwa (Ava) ka vapai uhi, ka tourist guide pa uh leh a kiim a om Kawlte kadong a,  Christian monument omna na thei uhhiam ka cihleh, thei mah sam ahizong in 1989 in Kawlkumpi in phiatmai hi. A khasiat huai mahmah thu khat ah, Judson Innwa a aom lai anasepna munte ciapteh na thupi tak in suangtawh kibawl hina pin 1989 kum in Galkaptne tokhia in tua monument pipen koi lam ah koih uhiam kithei nawnlo hi. Tu in singnuai ah lei akitawh nabek kimu thei lai hi. Hihpen kumpi te vai khawm hi a, Christian upna abei theih nading in ngimna aneih lam uh kitel hi. Banghang hih cithei ka hiamcih leh, kawlbiak na lian in ei thu ummi tebang mah hong lawh lo uha, tu ciangciang biakna tawh buaina khempeuh tepen Kumpi vaikhawm na vive hi.

 “Walking in the path of nonviolence approach Buddhist in Myanmar” Tuma deuhin Buddhist leh Muslim buaina ziakin mitampitak sihlawh a, inn leh lo tampi tak mah siacip hi. Tuadung zui in leitung ah University minthang pawlkhat te in bang hang a Buddhist violence (ngongtak) theimawk hiam? Buddhism cihpen nonviolence a kithei hi a, cih ngaihsut na hong om in tuatawh kizui in, Kawlgam sung kihongto lai ahih natawh, khualzin na leh thukan dante freedom zawdeuh ahih teh ci in kasang pan un border crossing team ci in kakipan uhi.

Myanmar Institute of Theology i khutnuai a kipankhia Judson Research Center bulphuh in Peace Center kipanhi. Buddhist-Christian, Muslim makaite kimutuah zeluha, kawlgamsung a Buddhist-Christian-Muslim buaina omlo a khuasak khopding thupi hicih bulphuh in meeting neigige uhi. Hihbang kipawlkhopna pen Kawlgam ading in amasa pen hi. Hih tawh kisai in makai piten research ginatak in bawl ahih man in religious conflicts ihcih pen Kumpi te´thusim khat ahih lam genkhia ta uhi. Biakna khat leh khat, mi nam khat leh khat ki khenkhap ding a ngim na un kumpi in mipi te vanzat in nei hi. Tua ahih man in phongyi (monk) khempeuh zong ataktak hilo a kumpi sawl monk zong a om ahi hi.

Hih Interreligious dialogue kipat na pen ahoih nakhat omhi. Banghiam cihleh Biakna khatleh khat akilem na hongki taklang ding a abei sa a buaina tepen Kumpi te strategy hi cih hong ki musemsem ding hi.

January 5, 2014 in Theinpyu street a om Catholic biak inn pisung ah Kawlgam sung Khangno te kipawlna tawh nitak nai 5pan in Buddhist, Christian, Hindu leh Muslim tekimuh khopna lianpi kinei hi.  Kawlgam sungah Biakna lampan kilem na (peace) ihpatkei leh lunghih mawhhuai ahihna biakna maite in interview na ah gen uhi. Hih kimuhkhop napen anih veina hipan a, Kawlgamsung ah hamphatna (rights) te hangsan tak in zangkhia ni cih hanthot naleh lasiam telatawh thapia uhi.

Kawlgam leh Khantoh na

September 2011 leh December 2013 kikal sung ka et ciang in ih Gam uk kilaih a khangto mahmah ding in ka lam en hi. Kumpi makai Thein Sein ukna pen old wine in a new bottle ciding ihiam, old wine in an old bottle ciding ihiam asung taktak ah kilam dan na omnai lo hi.  Than Shwe sangbel phadawm zawdeuh lehkilawm cidiam- amin khiatna dungzui in tawmphadaw leh kilawm. Than Shwe meaning pen Million-Gold hi a, Then Sein meaning pen Lakh-Diamond hi.

Politic vai suakta tak in lamkong zing te ahzong kigen ngamta a kalamdang zawdeuh hi-2010 ciangpen Politic ihgending ciang ihkim ah kua omhiam cih ki en phot a tuaciang kigen ngampan hi.  Inn man khancih tak inkhang hi- galkap uklai sang inn mankhang zaw cihding hi.

Kawlgam sung ah Cars leh Mobile phones khangto kasa hi. Yangon-Mandalay line Bus pitebang pen Leitung level tawhki kim in zangzo uha, hoih in atuanzong nuam mahmah hi. Taxi drivers, Rickshaw driver (saih car) te, Kunza(betel nut sai) zuak tena ngawn in mobile phone zang zo uha, mikim dekphial in mobile phone kizang ta hi.  Naupang no khat nidang in Tuizuak in lamgei teng ah vakvak in nisa lak ah suntha pai zuak a, phone aneih ciang tuideih ten phone tawh contact a va puak ziauziau lel a nuam tuam mahmah hi ci hi.

Bagan

Bagan pen Ayeyawaddy gun, Nyaung Oo District Mandalay division ah om in Kawlgam laizang (Central part of Myanmar) hi. Bagan cih kammal koipan hongpai: Bagan hunlai a akiciam teh namun a, a kammal pen Pyu-gama pan kila hi a, Pyu-gan in kikhet in tuaciang Pugam (crushing of enemies cihna) hi a a pronounce ciang un Bagan hongsuak a Bagan kici in kizang zaw hi.  Theravada Buddhism upna tawh Anawratha kumpi pa in empire Kawlgam ah hongpatkhiat na hi. A liatna (area) pen mile 20 square pha a taanglai monument leh building thupi 4440 oma, tuate pen Kawlbiak na inn tuamtuam leh Buddha lim ahi hi. Hih  Banghang in Bagan ah mitam tenlua lonapin Pagoda tetam hiam? Ka cihciang in hih Bagan hunlai in innkuan khat in Pagoda khatlam zo ahih man un innpha zah leh Pagoda akikim hi ci hi. Innkuan khat in Pagoda khatlam zo ahih man un genkul lo in hau mahmah lelcih nazong hi, tuhun in alamzo omnawn lohi.

Kawlgam ah Inn leh Shwe (gold) kidem hanga, pilna (education) kidemna om nailo ahih man in, gamdang te tawh ihmuh dan kibang lo cihding hi.

Tedim leh Khantohna

Kawlpi pan ihciah tohciang in Hakha leh Tedim lamka akipan Tedim lampi hoih lo pah hi. Khaal leh Phalbi ciang in vuikhu in tukciang in buannawi hi.  Kagei a Kawlte nih tu in a kiho uh kaza a, hih bang in a gen uhi. Hakha lamte lampi zodek ta uha, Tedim ten huhna sum angah uh koi akoih uhiam ci in  ki ho uhi. Athei  ten agenciang Taingen leh Tedim kikal lampi bawlna ding thumvei kipia ta a tudong kibawl na lo hi ci hi. Ih khantoh nopleh lampi thupi masapen khading hi. Tua ahih man in Tulaitak lampi apuahzo party a omleh eimi  khempeuh in vote piak ding in hoih kasa hi.

Khua khempeuh ah Motorcycle kinei ciat ahih man in lokuan na, leh khualzin na in kizang in hunbei phatuam, mihing tawldam tuam hi. Ahihzong in cycle accident a khe kitan, khut kitan aliam asih lawh zong om ki om a, nidang (motorcycle om-ma) lai in tuabang mipoi kiom lo hi- azat siam leh kidop huai sa mahmah ing. Accident pengen theih omkei cihsam hang kidop kan omlo hi.

Politic- tulaitak minam min leh census vaikinak gen mahmah kasa a, kei muhna Tedim ka omsung Zomi khuaneu tecih thadah Tedim (Zomi tekhuapi) nangawn ah internet connection hoihlo lua ahihman inka paihang ngakzo lo in kaciah zel hi. Tuabang mah in internet azangte ka etciang U ham/ulian sang naupang vive hilel a, zominet sung te ah ihgen2 tepen Tedim kim a omte´lak ah 100 lak ah 1 in a muhleh bek hiding hi. Ahoihpen leh a manlang pending in census ciang Zomi ci un cih tawhkisai ei Zogamsung a om Zomi te´kiang ah ihgen noptaktak leh Pawlpi sung a Pastorte tungtawn in advocate lutleng mikim in zabaihpen ding leh manlang pen dinghi. A vote taktak ding Tedim kim a om Zomi te atheihding kisam penka sa hi.

Ecology- Ih gamkeu mahmah ta ahih man in Lokhawhding zong tamnawn lo in, an kihau lo ahih man in puktawt nading in Meihol/charcoal kibawl in singkung cihtha dah singgui nangawn kito ngekngek a- leisung ah khuul in Tedim ah ipkhat Kawlgam sum tulnih tawh, khua neu pan in cycle tawh hongpua in tuatawh nekkizong hi. Ih gampen puahhuai mahmah luata hi.

Tedim/Zogam sungpen climate hoih mahmah in nidang in kiciam teh hi ahizong in Singkung te kiphuk khin ahih man in tungen azop tohleh ecological crises in hongngak hi.

Leitung tourist tepai namun ih etciang Mual hoih omna munte ah lunglut uhi genteh na Nepal bang ah Mualsang tampi tetung ah Tourist atul aza in paiziahziah hi. Ei Zogam zong ecology hoihtak in kemleh puahsiam in ihgam hoihtak zemleng Thuamvum, Thaangmual, Lentaang, Lihbual etc te Tourist tepai nop na taktak te ahihi.




[i] Brief History of the Shwedagon Pagoda


-- 


PauDoLian
BOSTON

 


Comments




Leave a Reply