WWW.TUNGZANGNEWS.COM

 
Sik icih pen sak mahmah in khauh mahmah a, akizat nading munte ah izat leh, temta, temtawng, namsau, mawtaw, vanleng, inn leh vanzat tuamtuam in kizangthei kawikawi hi.
Zomi sungah Pa banga ingak, Biakna lamah mipil khat ahi, Rev. Dr. S. Pau Khan En in "Na nuntakna Sik kekseu bangin kizangtheilo in na om sangin, Khuai meivak bangin tumzaw in" ci-in GZA Khawmpi khat ah mipi mai ah tangko hi.

RC Pawlpi ah Father suah zawh ding naleng hamsa tangpi in kihanciam a, tua naleng asuakzo ding kikhat mahmah hi. Bishop suakzo Zomi sungah aom pen Zomite tangthu ah alamdang thu khat ahihi. Khat bekbek ineih, Aktui kitam ding idop banga adophuai Bishop Felix Lian Khen Thang in pil mahmah napi akizangtheilo, Laitan sang mahmah napi kimanna aneilo Zomi sungah pawlkhat ih om hi, ci-in gen ngei hi.
Zomi sungah M.A khawng ngah lenlan in, minam ading mapanna khatzong anei zolo, tapkual ciakciak minam nasemteng hawmthawh in, gensia thapai aman lah bangmah septheih anei hilo, Sanginn ah Sia te' lai hilh tengbek mah mittaw sialkhau let a thei, minam itna aneilo, angsung metna dingbek ngaihsun pawlkhat ki om hi.
Tuabanga minam itna aneilo laipil pawlkhat pen "Sik kekseu" tawh kibanga, pilna nei tase keileh ZAM zum khawngah Volunteer nasem likliakte pen minam itna tawh anungta hi-in, Khuai meivak banga anuntakna uh atumtum ding hi-in, khangkhat nuntak sungah hun zangsiamte ahi uhi. 
Sik kekseu bangin na-apcip nuam hiam?Khuai meivak bangin natum nuamzaw hiam?
Src: Rev. Dr. S. Pau Khan En, (President, Global Zomi Alliance)

Dal Sian HungKuala Lumpur, Malaysia. Mob: 011-1521-5972Email: dalsianhung@gmail.comFacebook: Dal Sian Hung
 


Comments




Leave a Reply