WWW.TUNGZANGNEWS.COM

 
Census Singkuang leh Aikuang

Kawlmang nuai ah khangkhat phial ki omta, kei phawkbek zongh 2 le 3 vei sing le aikuang honglaih khin uh ih theihsa tek hi.

Kawlmang lawhta ah Zomi te ih ki lehkhup khakloh ding thupi dinghi. Buddhist leh Muslim vai tawh singkuang leh aikuang kilaih nading aa honggel uh ahih namel kithei lo hi. Census in hong piakding aa ih lamet phattuam nate( a taktak zongh hituanlo thei) tuciangciang guu vive hiphot cih ih mu hi. Banghang, census in hong lomkhawm lo in hong dengkek ding lam manawh zaw cih ih mu hi.

Zogam Census

Tutung pen Myanmar census ahih manin Zomi kicih pelmawh a kul hongsuak phot hi. Damliai nak leh ngaklah kei un, Zogam census khatvei bawlthuah leuleu ding hang aa, tua tak ciangin aw-kaih tuamtuam te, beh leh phung tuamtuam te, mual le guam adung a vai zuiin cimang loh nading in ki kaikhawm ding hangaa, khanggui sutsuk ding hihangh. Haksa ding nasak uh leh Zomi awnkhat kipha naibuanglo hi. Dubai, UAE aa inn cialsang te 5 khawng gullu kimkot ah phut lehangh Zomi teng inn nei vive kihi ziau ding cihtawh etkak ni.

Zovontawi Tha

A thu tak inbel cilehangh, khaicii vawhkhop ding mimal 1000 ciang beekin Zomi 914 ah gelhpeel mawh lehangh a nung ah Zovontawi te logam thak vatsak, singphuk sak, gam a keugaw takteh lozau hal in mang/vam tom in ​, a tung aa kikhol zahzah ​ tua khaicii manpha lingleng teng tuhto vawhto sak ding hihangh.


Buhham khawh hun, tangham khawh hunciang kizawh zahtek tawh pang in khoto ngeingai in Zosuan bup tawh thutuak tak in buhlom te 
phalbi daitui kiatma in khawmto ngeingai in ki thalawp suah dih ni.

ZCD leh GZA ​huihnung tawh ​ki thutuak aa maa hongpan’ na uh nungzuih himhim dih ni, Zogam leh Zomi te Independence lazo zahkhop dingin ih ki fit hiam Pii-Ciang a kiteh hi kawmkawm hihangh.



Zomi' Huamcia?

Minam khat aa hong bawl leh thupha hongpia biak Pasian mai ah hamsiatna tuakloh nading in minam kigi te khungdah hoh dih ni. Zomi cihciang in Ciimnuai panh khualal khiateng tawh khaici tuhding hangh aa, khamtung gambup leh ih ngap ciacia zaisak in leitangh kigi khungding ihhi ​ zaw​hi. Leitang kigi ih khung ding aa, minam kigi khungding pen Piangsak pa ih ap hi.

Na Kammal in Mualtan Guu

Huam cih kammal pen minam kikal kigi vai ah zatding hilo, leitangh le gam kigi vai sepkhiatna ah Strategy leh Tactics lamsang ah zatding kilawm kammal hizaw hi. ​ Matutzawhloh zahding huam kiaikuai zongh hikhin lo aa, huam kiaikuai pongin sepkhiat zawhloh zongh lawi zawngkhal ki banglel dinghi.


Hih sepkhiat gelkhiat zia strategy leh Tactics vai ah a theitaktak te, a semtaktak te, thu mutaktak te, deihsak taktak te leh minam veitaktak te lo peuhmah in mawk ciakciak theih thu hilo hi. Bang hanghiam cihleh tungaa bangteng lotawh paukhiat kammal te in guu nei thei ahihi.

​Thu khinkhai dimdiam thei dingte kampau luhek ngai ni.​

​ZOMI NAMPI NI Khiatna neitak in muakkhawm ciat ni.


ZH



 


Comments




Leave a Reply